రాష్ట్రీయం
కొత్తగూడెంలోనే కొత్త విమానాశ్రయం
S ,7 à 8 RSCA (si SASPAS) et 6 cialis pharmacie cialis rapports de stage.
మిగిలిన ప్రాంతాల్లో అవకాశాలు తక్కువే * ప్రాథమిక అంచనాలో నిపుణుల వెల్లడి
హైదరాబాద్, నవంబర్ 21: తెలంగాణలో హైదరాబాద్ తరువాత కొత్తగూడెంలో మాత్రమే మరో కొత్త విమానాశ్రయం వచ్చే అవకాశం ఉంది. ఇప్పట్లో మరో జిల్లాలో విమానాశ్రయం అంత లాభసాటి కాదని, వచ్చే అవకాశం లేదని తెలుస్తోంది. నిబంధనలతోపాటు లాభదాయకత వంటి అంశాలను దృష్టిలో పెట్టుకుంటే కొత్తగూడెం మినహా మిగిలిన ప్రాంతాల్లో విమానాశ్రయానికి అవకాశాల తక్కువని అధికార వర్గాలు తెలిపాయి. కొత్తగూడెం హైదరాబాద్‌కు 170 కిలో మీటర్ల దూరంలో ఉండటం, సింగరేణి సంస్థ, భద్రాచలం దేవాలయం ఉండటం వంటివి కొత్త విమానాశ్రయానికి అనుకూల అంశాలని అధికారవర్గాలు తెలిపాయి. ఆంధ్రప్రదేశ్‌లో విజయవాడ, విశాఖపట్నం, తిరుపతిలో విమానాశ్రయాలు ఉన్నాయి.
తెలంగాణలో ప్రస్తుతం హైదరాబాద్‌లో మినహా మరెక్కడా విమానాశ్రయం లేదు. ఆదిలాబాద్, వరంగల్, నిజామాబాద్, కొత్తగూడెం ప్రాంతాల్లో విమానాశ్రయాల ఏర్పాటుకు ప్రభుత్వం కేంద్రానికి ప్రతిపాదనలు పంపింది. అయితే తెలంగాణలోని అన్ని జిల్లాలకు హైదరాబాద్ మధ్యలో ఉండడం, రెండు గంటల్లో హైదరాబాద్ నుంచి ఏ జిల్లాకైనా వెళ్లడానికి అవకాశం ఉండడంతో ఇతర జిల్లాల్లో విమానాశ్రయాలు విజయవంతం కావడానికి అవకాశం తక్కువ.
హైదరాబాద్ నుంచి కారులో ఒక జిల్లాకు వెళ్లాలంటే రెండు గంటల్లో వెళ్లవచ్చు. అదే విమానంలో అయితే గంట ముందు విమానాశ్రయానికి వెళ్లాలి. విమానాశ్రయం నుంచి జిల్లా కేంద్రానికి వెళ్లడానికి మరింత సమయం పడుతుంది.
ఇలాంటి కారణాలవల్ల తెలంగాణలో విమానాశ్రయాలు లాభసాటిగా నడిచే అవకాశాలు లేవని ఉన్నతాధికారి ఒకరు అభిప్రాయం వ్యక్తం చేశారు. ఆదిలాబాద్‌లో నిర్మించే విమానాశ్రయం రక్షణ శాఖ అవసరాలకు సైతం వినియోగించుకునే విధంగా ఉండాలనే ప్రతిపాదన ఉంది. నిజామాబాద్, వరంగల్‌లో గతంలోనే విమానాశ్రయాలు ఉన్నాయి.
వరంగల్ సమీపంలో మామునూరు విమానాశ్రయాన్ని దాదాపు రెండు దశాబ్దాల క్రితమే నిర్మించారు. 15 ఏళ్ల క్రితం బేగంపేట విమానాశ్రయం నుంచి వరంగల్‌కు ఎయిర్ బస్‌ను ప్రారంభించారు. ప్రయాణికుల నుంచి పెద్దగా స్పందన లేకపోవడంతో రెండు నెలల్లోనే మూసేశారు. ఇటీవల సమ్మక్క సారక్క జాతర సమయంలో వారం రోజుల పాటు ప్రత్యేకంగా ఎయిర్ బస్‌లు నడిపారు. ఒక్క ఖమ్మం జిల్లా కొత్తగూడెంలో విమానాశ్రయం నిర్మాణానికి అవకాశాలు ఉన్నాయని కన్సల్టెన్సీ సంస్థ ప్రాథమికంగా సూచించింది. దీంతో పూర్తిస్థాయి ప్రాజెక్టు నివేదిక తయారు చేసే పనిలో ఉన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.