జనాంతికం - బుద్దా మురళి

ఇది శకుని వజ్రాయుధం..!

S ,7 à 8 RSCA (si SASPAS) et 6 cialis pharmacie cialis rapports de stage.

‘‘ప్రధాని మోదీ స్విస్ బ్యాంక్‌లో నల్లధనం దా చుకునే అవకాశం లేకుండా చేశాడని అంతా అంటున్నారు. నిజమేనా? ’’
‘‘బీడీ కొట్లో అప్పు తీర్చలేదని ఆ సాయిబు, టిఫిన్ తిని డబ్బులివ్వలేదని ఉడిపి హోటల్ వాడు తిడుతున్నారు. ముందు వాళ్ల సంగతి చూడు’’
‘‘అమెరికాలో కాసినోవా గురించి ఆలోచిస్తుంటే, నువ్వు పాన్ డబ్బా గురించి మాట్లాడుతున్నావ్. ఆఫ్టర్ వన్ అండ్ ఆఫ్ ఇయర్‌లో మేం అధికారంలోకి వస్తాం. పాన్ షాపునే పీకించేసి ఆ ల్యాండ్ మొత్తం ఆక్రమించుకుని అక్కడ పెద్ద అపార్ట్‌మెంట్ కట్టి చూపిస్తా’’
‘‘ఏంట్రోయ్.. లాటరీ టికెట్ ఏమన్నా కొన్నావా? ఏంటి?’’
‘‘అధికారం తలుపుతట్టే మాస్టర్ ప్లాన్ వేశాం’’
‘‘ఎక్కడ తెలంగాణలోనా? ఆంధ్రాలోనా? ’’
‘‘ప్రస్తుతానికి తెలంగాణలోనే, వచ్చేసారి ఆంధ్రాలోనే.’’
‘‘కలలు కనండి అని అబ్దుల్ కలాం చెప్పిన మాట బాగానే ఆచరిస్తున్నారు.’’
‘‘ఎవరి పిచ్చి వారికి, ఎవరి ఆలోచన వారికి మాస్టర్ ప్లాన్‌లానే ఉంటుంది.’’
‘‘ఇది చూడు.. మా లీడర్ ఆమరణ నిరాహారదీక్ష పోస్టర్. మనమే ప్రింట్ చేయించాం.. దీని వెనుక పెద్ద ప్లాన్ ఉంది.’’
‘‘పోస్టర్ అతికించడానికి గోడ కావాలి కానీ.. ప్లాన్ ఏంటి?’’
‘‘జోకులొద్దు. ?’’
‘‘ఒక జిల్లాలో మెడికల్ కాలేజీ కోసం దీక్ష అంటే ఇక్కడొకరు ఎందుకు? అన్ని నియోజక వర్గాల వారు ఒకేసారి మెడికల్ కాలేజీల దీక్ష చేయవచ్చు కదా?’’
‘‘అసలు ముందు దీనికి ప్లాన్ వేసిందే బా బాస్. పోస్టర్ బయటకు లీకై ఇతర నాయకులు ఫాలో అవుతున్నారు. మా ప్లాన్ ప్రకారం ముందు రాష్ట్రంలో అన్ని నియోజక వర్గాల్లో, తరువాత ఆంధ్రలో, తరువాత దేశమంతా నియోజక వర్గాల్లో మెడికల్ కాలేజీ దీక్షలు సాగించాలి. ఈ దెబ్బతో మేం అధికారంలోకి వస్తాం’’
‘‘ఈ లోపు లోకల్ బాడీస్ ఎన్నికలు వస్తాయి. సర్పంచులు మా గ్రామంలో మెడికల్ కాలేజీ అని దీక్షలు చేస్తారేమో’’
‘‘చూశావా? ప్లాన్ వర్కవుట్ అవుతుందని నీక్కూడా అర్థమైంది. ఈ పోస్టర్లు గోడలకు అం టించే కాంట్రాక్టు, అధికారంలోకి వచ్చాక లక్షల కోట్ల కాంట్రాక్టులు మనవే. అందుకే వన్నండాఫ్ ఇయర్ వెయిట్ చేయమంటున్నాను. ఎలా ఉంది ఐడియా?’’
‘‘ఇది మీ ఐడియా పార్టీలో కనీసం రెండు వందల మంది సిఎం అభ్యర్థులు ఉంటారు కాదా? ఒక్కొక్కరికి సిఎం కావడానికి ఓ ఐడియా ఉంటుంది ?’’
‘‘ఔను!ఐతే అలా నవ్వుతావేం. నూటా పాతికేళ్ల అనుభవం ఉన్న వాళ్లం ఏం చేయాలో బాగా తెలుసు. నవ్విన నాప చేనే పండుతుంది. బిజెపి చరిత్ర గురించి తెలుసా? 1984లో దేశం మొత్తంలో రెండే రెండు సీట్లు బిజెపి గెలిచింది. మరిప్పుడు మూడు దశాబ్దాల తరువాత సొంత బలంతో అధికారంలోకి వచ్చింది. ఇందిరాగాంధీ ఓడిపోతే అంతా అయిపోయింది అనుకున్నారు. రెండేళ్లు గడిచాక ఆదే ఇందిరాగాంధీ హవాలో జనతా కకావికలైంది. టిడిపి నాతోనే పుట్టింది నాతోనే పోతుంది అని చెప్పిన ఎన్టీఆర్ పోయిన తరువాత కూడా ఆంధ్రలో టిడిపి అధికారంలో ఉంది. ఆంధ్రలో అస్సలే లేమని, తెలంగాణలో అధికారంలోకి రామని కలలు కంటున్నావేమో? మెడికల్ కాలేజీల ప్లాన్ ఆరంభం మాత్రమే, తరువాత వజ్రాయుధం ప్రయోగిస్తాం. రెండు రాష్ట్రాల్లో అధికారం కోసం ప్లాన్ గీయిస్తున్నాం’’
‘‘మీ పార్టీలో సిఎం అభ్యర్థులు రెండు వందల మంది కలిసి ఒక ప్లాన్ గీస్తే ఓకే.. కానీ రెండు వందల మందికి నాలుగు వందల ప్లాన్లు ఉంటాయి. దూకుడు సినిమాలో ధర్మవరపు సుబ్రమణ్యం విలన్‌తో అంటాడు చూడు మీరు ఎవరికి వారు గేమ్ ఆడుతున్నామనుకుంటే ఆ బాబు మీ అందరితో గేమ్ అడుకుంటున్నాడు.. అని. ఇక్కడ అదే జరుగుతోంది. మీ గేమ్ మీరు ఆడుకుంటున్నారు కానీ- ఆ సిఎం మిమ్ములను నిండా ముంచే గేమ్ ఆడుతున్నాడు. తెలంగాణ సాధించిన ఆ గేమ్ ప్లాన్ ముందు గడ్డాలు పెంచి, దీక్షలు చేసే ప్లాన్‌లు నిలుస్తాయా?’’
‘‘వజ్రాయుధం ఇంకా మా అమ్ములపొదిలోనే ఉంది అది ప్రయోగించామంటే బ్రహ్మ రుద్రాదులు కూడా మేం అధికారంలోకి రావడాన్ని ఆపలేరు’’
‘‘ఏంటో ఆ తిరుగులేని వజ్రాయుధం?’’
‘‘ఆ ఆయుధానికి తిరుగు లేదు. రెడ్డి రాజుల స్వర్ణ యుగం మళ్లీ చూడబోతున్నాం. కోటి ఎకరాలకు సాగునీరు, ప్రతి గొంతుకూ తాగునీరు, వృద్ధాప్య పెన్షన్‌లు.. ఏవీ వజ్రాయుధం ముందు పని చేయవు’’
‘‘అదేంటో చెప్పవచ్చు కదా?’’
‘‘కులం’’
‘‘ఏనుగు ఏదో అనుకుంటే తుస్సుమనిపించింది అన్నట్టు. ఎన్నికలు పుట్టక ముందు నుంచే కులం పుట్టింది. ప్రజాస్వామ్య వ్యవస్థ కన్నా రాజకీయాల్లో కులం వయసు ఎక్కువ. పాత టెక్నికే కదా?’’
‘‘పూర్తిగా విను. అరశాతం ఉన్న వెలమలు ఎలా పాలిస్తారు? అని జనం లోకి బలంగా వెళితే?’’
‘‘అరశాతం వాళ్లు మూడేళ్లు పాలిస్తేనే తట్టుకోలేక మూడు దశాబ్దాల పాటు పాలించిన రెండుశాతం వాళ్లు రెడ్డిరాజ్యం తెస్తామని చెబుతారా?’’
‘‘వంకర టింకరగా మాట్లాడకు.. ప్రపంచంలో ఏ పార్టీలో ఉన్నా ఏకమై వజ్రాయుధం ప్రయోగిస్తే దాని ముందు ఎవరూ నిలువలేరు. ’’
‘‘సరే నువ్వు చెప్పిన లెక్కలోకే వస్తాను. రాష్ట్రంలో 50 శాతం మంది బిసిలు, 16శాతం ఎస్సీలు, 14శాతం మైనారిటీలు, పది శాతం ఎస్‌టిలు. 90 శాతం పోతే మిగిలిన పది శాతంలో రెడ్డి,కమ్మ,వైశ్య, వెలమ, బ్రాహ్మణ ఇతర కులాలు ఉన్నాయి. ఏదో వాదన కోసమే ఐదు కులాలే అనుకున్నా సగటున రెండు శాతమే కదా? రెండు శాతం ఏకమై ఒకవైపు చేరితే మిగిలిన 98 శాతం మంది ఏకం కావచ్చు కదా?’’
‘‘ఇది మా ఇంటర్నల్ ప్లాన్.. బయటకు తెలియదు’’
‘‘వేరువేరు పార్టీల్లో ఉంటూ ఇంత కాలం బాహాబాహీగా తిట్టుకున్న నాయకులు ఏకమైన పార్టీలతో అతీతంగా మనం రెండు రాష్ట్రాల్లో అధికారంలోకి రావాలి అని తీర్మానించుకున్న సంగతి రహస్యమేమీ కాదే’’
‘‘ప్రజలు ఏ రోజు వార్త ఆ రోజే మరిచిపోతారు’’
‘‘మహాభారతం కథ విన్నావా?’’
‘‘విన్నాను. మా ప్లాన్‌కు, మహాభారతానికి సంబంధం ఏంటి?’’
‘‘మహాభారతంలో అంతా శ్రీకృష్ణున్ని ఇష్టపడతారు కానీ స్వయంగా శ్రీకృష్ణుడికి కూడా నచ్చిన పాత్ర శకుని. ఒక్క శకుని పగ మొత్తం కురువంశాన్ని నాశనం చేసింది.’’
‘‘ఔను.. అయితే..?’’
‘‘మీ ప్లాన్ వింటే నాకెందుకో శకుని గుర్తుకు వచ్చాడు. రాజ్యం చేతిలోకి వచ్చే వ్యూహం అని చెప్పి శకుని మొత్తం కురువంశాన్ని నాశనం చేసి ప్రతీకారం తీర్చుకుంటాడు.’’
‘‘????’’
‘‘నేను సిఎం అయ్యే అవకాశం లేనప్పుడు పార్టీ ఉంటే ఎంత లేకుంటే ఎంత అని రెండు వందల మంది అభ్యర్థులు శకునిని ఆవహింపజేసుకున్నారేమో?’’
‘‘రెండు శాతం కోసం పరితపించి 98 శాతం జనాలకు దూరమయ్యే అలోచన మీరు మాత్రమే చేయగలరు.’’
‘‘ఇంతకూ మా శకుని ఎవరు?’’
‘‘మహాభారతం ఒక్క శకునినే భరించలేకపోయింది. ఒకరా? ఇద్దరా? వందల మంది శకునిలు. అది వజ్రాయుధమే. కానీ ఇంద్రుని చేతిలో కాదు శకుని చేతిలోని వజ్రాయుధం. కాలం మారింది మీరూ మారాలి ’’
*

-బుద్దా మురళి