అంతర్జాతీయం
మరో కాస్మిక్ రికార్డు!
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, జూన్ 2: ఖగోళ విజ్ఞానం ఇప్పటివరకు సాధించిన రోదసీ రికార్డులను అధిగమించింది. దాదాపు 500 కోట్ల కాంతి సంవత్సరాల దూరంనుంచి హైడ్రోజన్ వాయువు లేశప్రాయ సంకేతాలను ధార్మిక కిరణాల ఖగోళ విజ్ఞానం అందిపుచ్చుకోగలిగింది. గతంలో సాధించిన దానికంటే ఇది దాదాపు రెండింతల దూరం రికార్డు. వందలాది కోట్ల శైశవ ప్రాచీన నక్షత్రాలతో కూడిన ఈ సుదూర గెలాక్సీనుంచి హైడ్రోజన్ సంకేతాలను అమెరికాకు చెందిన నేషనల్ రేడియో ఆస్ట్రానమీ అబ్జర్వేటరీ ద్వారా గుర్తించగలిగారు. ఈ గెలాక్సీ అంతా కూడా హైడ్రోజన్ వాయు మేఘాల మయమేనని వెల్లడించారు. విశ్వంలో నక్షత్రాలు ఏర్పడడానికి ముడిపదార్థంగా హైడ్రోజన్ మూలకం ఉపయోగపడుతోంది. దీన్ని ఆధారంగా చేసుకునే నక్షత్ర మండలాల గురించి, వాటి అంతర్గత నిర్మాణం గురించి ఎప్పటివరకు కొత్త వివరాలను ఖగోళవేత్తలు అందిపుచ్చుకోగలుగుతున్నారు. ఇప్పటివరకు కూడా సమీపంలోని గెలాక్సీలనుంచే హైడ్రోజన్ సంకేతాలను రేడియో టెలిస్కోప్‌ల ద్వారా గుర్తిస్తూ వచ్చారు. ఇందుకు సంబంధించి రెండేళ్ల క్రితం సుదూర గెలాక్సీకి చెందిన హైడ్రోజన్ వాయువును గుర్తించారు. దానికీ భూమికి మధ్య ఉన్న దూరం 300 కోట్ల కాంతి సంవత్సరాలు. అయితే తాజా రేడియో టెలిస్కోప్ అత్యంత శక్తివంతమైంది కాబట్టి 500 కోట్ల కాంతి సంవత్సరాల దూరంలోని హైడ్రోజన్ వాయువు సంకేతాలను కూడా అందిపుచ్చుకోగలిగింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.