అంతర్జాతీయం
ట్రంప్.. ఓ దగాకోరు
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, జూన్ 2: అమెరికా అధ్యక్ష ఎన్నికల్లో తలపడటానికి డెమొక్రటిక్ పార్టీ అభ్యర్థిత్వం రేసులో ముందున్న హిల్లరీ క్లింటన్, రిపబ్లికన్ పార్టీ అభ్యర్థిత్వం దాదాపు ఖాయమైన డొనాల్డ్ ట్రంప్ మధ్య మాటల యుద్ధం గురువారం తీవ్రమయింది. ‘ట్రంప్ యూనివర్శిటీ’ వివాదంలో చిక్కుకున్న డొనాల్డ్ ట్రంప్‌పై హిల్లరీ తీవ్ర స్థాయిలో విరుచుకుపడ్డారు. ట్రంప్ యూనివర్శిటీలో ప్రజల కష్టార్జితాన్ని సొమ్ము చేసుకొని పైకొచ్చిన విధంగానే ఇప్పుడు మొత్తం అమెరికా ప్రజలను దగా చేయడానికి ట్రంప్ యత్నిస్తున్నారని ఆమె న్యూజెర్సీలో జరిగిన ఎన్నికల సభలో ప్రసంగిస్తూ తీవ్ర స్థాయిలో ధ్వజమెత్తారు. ‘ఈరోజు మనకు మరో కుంభకోణం గురించి తెలుస్తోంది. అది ట్రంప్ యూనివర్శిటి కుంభకోణం. అక్రమాలకు పాల్పడినందుకు డొనాల్డ్ ట్రంప్‌పై న్యూయార్క్ అటార్నీ జనరల్ చర్యకు ఉపక్రమించారు’ అని హిల్లరీ క్లింటన్ ఆరోపించారు. ట్రంప్ యూనివర్శిటీ అక్రమాలపై అందులోని ఉద్యోగులే సాక్షులుగా ముందుకు వచ్చారని ఆమె పేర్కొన్నారు. డొనాల్డ్ ట్రంప్ పాల్పడిన అవినీతి, అక్రమాలకు ట్రంప్ యూనివర్శిటీ వ్యవహారం ఒక మచ్చుతునక అని ఆమె అన్నారు. ఇదిలా ఉండగా, అమెరికా మాజీ విదేశాంగ మంత్రి అయిన హిల్లరీ క్లింటన్‌కు అమెరికా అధ్యక్ష పదవి చేపట్టదగిన ‘సహజమైన ప్రతిభ’ లేదని డొనాల్డ్ ట్రంప్ ఎదురుదాడికి దిగారు. కాలిఫోర్నియాలోని సాక్రమెంటోలో నిర్వహించిన ఎన్నికల సభలో ట్రంప్ తన మద్దతుదారులను ఉద్దేశించి మాట్లాడుతూ అనేక మంది ప్రజలు తనను అధ్యక్ష పదవికి తగిన వ్యక్తినని భావిస్తున్నారని, హిల్లరీ క్లింటన్ అధ్యక్ష పదవికి తగిన వ్యక్తి కాదని భావిస్తున్నారని అన్నారు. హిల్లరీ క్లింటన్ ఈ-మెయిల్ కుంభకోణం గురించి ప్రస్తావించిన ట్రంప్.. అసలు ఆమెను అధ్యక్ష పదవి అభ్యర్థిత్వం కోసం పోటీ పడనివ్వకూడదని అన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.