అందరికీ మంచి జరగాలి

మెదక్ రూరల్, డిసెంబర్ 31: కొత్త సంవత్సరమంతా మంచి జరగాలి... అందరికి మేలు జరగాలి...మెదక్ మరింత అభివృద్ది జరగాలని ఎమ్మెల్యే ఎం.పద్మాదేవేందర్‌రెడ్డి ఆకాంక్షించారు. ఈ సందర్భంగా ప్రజలకు నూతన సంవత్సర శుభాకాంక్షలు తెలిపారు. ఇటీవల జరిగిన ఎన్నికల్లో మరోసారి తనను గెలిపించారని, వారి నమ్మకాన్ని వమ్ముచేయకుండా పనిచేస్తానన్నారు. గత సంవత్సరం స్ఫూర్తితో ముందుకువెళుతూ జిల్లా కేంద్రం మెదక్ సమగ్రాభివృద్దికి ఉద్యోగ, ఉపాధ్యాయ, కార్మికులు, ప్రజాప్రతినిధులు, స్వచ్చంధ సంస్థలు తమవంతు సహకారం అందించాలని కోరారు. ఈ యేడాదిలో మెదక్ జిల్లాలో జాతీయ రహదారులతోపాటు రైల్వేలైన్ నిర్మాణం పూర్తిచేసుని రైలు కూత వినబోతున్నామన్నారు. ముఖ్యమంత్రి కె.చంద్రశేఖర్‌రావు సంపూర్ణ సహకారంతో అభివృద్ది, సంక్షేమ కార్యక్రమాలు అమలయ్యేలా చూస్తానన్నారు.