మంచి మాట
శరణాగతరక్షకుడు
S ,7 à 8 RSCA (si SASPAS) et 6 cialis pharmacie cialis rapports de stage.
తిరుప్పావై 16వ పాశురం నాయక నాయ్‌నిన్ఱ
*
నాయకనాయ్‌నిన్ఱ నందగోపనుడైయ
కోయిల్ కాప్పానే కోడి త్తోన్ఱుమ్ తోరణ
వాయిల్ కాప్పానే మణిక్కదవమ్ తాళ్ తిఱవాయ్
ఆయర్ శిఱుమియరో ముక్కు అఱై పఱై
మాయన్ వణివణ్ణన్ నెన్నలే వాయ్ నేర్‌న్దాన్
తూయోమాయ్ వన్దోమ్ తుయిలెళ ప్పాడువాన్
వాయాల్ మున్నంమున్నం మాత్తాదే అమ్మా నీ
నేయ నిలైక్కదవం నీక్కు ఏలో రెమ్బావాయ్
*
భావం:ఈనాటి 16వ పాశురం నుండి 30వ పాశురం వరకు గల పదిహేను రోజులు తిరుప్పావైలో మూడవ దశగా చెప్పబడుతున్నది. ఇదే అనుభవ దశగా ఉన్నది. ఈనాటి పాశురంలో, ఆశ్రయ దశను పూరితచేసుకున్న గోపికలు నందగోపుని భవనానికి చేరి, భవన ద్వార పాలకుని మేల్కొలిపి తలుపు తెరవమని ప్రార్థిస్తారు.
నందగోప కులానికే నాయకుడిగా ఉన్న నందగోపుడి భవనాన్ని రక్షించే ద్వార పాలకుడా శ్రీకృష్ణుడు అష్టాక్షరి మంత్రం. ఆ మంత్రమే నందగోపుడి భవనము. దాన్ని రక్షిచేంచేవాడా అని, అతనికి గల గొప్పదనాన్ని గుర్తుచేస్తున్నారు గోపికలు. ఆ భవనానికి శ్రీకృష్ణపరమాత్మ నిలయమైన ఆలయానికి జెండాతో ప్రకాశిస్తూ, తోరణములతో ఒప్పుచున్న ద్వారాన్ని నిరంతరం రక్షించే పుణ్యాత్ముడివి అని ప్రశంసిస్తున్నారు గోపికలు. ప్రణవ మంత్రం ‘ఓంకారం’ అదే జెండా! ఓం నమో నారాయణాయ నమః అనే శరణాగతిలోని ‘నమః’ నేను కాదు. నాకు నేను రక్షకుడిని కాదు ఆ పరమాత్మనే అని శరణాగతి చేయండి అని సంకేతించే పచ్చ తోరణాలు ఉన్నాయి. ఆ జెండాతోబాటు ఆ తోరణాన్ని జాగ్రత్తగా రక్షించి కర్తవ్యాన్ని నిర్వహించే నీవెంత ధన్యుడివి! భవనములోని మణికవాటము యొక్క గడియతీయాలి. మేము కూడా శరణాగతి చేసిన వాళ్ళమే. గోప బాలికలైన మాకు, మాయావియైనవాడు, నీలమేఘము వంటి ప్రకాశవంతమన మణి వర్ణము గలవాడైన కృష్ణుడే స్వయంగా ధ్వని చేసే పర అనే వాద్యాన్ని మాకిస్తానని నిన్ననే వాగ్దానం చేశాడు నీవేం సందేహించక తలుపు తీయి అంటున్నారు గోపికలు.
మేము పరిశుద్ధులమై (అంతఃకరణం, శరీరం రెండూ) ఆ పరమాత్ముడి గుణగానం చేయడానికై వచ్చామయ్యా! (నిన్ను ఇంతగా అర్థిస్తున్నాం, అనుగ్రహించాలి) నీవే ముందుగా నోటితో కాదని చెప్పక, దగ్గరగా లాగి ఉన్న ఆ దృఢమైన తలుపులు దయతో తీయాలి సుమా అని అర్థిస్తున్నారు గోపికలు భవన ద్వార పాలకుడిని.
ఆండాళ్ తిరువడిగళే శరణమ్
Related Articles
(నిన్నటి సంచిక తరువాయి)
భోజనం వడ్డించమని అడిగాడు పోతన తన భార్యతో. ఆమె చోద్యంగా చూస్తూ ‘అదేమిటండీ! ఇప్పుడే కదండీ భోజనం చేసి వెళ్లారు. మళ్లీ భోజనం అంటున్నారు? మళ్లీ అప్పుడే ఆకలయిందా’ అని నవ్వుతూ అడిగింది ఆ సాధ్వీమణి.
నాటకం/నాటిక సంపూర్ణంగా పండాలంటే అందులో సమష్టి కృషి ఉంటుంది. ఒక దర్శకుడు, ఒక నటుడు, ఒక నటి, ఒక సంగీత దర్శకుడు... ఇలా... అంతా వారి వారి బాధ్యతల్లో నూటికి నూరుపాలు మమేకమైనప్పుడే ఫలితం చేతికందుతుంది. కాని, నాటకం ఇంతగా అందరినీ ఆకట్టుకోవాలంటే వీరే కాదు తెరవెనుక వాళ్లూ కావలసిందే.
నూకల చిన్న సత్యనారాయణ ‘త్యాగరాజ సారస్వత సర్వస్వం’ (900 పేజీలు), ‘వాగ్గేయకార కృతి సాగరం (రెండు భాగాలు), వంటి ఉద్గ్రంథాలలో వివిధ వాగ్గేయకారుల 1500 వందల వరకూ కృతులను ‘సాహిత్య స్వర’ బద్ధంగా, మూర్ఛన, స్వర, రాగ, తాళ విభజనాది సూచికలతో సర్వ సమగ్రంగా నూకల సంగీత ప్రపంచానికి అందించారు.
కడుపు నిండిన మనిషి మానసికానందం కోసం వెంపర్లాడాడు. ప్రకృతి వైపు పరవశించి చూశాడు. గాలికి ఆకు కదిలితే తాను తన చేయిని కదిలించాడు. గాలికి ఎండుటాకు గలగలమంటే తన గళాన్ని సరిచేసుకొని దాన్ని అనుసరించాడు. ఇలా చేస్తూ చేస్తూ మాట్లాడడం తన పూర్వీకులు గురించి తెలుసుకొన్నాడు. తాను అబ్బురం చెందాడు.
ఒక్క భారతదేశంలో మాత్రమే వినోద కార్యకలాపాల్లో చోటుచేసుకున్నది ఈ ‘ది గ్రేట్ ఇండియన్ రోప్ ట్రిక్!’ ఇప్పుడు దాదాపుగా కనుమరుగైపోయిన ఈ విద్య 19వ శతాబ్దానికి ముందుది అని కొందరు, తొమ్మిదో శతాబ్దం నుంచే ప్రజలను అలరారుస్తోందని వివరించే కథనాలు కూడా ఇప్పటికీ వినిపిస్తూనే ఉంటాయి. అంతేకాదు...