ఈ వారం కథ

అసలు రహస్యం (కథ)

S ,7 à 8 RSCA (si SASPAS) et 6 cialis pharmacie cialis rapports de stage.

‘షీట్.. ఏంటిది.. త్దీక ఘూళ క్యఖ ఘ్జశ ఇళ్దజశజూ ళ్పళూక ఛ్యిఆశజదఆ’ అరుస్తున్నాఢు బాస్. ఎప్పుడు మెప్పుకోలే వినడం అలవాటయిన సిద్ధార్ధకు ఈ మధ్య తరచుగా వినిపించే ఈ మాటలు తలకొట్టేసినట్లుంటున్నాయి.

‘జూళచిజశజఆళక ఆ్దజఒ ఆజౄళ ని తీజ జ్యూ ౄక ళ్పళ ఇళఒఆ ఒజూ’
‘ద్యి ఆ్య దళ’ ఫోన్ పెట్టేశాడాయన. తల పట్టుకున్నాడు సిద్ధు.
ఇటీవల అడ్మినిస్ట్రేటివ్ స్ట్ఫాకి, మార్కెటింగ్‌వారికి చిన్న గొడవ జరిగి ఎవ్వరూ సహకరించడంలేదు. ప్రతిరోజూ ఎంత బయట తిరిగినా, మార్కెటింగ్ వాళ్ళతో బిజినెస్ తెమ్మని ఎంత అడిగినా ఏదో మొక్కుబడికి సరే అంటున్నారేగాని వారి మనస్సునుండి వచ్చే మాటలు కాదు.
అలసి సొలసి ఇంటికి రాగానే, ఎప్పటిలా తన కలల దేవత ఎదురై పలకరిస్తుందనే ఆశ అడియాశనే అయ్యింది. అంతకుముందు ఆహ్లాదంగా సందడిగా పచ్చటి హరితవనం లాటి చెట్లతో ఇల్లు ఎంత అందంగా ఉండేది. ఇప్పుడు మోడుబారిన తన గుండెలాగే ఎండిపోయిన చెట్లతో ఇల్లంతా జీవకళ కోల్పోయి నిశ్శబ్దంతో భయంకరంగా ఉన్నది. ఏ మూల ఏ వస్తువు చూసినా ఆమె గుర్తొస్తోంది. కళ్ళు మూసినా ఆమె రూపమే ప్రత్యక్షమై నిద్ర లేకుండా చేస్తోంది. ఒక ఆడది మగవారి జీవితాన్ని ఇంత డిస్టర్బ్ చేస్తుందా.. తన ఆలోచనకు తానే నవ్వుకున్నాడు. ఎంత అమాయకుడు తాను.. జగద్విదితమైన రామాయణానికి, మహాభారతానికి కారణం ఒక అతివే కదా.. అలాంటి.. చ.. బాస్ అన్నట్టు తన మైండ్ పోయింది.. ఆలోచనలు గతంలోకి దారితీసాయి.
ఆ రోజు తాను చాలా అలసిపోయి వచ్చాడు. ఆ రోజు తమ పెళ్లిరోజని త్వరగా రమ్మన్న విషయం మర్చిపోయాడు. సెల్ కూడా చార్జింగ్ లేక స్విచ్ ఆఫ్ అయిపోయింది. ఆఫీసులో మార్కెటింగ్‌కి అడ్మినిస్ట్రేటివ్ స్ట్ఫాకి మధ్య గొడవ జరిగి తారాస్థాయికి వెళితే బ్రాంచ్ మేనేజర్‌గా ఇరువర్గాలతో విడివిడిగా, పిలిచి సర్ది చెప్పి కలిపి, సంధి కుదిర్చేసరికి హైయ్యర్ ఆఫీసు నుండి అర్జెంట్ స్టేట్‌మెంట్స్ కావాలని ఫోన్. అవి పంపించేసరికి రాత్రయ్యింది. కార్లో సెల్ చార్జింగ్ పెడితేగాని ఇంటి సంగతి గుర్తురాలేదు. ఇంటికి రాగానే సారీ అని అననే అన్నాడు. అయినా వినలేదు. బ్రతిమిలాడాడు. చేయి విసిరికొట్టింది. తన చేయి వెళ్లి వెడ్డింగ్ ఫ్రేమ్‌కి తగిలి అది క్రిందపడి పగిలింది. తనలో ఆవేశం కట్టలు తెంచుకుంది. అసలే విసిగి వచ్చాడేమో చేయి జారాడు.. అప్పుడే పశ్చాత్తాపపడుతున్న ఆమె నోరు జారింది. మాటా మాటా పెరిగింది. రాత్రికి రాత్రే పెట్టె సర్దుకుని వాళ్ల అన్నయ్యకు ఫోన్ చేసి బస్సెక్కేసింది. అసలు అంతా క్షణంలో కలలా జరిగిపోయింది. తనది తప్పేనంటూ ఎంత ఫోన్ చేసినా కట్ చేసింది. మెసేజ్ పెట్టాడు. రిప్లై లేదు. కనీసం నాలుగు నెలలవుతోంది. తనకి జీవితమంటేనే విరక్తి కలుగుతోంది. ఆలోచనల్లో ఎప్పుడో నిద్రపట్టింది.
ఆఫీస్‌లో బిజీగా ఉండగా ప్రాణస్నేహితుడు సతీష్ వచ్చాడు. ఆప్యాయంగా హత్తుకుని, తన పెళ్లి నాలుగు రోజుల్లో వుందని తప్పక రావాలని, ‘బిజీ, లీవ్ దొరకలేదు, తొక్క తోలు’ అంటే తాట తీస్తానని వార్నింగ్ ఇచ్చి సుడిగాలిలా వెళ్లాడు. నిజానికి సరిగ్గా తన పెళ్లి రోజే వాడికి ఎగ్జామ్ ఉండటంతో రాలేకపోయాడు.. ఎవరి హడావుడిలో వారుండి తర్వాత కూడా రాలేదు. సిద్ధూకి వెళ్లాలని ఉండటంతో బాస్‌ని లీవ్ అడిగాడు. ‘నువ్వున్నా లేకున్నా బిజినెస్ అంతే వస్తుంది.. ఒక్క రోజేం ఖర్మ వారం వెళ్ళు’ అన్నాడు కోపంగా, తర్వాత తగ్గి సరేనన్నాడు.
వెళ్లి సతీష్‌ని కలిశాడు. హడావుడి కార్యక్రమాల్లో ఉన్నాడు. క్రింద ఇల్లు, పైన రెండు పెద్ద పెద్ద రూమ్‌లలో ఒకటి ఆడవారికి, ఒకటి మగవారికి విడిదిగా ఇచ్చారు. తెల్లవారి 4 గంటలకు పెళ్లి. సిద్ధును పైకి వెళ్లి ప్రెషప్ కమ్మన్నాడు. మెట్లు ఎక్కుతూ, పైనుండి మెట్లు దిగుతున్న ఉమను చూసి నిర్ఘాంతపోయాడు. తనూ అతన్ని చూసి నివ్వెరపోయింది. కింది నుండి ఎవరో త్వరగా రమ్మని పిలుస్తుండటంతో హడావుడిగా దిగబోయింది. తత్తరపాటుతో చీర కాలికి తగిలి తూలి ముందుకు పడబోయింది. ఆమెనే చూస్తూన్న సిద్ధూ వెంటనే కింద పడకుండా ఒడిసి పట్టుకున్నాడు. అధాటున అలా దిగినందుకు హృదయవేగం పెరిగిందేమో ఆమె గుండె కొట్టుకుంటున్న కదలిక అతని ఛాతీకి తెలుస్తోంది. ఆ పరిష్వంగం చాలా కాలమైనందుకో లేక వీడాలనిపించనందుకో ఆమె మాట వినని మనస్సు అలాగే ఉండిపోయింది. కిందనుండి మళ్లీ వినిపించిన పిలుపులకు తేరుకుంటూ విడివడి వెళ్లింది. చాలా నెలల తర్వాత మళ్లీ ఆ కౌగిలి నరాలు జివ్వుమనేలా చేసింది. తడబడిన ఆమె పాదాల్ని ముద్దాడుతూ ‘ఎవరెస్ట్ ఎంతెత్తయినా ఎక్కేస్తానే నీ కోసం.. పసిఫిక్‌లో దూకెయ్యమన్నా దూకేస్తానే నీకోసం..’ అని పాడాలనిపించింది. మనస్సు తీయగా మూలిగింది. ఇదేంటి తను ఇక్కడేం చేస్తోంది.. వీడికెలా తెల్సు? ఆలోచనల్లోనే ఫ్రెషప్ అయి కిందికిచ్చి తన కోసం వెదికాడు. ఎక్కడా లేదు. బజార్లో కొచ్చాడు. రాత్రి భోజనం ఏదో మమ అనిపించి పైకొచ్చాడు. తన ప్రణయదేవత ప్రక్క రూమ్‌లో వుంటే నిద్రెలా పడుతుంది. అంతా నిద్రపోయారుపైన.
పనె్నండుకు 5 నిమిషాలుంది. బజారునుండి తెచ్చిన కవర్ తీసుకుని బయటకొచ్చాడు. పౌర్ణమి వెనె్నల పిండారబోసినట్లున్నది. ఇలాంటి ఎన్ని వెనె్నల రాత్రులు వెనె్నలను దోసిళ్లతో తాగామో.. సమయం తెలియకుండా గడిపిన రోజులు కళ్లముందు తిరిగాయి. నెమ్మదిగా ఆడవారికిచ్చిన గది తలుపు వైపు వచ్చాడు. గుండె పగులుతుందా అన్నంత భీకరంగా కొట్టుకుంటుంది. ఏదో కోహినూర్ వజ్రం దొంగిలించడానికి వచ్చిన దొంగలా గుండె దడ. అసలు తను ఎక్కడుందో ఎలా తెలిసేది.. దేవుడా.. దేవుడా..
బయట బాల్కనీలో అటు తిరిగి నిలబడి చందమామను చూస్తూ ఉంది ఉమ. ఉమేనా.. విరిసిన మల్లెలను జడలో తురుముకున్న పిరుదులు దాటే జడ, పిడికిలిలో ఇమిడే సన్నని నడుము, వెనుకనుండయినా పిచ్చివాన్ని చేసే అందం ఉమకి కాక మరెవరికుంటుంది. ఇక ఒక్క క్షణం ఆలస్యం చేసినా అతనిలోని ఆర్గాన్సన్నీ అతనితో మూడో ప్రపంచ యుద్ధం జరుపుతాయేమో ననిపించి నెమ్మదిగా వచ్చి ఆమె ఎదుట నిల్చున్నాడు.
ఊహించలేదేమో, భయంగా అరవబోయింది. అప్రయత్నంగా ఎడమ చేయితో ఆమె నోరు మూస్తూ, కుడి చేత్తో బజార్లో కొన్న ఎర్రగులాబీల గుత్తి అందిస్తూ ‘హ్యాపీ బర్త్‌డే’ అన్నాడు, నోటిపై చేయి తీసేస్తూ.
విస్మయంగా అలాగే చూస్తుండిపోయింది ఆమె. బర్త్‌డే మర్చిపోయింది ఆమె. కనీసం అన్నయ్య కూడా గుర్తుచెయ్యలేదు. ‘ఇంట్లో ఇంకా ఎన్ని రోజులుంటుంది మీ చెల్లెలు’ అంటూ పెడసరంగా మాట్లాడే వదిన, చెవులు కొరుక్కునే చుట్టుప్రక్కల వాళ్లు, ప్రతిరోజు రాత్రి అన్నా వదిన బెడ్‌రూమ్ తలుపులు మూసుకున్నాక తను పడే నరకయాతన అన్నీ గుర్తొచ్చాయి. ఒక్కసారిగా కళ్లలో నీళ్లు తిరిగాయి. ఒక్క క్షణం తటపటాయించింది. పూలు పట్టుకున్న అతని చేయి పట్టుకుంది. ఆమెను తన కౌగిలిలో బంధించాడు. అతను హత్తుకున్నాడో.. ఆమె కదిలిందో ఇద్దరికీ అర్థం కాలేదు. ‘ఐ మిస్ యూ రా’ చెవి దగ్గర గుసగుసగా అన్నాడు. వౌనమే సమాధానమయినట్లు హత్తుకుపోయిన ఆమె కళ్ళు వర్షిస్తూ సమాధానమిచ్చాయి. ‘అయాయ్ సారీ’ గొణిగిందామె.
‘ఇక ఒక్క క్షణం కూడా భరించలేను.. ఈ రాత్రే వెళ్లిపోదామా?’ అతనంటుంటే, ‘ఎవరైనా చూస్తారు’ గుసగుసగా అంది. ‘చూడనియ్యి.. నా పెళ్లాం నా యిష్టం’. ‘పెళ్లామయితే పడక గదిలో, ఇలా పబ్లిక్‌గా కాదు’ అంది అయిష్టంగానే విడివడుతూ.
నాలుగ్గంటలకు పెళ్లికాగానే, అయిదు గంటలకు అర్జెంట్ అంటూ వచ్చేశాడు ఉమతో సహా, వాళ్ళన్నయ్యకు ఫోన్‌లో చెప్పి. ఆ రోజు సెలవు కాస్తా వారి ప్రణయ సరాగాల సందడికి చిరునామా అయ్యింది. నాలుగు నెలల విరహం తర్వాతి ప్రణయంలో తడిసి ముద్దయ్యారు. ఇన్ని రోజులు ఆఫీసులో తన భార్య ఇంటిలో లేని సంగతి గురించి చెవులు కొరుక్కున్న స్ట్ఫా గురించి, గొడవల గురించి, బాస్ తిట్ల గురించి అంతా చెప్పాడు. ఆమె భేషజం లేకుండా అతను దూరమైనందుకు తను పడ్డ బాధలు ఏకరువు పెట్టింది, అతను తండ్రి కాబోతున్న సంగతితో ముగిస్తూ. అతను సంతోషంతో గిరగిరా తప్పితే, రెండు రోజుల్లో వచ్చే తమ మ్యారేజ్ డేకి ఆఫీస్‌లోని శాళ్లందర్నీ ఇంటికి డిన్నర్‌కి పిలవమంది ఉమ. అంత శ్రమ ఎందుకన్నా. పనమ్మాయితో కలిసి చేస్తానని తప్పక అందర్నీ రమ్మంది. అందరికీ ఒకే రకంగా ఉండే బహమతులు కొనాలని బలవంతాన ఒప్పించింది.
ఆ రోజు రాత్రి మార్కెటింగ్, అడ్మిన్ స్ట్ఫా అంతా కుటుంబాలతో సహా వచ్చారు. అందరికీ సరదాగా ఒన్ మినిట్ ఆటలు పెట్టి చిన్న చిన్న గిఫ్ట్స్ ఇచ్చింది. అందరూ ఇంతకుముందు ఏ మేనేజర్ ఇలా ఇంటికి పిలిచి భోజనం పెట్టింది లేదని తెగ మెచ్చుకున్నారు. అందరికీ ఆ కొత్త వాతావరణం.. నూతనోత్సాహాన్ని తెచ్చింది. అంతా మేడమ్‌ను మాట్లాడాలి అనడంతో ఉమ మాట్లావడుతూ, ‘మా ఆతిథ్యం మన్నించి వచ్చినందుకు అందరికీ ధన్యవాదాలు. నన్ను మీ తోబ్టువులా భావించండి. మీ అందరి సమిష్టి కృషివల్లనే ఈ బ్రాంచ్‌ని ఆయన నడిపించగలుగుతున్నారు. ప్రస్తుతం కొంచెం ‘లో’ప్రొఫైల్‌లో వున్నా మీ అందరి సహాయ సహకారాలతో త్వరలోనే దానిని భర్తీ చేయగలరనే నమ్మకం మాకుంది. మన బ్రాంచ్ టార్గెట్ మీ అందరి కృషితో పూర్తయి ఆ విజయోత్సవానికి మళ్లీ మిమ్మల్నందరినీ పిలవాలని ఆశగా ఉంది. ఆ కల నిజం చేసే మీ అందరికీ ధన్యవాదాలు’. కరతాళధ్వనులమధ్య అందరికీ బహుమతులు పంచింది.
ఆ మంత్ ఎండ్‌కి పెరిగిన బిజినెస్ చూసి, ‘హార్టి కంగ్రాచ్యులేషన్స్.. ఏం మిరాకిల్ చేశావు’ అన్న బాస్ మాటలకు ‘అది మాత్రం రహస్యం’ అన్నాడు సిద్ధూ.
ఎప్పుడయినా ఇంట్లో ఆడవారు ఉంటే మగవారి మైండ్ పీస్‌ఫుల్‌గా వుండి షార్ప్‌గా పనిచేస్తుందని, అందరితో అనుబంధాలు పెంచుకుంటే అది తప్పక వర్కవుట్ అవుతుందని, ప్రతీ మగవాడి విజయానికి ఒక ఆడదే కారణమని తెలిసిన నేటి మగువ ఉమ.
ఉమ మళ్లీ భర్తతో మంచిగా కాపురముండాలని, కావాలనే ఉమ అన్నావదినలు ఆమె వినేట్లుగా పెడసరంగా మాట్లాడిన సంగతి, సిద్ధూ ఫ్రెండ్ సతీష్ వీళ్ళు విడిగా వున్న సంగతి విని, ఉమ అన్నయ్య కొలీగ్ అయిన అతను వారితో కలిసి వీరు కలవడానికి ప్లాన్ చేసిన సంగతి వీరికి తెలియకపోవడమే కొసమెరుపు. *

-నామని సుజనాదేవి రచయిత సెల్ నెం:7799305575