అంతర్జాతీయం
చైనా చిన్నబోయంది
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, ఆగస్టు 12: డోక్లామ్ ప్రతిష్ఠంభన విషయంలో భారత్ ‘ఎంతో పరిణితి చెందిన శక్తి’ మాదిరిగా వ్యవహరిస్తోందని, దీంతో భారత్ ముందు చైనా చిన్నబోతోందని అమెరికాకు చెందిన రక్షణ విభాగ నిపుణుడు ఒకరు వ్యాఖ్యానించారు. డోక్లామ్‌లో రోడ్డును నిర్మించేందుకు పీపుల్స్ లిబరేషన్ ఆర్మీ (చైనా) బలగాలు చేస్తున్న ప్రయత్నాలను భారత బలగాలు అడ్డుకోవడంతో ఆ ప్రాంతంలో గత 50 రోజుల నుంచి ఇరు పక్షాల మధ్య ప్రతిష్ఠంభన కొనసాగుతున్న విషయం విదితమే. ఈ సమస్య విషయంలో భారత్ అనుసరిస్తున్న తీరును ప్రతిష్టాత్మక అమెరికా నావల్ వార్ కాలేజీ ప్రొఫెసర్ జేమ్స్ ఆర్.హోమ్స్ ప్రశంసించారు. ఈ వివాదం నుంచి భారత్ వెనకడుగు వేయడం గానీ, లేక దూకుడుగా వ్యవహరిస్తున్న చైనాకు అంతే దూకుడగా సమాధానం ఇవ్వడం గానీ చేయకుండా పరిస్థితిని చక్కదిద్దేందుకు ప్రయత్నిస్తోందని, తద్వారా భారత్ ఎంతో పరిణితి చెందిన దేశం మాదిరిగా వ్యవహరిస్తోందని, దీంతో భారత్ ముందు చైనా వెలవెలబోతున్నట్లు కనిపిస్తోందని ఆయన అన్నారు. ఎంతో బలమైన పొరుగు దేశం (్భరత్)తో సరిహద్దు వివాదాన్ని సజీవంగా కొనసాగించాలని చైనా కోరుకోవడం ఆశ్చర్యాన్ని కలిగిస్తోందని ఆయన పేర్కొన్నారు. సముద్ర జలాల్లో చైనా
దూకుడుగా వ్యవహరించాలనుకుంటే ఇరుగు పొరుగు దేశాల నుంచి దురాక్రమణలకు తావు లేకుండా భౌగోళిక సరిహద్దులను సురక్షితంగా ఉంచుకోవాల్సిన అవసరం ఉందని ఆయన స్పష్టం చేశారు. డోక్లామ్ ప్రతిష్ఠంభనపై అమెరికా వౌనం వహించడం వెనుక ఆంతర్యమేమిటని ప్రశ్నించగా, డొనాల్డ్ ట్రంప్ నేతృత్వంలోని ప్రస్తుత ప్రభుత్వం ముందు ఇప్పటికే తలకు మించిన సమస్యలు ఉన్నాయని, అలాగే డోక్లామ్ వివాదంలో అమెరికా జోక్యాన్ని భారత్ కోరుకోకపోవడం కూడా ఒక కారణం కావచ్చని ఆయన అన్నారు. అయితే ఈ వివాదం మరింత ముదిరిన పక్షంలో భారత్‌కు అమెరికా అండగా నిలిచే అవకాశాలు ఉన్నాయని ఆయన చెప్పారు. ఇదిలావుంటే, డోక్లామ్‌లో భారత్, చైనా మధ్య ఉద్రిక్తతలు కొనసాగడం ఆందోళన కలిగిస్తోందని అమెరికా పసిఫిక్ కమాండ్ కమాండర్ అడ్మిరల్ హారీ బి.హారిస్ అన్నారు. దౌత్యమార్గాల ఈ సమస్యను పరిష్కరించుకునేందుకు ఇరు దేశాలు కలసికట్టుగా కృషి చేయాల్సిన అవసరం ఉందని ఆయన సూచించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.