రాష్ట్రీయం
ప్రపంచ బ్యాడ్మింటన్ సూపర్ సిరీస్ ఇండియా మేనేజర్‌గా తేతలి
S ,7 à 8 RSCA (si SASPAS) et 6 cialis pharmacie cialis rapports de stage.
రావులపాలెం, నవంబర్ 28: ఇండోనేషియా దేశంలోని ఈస్టు జావా మలాంగ్‌లో డిసెంబర్ ఒకటో తేదీ నుండి ఆరు వరకు జరిగే వరల్డ్ బ్యాడ్మింటన్ మాస్టర్స్ సూపర్ సిరీస్‌కు ఇండియా టీం మేనేజర్‌గా ఆంధ్రప్రదేశ్ బ్యాడ్మింటన్ అసోసియేషన్ ఉపాధ్యక్షుడు, తూర్పుగోదావరి జిల్లా రావులపాలెంనకు చెందిన తేతలి నారాయణరెడ్డి నియమితులయ్యారు. శనివారం రావులపాలెం కాస్మో పాలిటన్ రిక్రియేషన్ క్లబ్ (సిఆర్‌సి)లో ఏర్పాటు చేసిన విలేఖర్ల సమావేశంలో జిల్లా బ్యాడ్మింటన్ అసోసియేషన్ గౌరవాధ్యక్షుడు డాక్టర్ గొలుగూరి వెంకటరెడ్డి వివరాలు వెల్లడించారు. ప్రతి ఏడాది ప్రపంచంలోని వివిధ దేశాల్లో వరల్డ్ బ్యాడ్మింటన్ ఫెడరేషన్ ఆధ్వర్యంలో అయిదు సూపర్ సిరీస్‌లు జరుగుతాయని, వాటిలో ఇండోనేషియా సూపర్ సిరీస్ ఒకటన్నారు. ప్రతి దేశం నుండి అర్హత గల ర్యాంకింగ్ క్రీడాకారులు మాత్రమే పాల్గొనే ఈ టోర్నమెంటులో 1.2 లక్షల యుఎస్ డాలర్లు ప్రైజ్ మనీగా ఇస్తారన్నారు. మన దేశం నుండి సైనా నెహ్వాల్, పివి సింధూ, కశ్యప్, శ్రీకాంత్, ప్రణయ్ ఈ టోర్నమెంటులో ప్రాతినిధ్యం వహిస్తారన్నారు. ఈ నెల 29న క్రీడాకారులతో కలిసి నారాయణరెడ్డి ఇండోనేషియా బయల్దేరి వెడతారన్నారు. పురుషుల, మహిళల విభాగాల్లో సింగిల్స్, డబుల్స్, మిక్స్‌డ్ డబుల్స్‌లో జరిగే పోటీలకు సంబంధించి మెయిన్ డ్రాకు మొత్తంగా ఈ సిరీస్‌లో వివిధ దేశాల నుండి 56 మెన్ సింగిల్స్, ఉమెన్ సింగిల్స్, మెన్ డబుల్స్, ఉమెన్ డబుల్స్, మిక్స్‌డ్ డబుల్స్‌లో మరో 28 చొప్పున ఎంట్రీలు ర్యాంకింగ్ ఆధారంగా తీసుకున్నారన్నారు. అలాగే క్వాలిఫైయింగ్ రౌండ్ల ద్వారా మరో 24 ఎంట్రీలను కలుపుకొంటారన్నారు. ఇంతటి ప్రతిష్టాత్మక టోర్నమెంటుకు ఇండియా తరఫున టీం మేనేజర్‌గా నారాయణరెడ్డి నియమితులు కావడం రాష్ట్రానికే గర్వకారణమన్నారు. కెసిహెచ్ పున్నయ్యచౌదరి తరువాత ఆంధ్రప్రదేశ్, తెలంగాణా రాష్ట్రాల నుండి దేశ బాడ్మింటన్ టీం మేనేజర్‌గా నారాయణరెడ్డి మాత్రమే నియమితులయ్యారన్నారు. తనను టీం ఇండియా మేనేజర్‌గా ఎంపిక చేయడంలో ప్రోత్సహించిన బ్యాడ్మింటన్ అసోసియేషన్ ఆఫ్ ఇండియా అధ్యక్షుడు అఖిలేష్‌దాస్ గుప్తా, ఎపి చీఫ్ ఎగ్జిక్యూటివ్ ఆఫీసర్ కెసిహెచ్ పున్నయ్యచౌదరికి నారాయణరెడ్డి కృతజ్ఞతలు తెలిపారు. ఆయనను వెంకటరెడ్డితో పాటు సిఆర్‌సి అధ్యక్షులు నందం వీర వెంకట సత్యనారాయణ, జిల్లా బాడ్మింటన్ అసోసియేషన్ కార్యదర్శి రామాంజనేయరాజు, కర్రి శ్రీనివాసరెడ్డి, నల్లమిల్లి వీర్రాఘవరెడ్డి తదితరులు అభినందించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.