రాష్ట్రీయం
ఉప ఎన్నికల ఫలితాలపై విపక్షాల పోస్టుమార్టం
S ,7 à 8 RSCA (si SASPAS) et 6 cialis pharmacie cialis rapports de stage.
ఫలితాలపై కాంగ్రెస్, బిజెపిల అంతర్మథనం
ఓటమిని జీర్ణించుకోలేని వామపక్షాలు
వరంగల్‌లో వైఎస్సార్‌సిపికి నో ఎంట్రీ
వరంగల్, నవంబర్ 24: వరంగల్ పార్లమెంటు నియోజకవర్గ ఉప ఎన్నికల ఫలితాల్లో టిఆర్‌ఎస్ అభ్యర్థి పసునూరి దయాకర్ భారీ మెజార్టీతో విజయం సాధించారు.
జాతీయ పార్టీ అభ్యర్థులను మట్టి కరిపించారు. ఊహకందని మెజార్టీతో ప్రతిపక్షాల దిమ్మతిరిగింది. ఎన్నికల ప్రచారంలో టిఆర్‌ఎస్‌తో హోరాహోరీగా పోటీపడిన కాంగ్రెస్, బిజెపి పార్టీల అభ్యర్థులకు కనీసం డిపాజిట్ కూడా గల్లంతయింది. కొత్తగా తెలంగాణ రాష్ట్రం ఏర్పడిన తరువాత మొదటి సారిగా బరిలోకి దిగిన వైఎస్సార్‌సిపి, ఉప ఎన్నికల షెడ్యూల్‌కు ముందే అభ్యర్థిని ప్రకటించిన వామపక్షాలకు ఎన్నికల ఫలితాలు కోలుకోలేని దెబ్బతీశాయి. ఓరుగల్లు ప్రజలు టిఆర్‌ఎస్‌కు ఇంతటి భారీ విజయం కట్టబెట్టడం వెనుక గల కారణాలను రాజకీయ పరిశీలకులు జాగ్రత్తగా విశే్లషిస్తున్నారు. తెలంగాణలో టిఆర్‌ఎస్ ప్రభుత్వ పాలన ప్రారంభమై 16 నెలలు పూర్తికావడంతో ప్రజల్లో మొదలైన ప్రభుత్వ వ్యతిరేకత తమకు లాభిస్తుందని ఆశించిన ప్రతిపక్షాలకు తీవ్రమైన భంగపాటు ఎదురైంది. ప్రభుత్వ అంతరంగిక సర్వేలో వచ్చిన ఫలితాలను సైతం తలకిందులు చేస్తూ ప్రజలు టిఆర్‌ఎస్‌కు బ్రహ్మరథం పట్టారు. తెలంగాణలో రైతుల ఆత్మహత్యలకు ప్రభుత్వ వైఖరే కారణమని ప్రతిపక్షాలు పదేపదే చెపుతూ వచ్చినప్పటికి ప్రజలు పట్టించుకోలేదు. ముఖ్యమంత్రి కెసిఆర్ ఎన్నికల ముందు ఇచ్చిన ఏ ఒక్క హామీలను కూడా నెరవేర్చలేదని చెప్పుకుంటూ వచ్చినా ప్రజలు మాత్రం ఖాతరు చేయకుండా టిఆర్‌ఎస్‌కే బ్రహ్మరథం పట్టారు. టిఆర్‌ఎస్‌కు గత ఎన్నికల్లో వచ్చిన మెజార్టీ రాకపోయినా గెలుపు ఖాయమని అందరూ భావించినప్పటికి ఇంత భారీ మెజార్టీని మాత్రం ఎవరు ఊహించలేదు. తెలంగాణను ఇచ్చింది మేమే అంటూ సోనియాగాంధీ రుణం తీర్చుకోవడానికి వరంగల్ పార్లమెంటు స్థానాన్ని బహుమతిగా ఇవ్వాలంటూ జాతీయ స్థాయి నాయకులు చేసిన ప్రచారాన్ని ప్రజలు పట్టించుకోలేదు. ఇక బిజెపి కేంద్రంలో అధికారం తమదే ఉన్నందున వరంగల్‌ను అన్ని రంగాల్లో అభివృద్ధి చేస్తామని కేంద్ర మంత్రులు వచ్చి ప్రచారం చేసినా ఫలితం లేకుండా పోయింది. అప్పటికే వరంగల్ నగరాన్ని కేంద్రం స్మార్ట్‌సిటీలో చోటు కల్పించినా మరికొన్ని పథకాలు ప్రకటించినప్పటికి ప్రజలు మాత్రం టిఆర్‌ఎస్‌కే పట్టం కట్టారు. ఇక వైఎస్సార్‌సిపి పరిస్థితి మరీ దారుణంగా తయారైంది. ఒకప్పుడు పరకాల ఉప ఎన్నికల సందర్భంగా ఆ పార్టీ అభ్యర్థిగా పోటీ చేసిన కొండా సురేఖ అప్పటి టిఆర్‌ఎస్ అభ్యర్థి మొలుగూరి బిక్షపతిపై గెలుపు అంచు వరకు వచ్చినా ఆ పార్టీ ప్రస్తుతం వరంగల్‌లో పూర్తిగా ఉనికిని కోల్పోయింది. స్వతంత్ర అభ్యర్థికి వచ్చిన ఓట్లు కూడా సాధించలేదు. అప్పటి ఉప ఎన్నిక సందర్భంగా వైఎస్.జగన్ కనీసం ప్రచారం కూడా చేయకపోయినా కొండా సురేఖ గెలుపు అంచువరకు వచ్చింది. కానీ ఈ ఉప ఎన్నికలో పోటీ చేసిన వైఎస్సార్‌సిపి అభ్యర్థి నల్లా సూర్యప్రకాష్ తరపున జిల్లాలో నాలుగు రోజులు విస్తృతంగా పర్యటించి బహిరంగసభలు, రోడ్‌షోలు చేసినా ఘోరపరాభవాన్ని చవిచూశారు. దీంతో వైఎస్సార్‌సిపి క్యాడర్‌లో తీవ్ర నిరుత్సాహం నెలకొంది. ఇక వామపక్షాల పరిస్థితి మరీ దారుణంగా ఉంది. ఎన్నికల షెడ్యూల్‌కు ముందే అభ్యర్థిని ప్రకటించి పది వామపక్షాల పార్టీల మద్దతుతో బరిలోకి దిగిన గాలి వినోద్‌కుమార్ ఘోరంగా ఓటమి పాలయ్యారు. కనీసం దరిదాపుల్లో కూడా లేకుండా పోయారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.