రాష్ట్రీయం
బాక్సైట్‌ను అడ్డుకుంటాం
S ,7 à 8 RSCA (si SASPAS) et 6 cialis pharmacie cialis rapports de stage.
గ్రామసభల అనుమతుల్లేవు చంద్రబాబువన్నీ అబద్ధాలే వైసీపీ నేత జగన్ ధ్వజం
విశాఖపట్నం, డిసెంబర్ 10: విశాఖ ఏజెన్సీలో బాక్సైట్ తవ్వకాలను అడ్డుకుంటామని, ఎటువంటి పరిస్థితుల్లోనూ తవ్వకాలు జరగనీయబోమని వైఎస్సార్ కాంగ్రెస్ పార్టీ అధినేత, ప్రతిపక్ష నేత వైఎస్ జగన్మోహన్రెడ్డి ప్రభుత్వాన్ని హెచ్చరించారు. విశాఖ ఏజెన్సీ చింతపల్లిలో గురువారం జరిగిన బహిరంగసభలో మాట్లాడిన ఆయన ముఖ్యమంత్రి చంద్రబాబునాయుడు పెద్ద అబద్దాలకోరంటూ విరుచుకు పడ్డారు. రాష్ట్ర ప్రభుత్వం విడుదల చేసిన శే్వతపత్రంలో బాక్సైట్ తవ్వకాలకు స్థానిక గ్రామసభల అనుమతులు ఉన్నాయంటూ చెప్పడంపై ఆదీవాసీలు పెద్దఎత్తున నిరసనలు తెలియజేస్తున్నారన్నారు. గ్రామసభల అంగీకారం లేకుండా బాక్సైట్ తవ్వకాలకు రాష్ట్ర ప్రభుత్వం ఏ విధంగా అనుమతులు ఇచ్చిందని ప్రశ్నించారు. బాక్సైట్ తవ్వకాలకు గ్రామసభల అంగీకారం లేదంటూ ముక్తకంఠంతో చెబుతున్న స్థానిక ఆదివాసీలే ఉద్యమించారని జగన్ తెలిపారు. బాక్సైట్ తవ్వకాల కోసం జారీ చేసిన జీవో నెంబర్ 97ను తక్షణమే రద్దు చేయాలని డిమాండ్ చేస్తూ లక్షల గొంతులు ఒక్కటయ్యాయన్నారు. బాక్సైట్ తవ్వకాల కోసం చంద్రబాబు కేంద్రానికి నాలుగుసార్లు లేఖలు రాసి, అనుమతులు పొందారన్నారు. బాక్సైట్‌కు తవ్వకాలకు వ్యతిరేకంగా కలిసిపోరాడుదామని ఈ సందర్భంగా జగన్ పిలుపునిచ్చారు. గిరిజనుల మనుగడకు తీవ్ర విఘాతం కలిగించే బాక్సైట్ తవ్వకాలను ఎట్టి పరిస్థితుల్లోనూ సాగనివ్వమని తెలిపారు. ప్రభుత్వం ఇప్పటి వరకు ట్రైబల్ అడ్వయిజరీ కమిటీని ఏర్పాటు చేయకపోవడంతో గిరిజన ప్రాంతాల అభివృద్ధి కుంటుపడిందన్నారు. వైఎస్సార్‌సిపికి చెందిన గిరిజన ఎమ్మెల్యేలు ఆరుగురు ఉన్నందునే రాష్ట్ర ప్రభుత్వం అడ్వయిజరీ కమిటీని ఏర్పాటు చేయలేదని జగన్ విమర్శించారు. చంద్రబాబు ప్రతిపక్షంలో ఉన్నపుడు ఓ మాట, అధికారంలోకి వచ్చిన తరువాత మరో మాట మాట్లాడుతున్నారన్నారు.
ఎంపికైన డిఎస్సీ అభ్యర్ధులకు ఇప్పటికీ నియామకాలు జరగలేదని జగన్ ఆందోళన వ్యక్తంచేశారు. తమ పిల్లలు ప్రయోజకులు అవుతారనే కొండంత ఆశతో పేద కుటుంబాలు అప్పులు చేసి మరీ పిల్లలను పట్టణాలకు పంపించి డిఎస్సీ శిక్షణ ఇప్పించారన్నారు. ఈ విధంగా ఎంపికైన అనేకమందికి ఇప్పటి వరకు ఉద్యోగ నియామకాలు నిర్వహించలేదన్నారు. దీనివల్ల వీరంతా రోడ్డున పడుతున్నారన్నారు. బహిరంగసభకు ప్లకార్డులతో వచ్చిన డిఎస్సీ అభ్యర్ధుల నుంచి వాటిని తీసుకుని జగన్ ప్రదర్శించారు. క్లస్టర్‌ల పేరుతోచిన్నచిన్న ప్రభుత్వ పాఠశాలలే ఎత్తివేస్తూ ఉన్న ఉపాధ్యాయ ఉద్యోగాలను తొలగించేందుకు ముఖ్యమంత్రి చంద్రబాబు సిద్ధమయ్యారన్నారు. దీనివల్ల గిరిజన ప్రాంతాల్లో విద్యావ్యవస్థ మరింత కుంటుపడనుందని ఆవేదన వ్యక్తం చేశారు. తన ప్రసంగానికి ముందు స్థానిక గిరిజనులను వేదిక పైకి పిలిపించి వారితో మాట్లాడించారు. ఈ సందర్భంగా గిరిజనులు బాక్సైట్ తవ్వకాలు జరిపి తమ జీవితాలను, ప్రాంతాన్ని నాశనం చేయవద్దని కోరారు. ఈ సభకు గిరిజనులు పెద్దసంఖ్యలో హాజరయ్యారు. (చిత్రం) విశాఖ ఏజెన్సీలోని చింతపల్లిలో గురువారం జరిగిన సభలో ప్రసంగిస్తున్న వైకాపా అధ్యక్షుడు జగన్మోహన్రెడ్డి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.