మెయిన్ ఫీచర్
ట్రెండీ.. ట్రెండీ..! బ్లవుజులు..
S ,7 à 8 RSCA (si SASPAS) et 6 cialis pharmacie cialis rapports de stage.
ఆధునిక జీవనశైలిలో అమ్మాయిలకు, మహిళలకు చీరకంటే రవికలపైనే మోజు పెరుగుతోంది. చీర ఎంత తక్కువ ధర పెట్టి కొన్నా రవికను మాత్రం రకరకాల మోడల్స్‌లో కుట్టించుకుంటున్నారు. ఇక అమ్మాయిలైతే చాలా చాలా ముందుంటున్నారు. సంప్రదాయ సొగసులకి ఆధునిక సొబగులు అద్ది నయా ట్రెండ్‌కి స్వాగతం పలుకుతున్నారు. అవే ఇండో వెస్ట్రన్ బ్లవుజులు. ఇప్పటివరకు డీప్‌నెక్, బోట్‌నెక్, స్వ్కేర్ నెక్, వీనెక్ బ్లవుజులు వేసుకునే అమ్మాయిలు ఇప్పుడు ఇండో వెస్ట్రన్ బ్లవుజులపై దృష్టి పెడుతున్నారు. పెప్లమ్, రఫుల్, బోట్‌నెక్, జాకెట్, బెల్, చైనీస్ కాలర్, హైనెక్... వంటి డిజైన్లను నేటితరం అమ్మాయిలు ఎక్కువగా ఇష్టపడుతున్నారు. హ్యాండ్‌లూమ్ చీరలకు పెప్లమ్ బ్లవుజులు బాగుంటాయి. సన్నగా, పొడుగ్గా ఉన్నవారికి ఇవి బాగా నప్పుతాయి. వీటిల్లో చీరను బట్టి పెప్లమ్‌లోనే పొట్టి, పొడుగు వాటిని ఎంచుకోవచ్చు. స్లీవ్‌లెస్ బ్లవుజులను చాలామంది వేసుకోలేరు. ఇలాంటివారు కేప్ బ్లవుజుల్ని ప్రయత్నించవచ్చు. సాదా చీరపైకి ఫ్లోరల్ కేప్ బ్లవుజు చాలా బాగుంటుంది. హ్యాండ్‌లూమ్ చీరపైకి ఎంబ్రాయిడరీ కేప్ బ్లవుజు బాగుంటుంది. అంతేకాకుండా శరీరాకఋతిని బట్టి సింగిల్, డబుల్, ఎసిమెటి కల్ కేప్ డిజైన్లను ఎంచుకుంటాయి. మెడ కాస్త వెడల్పుగా ఉన్నవారికి కుచ్చిళ్ళతో చైనీస్ కాలర్, హైనెక్ వంటివి చాలా బాగుంటాయి. సాధారణ చీరలకు రఫుల్ బ్లవుజులు కూడా బాగుంటాయి. బోట్‌నెక్ బ్లవుజులకి రఫుల్ స్లీవ్స్ ఒకరకమైతే, బ్లవుజంతా రఫుల్స్ వచ్చేలా ఎంచుకుంటున్నారు మరికొంతమంది అమ్మాయిలు. ఇలాంటివి సన్నగా ఉండేవారికి బాగుంటాయి. సూపర్‌నెట్, ఆర్గండీ, క్రేప్, షిఫాన్, బ్రాసో, నెట్, చేనేత రకాల చీరలపైకి ఈ బ్లవుజులు చాలా బాగుంటాయి. కేవలం భుజాల వరకే కాకుండా మోచేతి వరకూ కూడా కుట్టించుకోవచ్చు. ఈ డిజైన్‌ను ఎంచుకున్నప్పుడు మెడ కూడా భిన్నంగా ఉండేలా చూసుకోవాలి. ఇలాంటి బ్లవుజులు ఉన్నప్పుడు నూలుచీర నుండి పట్టుచీర వరకు ఏది కట్టుకున్నా సరే అది హాటెస్ట్ ట్రెండ్ అయిపోతుంది.
*
Related Articles
పిల్లలకు ఫిబ్రవరి నుండే పరీక్షల భయం పట్టుకుంటుంది. పరీక్షలు వస్తున్నాయనగానే మనసులో టెన్షన్ మొదలవుతుంది. అటు విద్యార్థులలోనూ ఇటు తల్లిదండ్రుల్లోనూ పరీక్షలనేవి ఎల్లప్పుడూ ఒత్తిడితో కూడుకున్నవే. పిల్లలకు మాత్రమే కాదు మొత్తం కుటుంబానికి ఒత్తిడితో కూడుకున్న సమయమే పరీక్షలు.
చైనా దేశంలోని వూహాన్ సిటీలో బయటపడ్డ కరోనావైరస్ (సార్స్-సీఓవీ-2) అనే కొత్తరకం వైరస్ దీనినే ‘‘కోవిడ్-19’’ అని పిలవడం జరుగుతోంది. దీని ప్రభావం గర్భవతులపైన ఉందా? లేక ఉంటుందా? గర్భస్థ శిశువు పరిస్థితి ఏ విధంగా ఉంటుందనే విషయమై కిమ్స్ ఆసుపత్రి వైద్యురాలు డాక్టర్ వసుంధర చీపురుపల్లి గారి మాటల్లో....
‘‘పరిపూర్ణ అంకితభావం, పవిత్రత, అతి సునిశితమైన బుద్ధి, సర్వాన్ని జయించగల సంకల్పం’’ ఇవన్నీ స్ర్తిలో ఉన్నప్పుడు సమాజంలో స్ర్తికి ఉన్న స్థానం సముచితస్థానం అవుతుంది. అటువంటి మహిళలే రాబోయే తరానికి వెలుగులు నింపే దివ్వెలవుతారన్నది నగ్నసత్యం. ఈ కోవలోకి వచ్చిన మహిళలు ఎంతో మంది ఉన్నారు.
మహిళలు సైన్యంలో తమను తాము నిరూపించుకునే అవకాశాలను దాదాపు పదేళ్ల న్యాయపోరాటం తర్వాత దక్కించుకున్నారు. ఇటీవల సుప్రీంకోర్టు మహిళలకు పర్మినెంట్ కమిషన్ పొందే అవకాశం కల్పించాలని చరిత్రాత్మక తీర్పును వెలువరించింది. మహిళా అధికారులకు అనుకూలంగా ఈ తీర్పు రావడం వెనుక ఒక ప్రతిభావంతురాలి కృషి ఉంది.