మెయిన్ ఫీచర్
భలే.. భలే.. లెహంగాలు
S ,7 à 8 RSCA (si SASPAS) et 6 cialis pharmacie cialis rapports de stage.
పెళ్ళైనా, నిశ్చితార్థమైనా.. సంతోషకరమైన ఏ వేడుకైనా అమ్మాయిలు లెహంగాలకే ఓటేస్తున్నారు. లెహంగాలు దక్షిణ భారతదేశం సంప్రదాయం కానప్పటికీ ఉత్తర భారతదేశ సంప్ర దాయ పోకడలు యువత ఎక్కువగా ఆచరించడం వల్ల పెళ్ళిళ్లలోని సంగీత్, మెహెందీ వేడుకల్లో లెహంగాలు ఆహా.. ఓహో.. అనిపిస్తున్నాయి. పెళ్ళికూతురుతో పాటు మిగిలిన అమ్మాయిలు కూడా పెళ్ళి వేడుకలైనా, కాస్త పెద్ద వేడుకలైనా వస్త్ధ్రారణకు లెహంగాలనే ఎంచుకుంటున్నారు. ఇప్పుడు షాపింగ్‌మాల్స్‌లోనూ, బొటిక్స్‌లోనూ డిజైనర్ లెహంగాలు చాలా కొలువుతీరుతున్నాయి. కానీ వీటిని ఎంచుకునేందుకు కొన్ని చిట్కాలను తప్పనిసరిగా పాటించాలి. అవేంటంటే..
* పెళ్లికోసం లెహంగాను ఎంచుకునేటప్పుడు కాస్త జాగ్రత్త వహించాలి. పెళ్లిలో ఎక్కువగా కూర్చోవడం, నిల్చోవడం, అటూ ఇటూ తిరగడం చేయాల్సి వస్తుంది. అందుకే లెహంగాను కొనుగోలు చేసేటప్పుడు ఒకసారి వేసుకుని చూసుకోవాలి. దానితో సులభంగానే నడవగలుగుతున్నారా? కూర్చుని తేలిగ్గా లేవగలుగుతున్నారా? లేక ఏవైనా ఇబ్బందులున్నాయా.. అని పరిశీలించుకోవాలి.
* లెహంగా మీ ఎత్తుకు సరిగ్గా సరిపోయేది కాకుండా కాస్త పొడవుగా ఉండేది ఎంచుకోవాలి. సరిగ్గా పాదాల వరకే వస్తే చూడటానికి అస్సలు బాగోదు. పైపెచ్చు ఎత్తు మడమలున్న చెప్పులు వేసుకుంటే లెహంగా పొట్టిగా కనిపిస్తుంది. కాబట్టి కాస్త పొడవుగా, నేలపై జీరాడేలా ఉన్న లెహంగాను ఎంచుకోవాలి.
* షాపింగ్‌మాల్స్ ఆ వెలుగుల జిలుగుల్లో లెహంగాలు ఒక మాదిరిగా కనిపిస్తాయి. బయట సాధారణ వెలుగులో అవి మరోలా కనిపిస్తాయి. కాబట్టి లెహంగాను వేసుకుని ఫొటో తీసుకుంటే అది మీకు సరిగ్గా నప్పిందో లేదో తెలుస్తుంది.
* బ్యాక్‌లెస్, నెట్టెడ్, డీప్‌నెక్, క్రాప్‌టాప్ ఎంచుకుంటే లో దుస్తుల విషయంలో చాలా జాగ్రత్తగా ఉండాలి. ఒకసారి వాటిని కూడా వేసుకుని చూస్తే మంచిది.
* లెహంగా డోరీలు కట్టుకోడానికి అనువుగా ఉన్నాయా లేదా కూడా చూసుకోవాలి. లెహంగా బరువు ఎక్కువగా ఉంటే డోరీలు లెహంగా బరువును ఆపలేవు. అప్పుడు వాటికి ప్రత్యామ్నాయాలు వెతుక్కోవలసి వస్తుంది. కాబట్టి లెహంగాను ఎంచుకునేటప్పుడే ఈ విషయాన్ని దఋష్టిలో పెట్టుకోవాలి.
* వాతావరణాన్ని బట్టి లెహంగాలను ఎంచుకోవాలి. లెహంగాలకు వాడే వస్త్రం ఎలాంటిదో సరిచూసుకోవాలి. చలికాలం అయితే మక్‌మల్, సిల్క్ తరహావి, ఎండాకాలంలో కాటన్, ఇకత్ వంటివి ఎంచుకుంటే సౌకర్యంగానూ, ట్రెండీగానూ ఉంటాయి.
లెహంగాల గురించిన విషయాలను తెలుసుకున్నారుగా.. ఇంకెందుకాలస్యం వివాహానికి మీకు అనువైన ట్రెండీ లెహంగాలను ఎంచుకుని, పెళ్ళి వేడుకలో అందరి చూపూ మీపైనే ఉండేలా అందంగా, ట్రెండీగా కనిపించండి మరి.
Related Articles
పిల్లలకు ఫిబ్రవరి నుండే పరీక్షల భయం పట్టుకుంటుంది. పరీక్షలు వస్తున్నాయనగానే మనసులో టెన్షన్ మొదలవుతుంది. అటు విద్యార్థులలోనూ ఇటు తల్లిదండ్రుల్లోనూ పరీక్షలనేవి ఎల్లప్పుడూ ఒత్తిడితో కూడుకున్నవే. పిల్లలకు మాత్రమే కాదు మొత్తం కుటుంబానికి ఒత్తిడితో కూడుకున్న సమయమే పరీక్షలు.
చైనా దేశంలోని వూహాన్ సిటీలో బయటపడ్డ కరోనావైరస్ (సార్స్-సీఓవీ-2) అనే కొత్తరకం వైరస్ దీనినే ‘‘కోవిడ్-19’’ అని పిలవడం జరుగుతోంది. దీని ప్రభావం గర్భవతులపైన ఉందా? లేక ఉంటుందా? గర్భస్థ శిశువు పరిస్థితి ఏ విధంగా ఉంటుందనే విషయమై కిమ్స్ ఆసుపత్రి వైద్యురాలు డాక్టర్ వసుంధర చీపురుపల్లి గారి మాటల్లో....
‘‘పరిపూర్ణ అంకితభావం, పవిత్రత, అతి సునిశితమైన బుద్ధి, సర్వాన్ని జయించగల సంకల్పం’’ ఇవన్నీ స్ర్తిలో ఉన్నప్పుడు సమాజంలో స్ర్తికి ఉన్న స్థానం సముచితస్థానం అవుతుంది. అటువంటి మహిళలే రాబోయే తరానికి వెలుగులు నింపే దివ్వెలవుతారన్నది నగ్నసత్యం. ఈ కోవలోకి వచ్చిన మహిళలు ఎంతో మంది ఉన్నారు.
మహిళలు సైన్యంలో తమను తాము నిరూపించుకునే అవకాశాలను దాదాపు పదేళ్ల న్యాయపోరాటం తర్వాత దక్కించుకున్నారు. ఇటీవల సుప్రీంకోర్టు మహిళలకు పర్మినెంట్ కమిషన్ పొందే అవకాశం కల్పించాలని చరిత్రాత్మక తీర్పును వెలువరించింది. మహిళా అధికారులకు అనుకూలంగా ఈ తీర్పు రావడం వెనుక ఒక ప్రతిభావంతురాలి కృషి ఉంది.