రాష్ట్రీయం
కొలువుల రగడ
S ,7 à 8 RSCA (si SASPAS) et 6 cialis pharmacie cialis rapports de stage.
భర్తీపై అధికార, విపక్ష పార్టీల మధ్య వాగ్యుద్ధం 56,150 పోస్టుల భర్తీకి చర్యలు: మంత్రి ఈటల
భర్తీలో ప్రభుత్వ జాప్యంపై కాంగ్రెస్ తీవ్ర నిరసన 1.7 లక్షల ఖాళీలు భర్తీ చేయాలన్న తెదేపా
హైదరాబాద్, మార్చి 12: రాష్ట్రప్రభుత్వం ఖాళీగా ఉన్న ప్రభుత్వ ఉద్యోగాలను భర్తీ చేస్తుందని, ఈ విషయమై విపక్షాలు రాజకీయాలు చేయాల్సిన అవసరం లేదని, వివిధ శాఖల్లో 56,150 ఉద్యోగాలు ఖాళీగా ఉన్నట్లు ప్రభుత్వం గుర్తించిందని ఆర్ధిక శాఖ మంత్రి ఈటల రాజేందర్ ప్రకటించారు.
ప్రభుత్వ ఉద్యోగాల భర్తీలో రాజీలేదని ఆయన హామీ ఇచ్చారు. శనివారం అసెంబ్లీలో ప్రశ్నోత్తరాల కార్యక్రమంలో ప్రభుత్వ ఉద్యోగాల ఖాళీల భర్తీపై ప్రభుత్వానికి, విపక్షాలకు మధ్య రగడ జరిగింది. ప్రభుత్వం గత ఏడాది 1.07 లక్షల ఉద్యోగాలు ఖాళీగా ఉన్నాయని పేర్కొని, ప్రస్తుతం 56వేల ఉద్యోగాలు ఖాళీగా ఉన్నాయని చెప్పడంపై టిడిపి ఎమ్మెల్యే ఆర్ కృష్ణయ్య, కాంగ్రెస్ ఎమ్మెల్యేలు చిన్నారెడ్డి, ఉత్తమకుమార్ రెడ్డి ప్రభుత్వంపై ధ్వజమెత్తారు. తెలంగాణ ఉద్యమంలో కీలకపాత్ర వహించిన నిరుద్యోగులకు అన్యాయం చేయవద్దని వారు కోరారు. దీనిపై తీవ్రంగా స్పందించిన మంత్రి ఈటల రాజేందర్ బదులిస్తూ, రాష్ట్ర విభజన జరిగిన తర్వాత 5.23 లక్షల ఉద్యోగాలను కేటాయించారని, ఇందులో 4.35 లక్షల ఉద్యోగాలు ఉన్నాయన్నారు. వివిధ శాఖల నుంచి తెచ్చుకున్న సమాచారం ప్రకారం 56వేల ఉద్యోగాలు ఖాళీగా ఉన్నాయన్నారు. రాష్ట్రప్రభుత్వం 18,423 ఉద్యోగాల భర్తీ చేయడానికి ఉత్తర్వులు ఇచ్చిందన్నారు.
ఇందులో 14,789 ఉద్యోగాల భర్తీకి నోటిఫికేషన్లు జారీ చేసినట్లు చెప్పారు. ఇంతవరకు 3950 ఆర్టీసి ఉద్యోగులను పర్మినెంట్ చేశామన్నారు. సింగరేణిలో 4500 ఉద్యోగాల రిక్రూట్‌మెంట్ జరిగిందన్నారు. 25,589 కాంట్రాక్టు ఉద్యోగులు ఉన్నారన్నారు. వీరికి వేతనాలు పెంచామన్నారు. ఎన్‌ఎంఆర్ ఉద్యోగాలు 8192 ఉద్యోగాలు, అంగన్‌వాడీ, హోంగార్డులు 80861 మంది పనిచేస్తున్నారన్నారు. టిడిపి ఎమ్మెల్యే ఆర్ కృష్ణయ్య మాట్లాడుతూ కేవలం 439 గ్రూప్-2 పోస్టులకే నోటిఫికేషన్ ఇచ్చారని, దీనికి ఐదు లక్షల మంది దరఖాస్తు చేశారన్నారు. గత ఏడాది ప్రకటించిన ఒక లక్ష ఉద్యోగాల ఖాళీలు ఏమయ్యాయన్నారు.
డిఎస్సీ ఉద్యోగాల నోటిఫికేషన్ కోసం 21 నెలలుగా నిరుద్యోగులు ఎదురుచూస్తున్నారన్నారు. తమిళనాడు తరహాలో టెట్‌తో సంబంధం లేకుండా చూడాలన్నారు. గ్రూప్-2 ఉద్యోగాలకు ఇంటర్వూ లేకుండా చూడాలన్నారు.
కాంగ్రెస్ ఎమ్మెల్యే ఉత్తంకుమార్ రెడ్డి మాట్లాడుతూ రాష్ట్రప్రభుత్వం అధికారంలోకి వచ్చిన కొత్తల్లో ఒక లక్ష ఉద్యోగాలు ఖాళీగా ఉన్నాయని చెప్పి, ఇప్పుడు మాట మార్చి 56 వేల ఉద్యోగాలు ఖాళీగా ఉన్నాయనని చెప్పడం శోచనీయమన్నారు. నిరుద్యోగుల భవిష్యత్‌ను దెబ్బతీసేలా వున్న ప్రభుత్వ వైఖరికి కాంగ్రెస్ పార్టీ నిరసన తెలియచేస్తున్నట్లు ప్రకటించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.