మెయిన్ ఫీచర్

సుందరకాండ

S ,7 à 8 RSCA (si SASPAS) et 6 cialis pharmacie cialis rapports de stage.

హంసలచే మోయబడుతోంది.
ఈ శ్లోకంలో ‘సువర్ణ’ శబ్దానికి పదహారు అచ్చులని అర్థం.
అలాగే ‘మహత్’అంటే ఆకాశం. అందువల ఈ శ్లోకం ‘విశుద్ధి’స్థానంలో ఉన్న స్వామిని చూపెడుతున్నది.
అలాగే-
యధా నగాగ్రం బహుధాతు చిత్రం
యధా నభశ్చ గ్రహ చన్ద్ర చిత్రం
దదర్శ యుక్తీకృత మేఘ చిత్రం
విమాన రత్నం బహురత్న చిత్రమ్
రకరకాల ధాతువుల (ఖనిజ లవణాలు)తో అందంగా ఉన్న పర్వతాగ్రాలు నానా గ్రహతారక చన్ద్రాదులతో కూడిన ఆకాశం అంతలో మేఘాలు క్రమ్ముకొన్న విచిత్రం- ఇలా నక్షత్ర శాలలోనికి అడుగుపెట్టిన స్థితి. అలాగే
మహీకృతా పర్వత రాజిపూర్ణాః
శైలా కృతావృక్ష వితాన పూర్ణాః
వృక్షాః కృతా పుష్ప వితాన పూర్ణాః
పుష్పం కృతం కేసర పత్రపూర్ణాః
పర్వత సమూహాలతోకూడిన భూమి- ఇంతలో అడుగు ముందుకువేస్తే
వృక్ష పూర్ణాలయిన పర్వతాలు- మరొక అడుగు ముందుకువేస్తే పుష్ఫ పరిపూర్ణాలయిన వృక్షాలు- మరొక్క అడుగువేస్తే
కేసర పత్ర పూర్ణాలుగా - పుష్పాలు కనబడతాయట.
మనోహర శిల్పమయంగా ఉంది. అద్భుత స్వరూపంగా ఉంది.
సాక్షాత్తు బ్రహ్మ నిర్మితంగానే ఉంది. ఆ రాక్షస రాజుయొక్క ఆత్మబల రూపంగా ఉంది. అంత మనోహరమైన విమానాన్ని చూస్తూనే ఉన్నాడు. అయినా- తానూ చూస్తూన్నదంతా సీత కోసమే.
ఆ విషయంలో స్వామి-
కృతాత్ముడు (నిశిత బుద్ధి) స్థూల సూక్ష్మ దర్శనం చేయగల సుచక్షువు.
సదాచార రూపమైన సువర్త్శనుడు- కాని
అపశ్యతో భవదతి దుఃఖితం మనః
అయినా తత్పరత ఉన్నవాడు కనుక దీక్షనుండి విరమించలేదు.
అనే్వషణ కొనసాగిస్తొనే ఉన్నాడు.
అర్థయోజన విస్తీర్ణము యోజనం వెడల్పు ఉన్న ఉత్తమ రాక్షసావాసమైన రావణ భవనంలో ప్రవేశించేడు.
అది సాక్షాత్తు రావణ భవనం కనుక పరమ మనోహరంగా ఉంది. ఐహిక భోగ సౌందర్యాలు మూర్త్భీవించి ఉన్నాయి. పాన ద్రవ్యాలనుండి భక్ష్యాన్నాల నుండి వచ్చేది దివ్యగంధాలతో
సగం ధస్తం మహాసత్త్వం బంధుర్భంధుమివోత్తమం
ఇత ఏహీత్యువాచేన యత్ర తత్ర సరావణః- ఆ గంధాలు
వీధిలో ఇంటికొరకు వెదకికొంటూన్న బంధువును బంధువు పిలుస్తూన్నట్లు
ఇలారా! ఇలారా! అని స్వామిని పిలుస్తున్నాయట
మణి సోపానాలతో బంగారు అలంకరణలతో స్ఫటిక నేలలతో
అక్కడక్కడ అలంకరింపబడిన దంతపు బొమ్మలతో
రావణ మనఃకాంతలా ఉంది.
మహత్యా కుథయాస్తీర్ణం పృథివీలక్షణాంకయా
పృధివీ మివ విస్తీర్ణాం సరాష్ట్ర గృహమాలినీమ్
ఈ విధంగా కుథ (కార్పెట్) ఆ భవనంలో పరచబడి ఉంది. దాని మీద పర్వత అరణ్య నదీ పముద్ర పర్వంతమైన ప్రపంచం చిత్రింపబడి ఉంది. దేశ విభజనతో గృహ సముదాయాలతో చిత్రంగా ఉంది. రావణుడు దానిమీద నుండి నడుచుకొంటూ శయన మందిరంలోకి వెడుతాడన్నమాట. ఇదే రాక్షస ప్రవృత్తి.
తన నిలకడకు స్థాన భూతమైన దానియందు కూడా గౌరవభావం లేకపోవటం.
సముద్రవసనే దేవి పర్వతస్తనమండలే
విష్ణుపత్ని సమస్త్భ్యుం పాదాహతిం క్షమస్వ మే- అంటూ
ఉదయం లేవగానే భూమి మీద కాలు మోపకుండగానే భూదేవిని శరణు వేడుకొనే సంస్కారం మనది. పటంలో ఇది గంగ పుటిటన చోటు అని చూపెట్టగానే కృతజ్ఞతా భావంతో చేతుల్ని జోడించే జాతి మనది. తమ మనుగడకు కారణమైన మట్టిని భోగ వస్తువుగా భావించే తామస ప్రకృతే రాక్షసం. అటువంటి వాళ్ళు తమ జన్మ భూమిని తాకట్టు పెట్టగలరు. అమ్మివేయనూ గలరు. వాని ముందు దేశభక్తి వెఱ్ఱివాని ఆలోచనగా ఉంటుంది.
ఈ భవనం పుష్పక విమానంలో భాగంగా అటువంటి రావణ భవనం. ఇహిక తృప్తికి పరాకాష్టగా ఉంది.
ఇంకావుంది...