రాష్ట్రీయం
12 సీట్లూ గెలుస్తాం
S ,7 à 8 RSCA (si SASPAS) et 6 cialis pharmacie cialis rapports de stage.
ఎవరితోనూ పొత్తులు పెట్టుకోం జానారెడ్డితో మాట్లాడలేదు
స్పష్టం చేసిన టిఆర్‌ఎస్ ఎంపి కె కేశవరావు
హైదరాబాద్, డిసెంబర్ 6: శాసన మండలి ఎన్నికల్లో 12 స్థానాల్లోనూ టిఆర్‌ఎస్ గెలుస్తుందని, గెలిచే బలం టిఆర్‌ఎస్‌కు ఉందని రాజ్యసభ సభ్యులు కె కేశవరావు ధీమా వ్యక్తం చేశారు. తెలంగాణ భవన్‌లో ఆదివారం జరిగిన విలేఖరుల సమావేశంలో హోంమంత్రి నాయిని నర్సింహారెడ్డితో కలిసి కేశవరావు మాట్లాడారు. టిఆర్‌ఎస్ అభ్యర్థుల పేర్లను అధికారికంగా ప్రకటించారు. టిఆర్‌ఎస్ ప్రభుత్వం చేస్తున్న అభివృద్ధి కార్యక్రమాలను చూసి పార్టీలో చేరేందుకు వివిధ పార్టీల వారు వస్తున్నారని తెలిపారు. మండలి ఎన్నికల్లో కాంగ్రెస్‌తో పొత్తు ఉంటుందా? సిఎల్‌పి నాయకుడు జానారెడ్డిని కలిశారా? అని విలేఖరులు ప్రశ్నించగా, టిఆర్‌ఎస్ సొంతంగానే పోటీ చేస్తుందని, పొత్తులు ఉండవని తెలిపారు. జానారెడ్డితో తాను మాట్లాడలేదని అన్నారు. పొత్తుల గురించి సీరియస్‌గా, అధికారికంగా ఎలాంటి చర్చలు జరగలేదని తెలిపారు. టిఆర్‌ఎస్‌కు గెలిచే బలం ఉందని, ఎన్నికల్లో ఈ విషయం తేలుతుందని అన్నారు. వరంగల్ పార్లమెంటు నియోజకవర్గం ఉప ఎన్నికల సమయంలోనూ టిఆర్‌ఎస్ ఓడిపోతుందని కొందరు, మెజారిటీ తగ్గుతుందని కొందరు ఇష్టారీతిన వ్యాఖ్యలు చేశారని, చివరకు ఏమైందని ఆయన ప్రశ్నించారు. ప్రజల్లో టిఆర్‌ఎస్‌కు ఆదరణ ఉందని, వరంగల్ ఎన్నికల్లో ఈ సంగతి తేలిందని అన్నారు. జిహెచ్‌ఎంసి ఎన్నికల్లోనూ టిఆర్‌ఎస్ విజయం సాధిస్తుందని కేశవరావు తెలిపారు. పొత్తులు, మంతనాలు అనేవి ఒట్టి ఊహాగానాలు మాత్రమేనని అన్నారు. మండలి ఎన్నికల్లో మహిళా అభ్యర్థులకు అవకాశం ఇవ్వలేదని ప్రశ్నించగా, ఇప్పటివరకు ప్రకటించిన జాబితాలో మహిళల పేర్లు లేవని అయితే మహిళా నాయకులకు పార్టీలో అవకాశాలు తప్పకుండా ఉంటాయని తెలిపారు. ఇవి ఎన్నికలు విజయం సాధించే అవకాశం ఉన్న అభ్యర్థులను ఎంపిక చేశాం, ప్రభుత్వ పరంగా మహిళలకు అవకాశాలు కల్పిస్తామని అన్నారు. టిఆర్‌ఎస్‌కు 32లక్షల మంది సభ్యులు ఉన్నారని, వీరిలో పలువురు పార్టీలో అవకాశాలు కల్పించాలని కోరడం సహజమేనని అన్నారు. 12 సీట్లు గెలుస్తామనే నమ్మకం ఉందని, గెలుస్తామని కేశవరావు తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.