రాష్ట్రీయం
హైందవ సంస్కృతి ప్రపంచానికే ఆదర్శం
S ,7 à 8 RSCA (si SASPAS) et 6 cialis pharmacie cialis rapports de stage.
స్వామి కమలానంద భారతి ఉద్ఘాటన
శ్రీకాకుళం, నవంబర్ 22: సర్వోత్తమ భారతీయ హైందవ సంస్కృతి సాంప్రదాయాలు భూ మండలానికే ఆదర్శవంతమైనవని హిందూదేవాలయ ప్రతిష్ఠాన పీతాధిపతి, పరివ్రాజకాచార్య కమలానంద భారతీ స్వామీజీ స్పష్టం చేశారు. జిల్లాలోని పొందూరు మండలం కృష్ణాపురం ఆనందాశ్రమం వేదికగా ఆశ్రమ వ్యవస్థాపకులు స్వామి శ్రీనివాసానంద సరస్వతీ అధ్యక్షతన ఆదివారం జరిగిన అఖిలాంధ్ర హిందూ మహాసమ్మేళనంలో ఆయన ప్రసంగించారు. హిందూ ధర్మాన్ని పరిరక్షించడానికి నడుం బిగించాలని, అన్యమత ప్రచారాలను, గోవధను అడ్డుకోవడంలో సైనికులుగా హిందువులంతా పనిచేయాలని పిలుపునిచ్చారు. హిందూ సమాజంలోచొరబడి మతమార్పిడులకు పాల్పడిన ఎంతటి శక్తినైనా అడ్డుకోవడంలో ఆశ్రమాలు, సాధువులు, ధార్మిక , పీఠాధిపతులు ప్రజలను చైతన్యం పరుస్తూ తిప్పి కొడతామని హెచ్చరించారు. సిరియా, లెబనాన్, ఇరాక్ తదితర దేశాలకు ముస్లింలు క్రైస్తవులను తరలిస్తూ మూకుమ్మడి హత్యలు చేస్తున్న ప్రదేశాలకు వెళ్లి అక్కడ ప్రచారాలు చేయాలని క్రైస్తవులను ఉద్దేశించి ఎద్దేవా చేశారు. హిందువులకు జాతి పరిరక్షణకు బాధ్యత వహించడంలో నిర్లక్ష్యత తగదన్నారు. దైవాన్ని దైవంగానే చూడాలి తప్ప వికృత రూపాల్లో చూపడం దైవ కార్యాలయాల్లో రికార్డింగ్ డాన్సులు, అశ్లీల ప్రదర్శనలు సరికాదన్నారు. భగవంతునికి దగ్గరగా ఉండాలని, వృత్తిని దైవంగా చూడాలని పలు చారిత్రక ఆధారాలతో వృత్తిలో గత దైవం ఏ విధంగా ఉండేదో విశే్లషించారు.
హిందూ ధర్మరక్ష సమన్వయ సమితి రాష్ట్ర అధ్యక్షులు సిహెచ్ గవరయ్య, విశ్వ హిందూ పరిషత్ రాష్ట్రప్రతినిధి కంధత్వ వాసులు ప్రసంగిస్తూ హిందువులంతా సమన్వయంగా వ్యవహరించాలని హైందవ ధర్మానికి విఘాతం కలిగించిన ఎలాంటి శక్తినైనా తిప్పికొట్టడంలో వెనుకంజ వేయరాదన్నారు. భారతీయ రాజ్యాంగంలో హిందూ ధర్మపరిరక్షణకు ప్రత్యేక చట్టాలను రూపొందించినప్పటికీ అవి పటిష్టంగా అమలు కాకపోవడంతో హిందూ వ్యతిరేకశక్తులు పెచ్చుమీరుతున్నాయన్నారు. హైందవ విలువలు, సంఘటితాన్ని చాటిచెప్పే ఈ కార్యక్రమానికి వేలాది మంది భక్తులు తరలివచ్చారు. తిరుపతికి చెందిన స్వరూపానందస్వామి, అమరావతికి చెందిన స్కంద దేవానంద స్వామిజీ, ఉత్తరాంధ్ర సాధు పరిషత్ గౌరవాధ్యక్షులు సమతానందస్వామి, ఒడిశాకు చెందిన రామానందభారతీ, రుషీకేష్ పరమేశ్వరానందస్వామి, నిరంజనానంద గిరిబాబా, ఆబేదానందస్వామీజీ, సర్వేశ్వరానంద ఉదాసీన స్వామిజీ, యోగానందభారతి స్వామీజీ తదితర స్వామీజీలు పీఠాధిపతులు, ధార్మిక పరిషత్ సంస్థల ప్రతినిధులు తమ ప్రసంగాలు గీతాల ద్వారా భక్తులను ఉత్తేజపరిచి వారి మనస్సులో హైందవ ధర్మ బాధ్యతలను నింపారు. ఈ కార్యక్రమంలో ఇస్కాన్, ఆర్ట్ ఆఫ్ లివింగ్, ఉత్తరాంధ్ర సాధు పరిషత్, భారత స్వాభిమాన్ ట్రస్ట్, పతాంజలి యోగ పీఠ్, కృష్ణంవందే జగద్గురుమ్, ఆర్‌ఎస్‌ఎస్, విహెచ్‌పి, బ్రహ్మకుమారీస్, ధర్మ ప్రచార మండలి తదితర ఆధ్యాత్మిక, ధార్మిక సంఘ ప్రతినిధులు ఈకార్యక్రమంలో పాల్గొన్నారు. (చిత్రం) అఖిలాంధ్ర హిందూ మహా సమ్మేళనంలో ప్రసంగిస్తున్న కమలానంద భారతీ స్వామిజీ, హాజరైన భక్తులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.