అభివృథ్ధి పథంలో తెలంగాణ : మోదీ

గజ్వేల్:దేశంలో అతి చిన్నవయస్సున్న రాష్ట్రం తెలంగాణ అని, ఇక్కడకు రావడం తనకు ఎంతో సంతోషకరమని ప్రధాని నరేంద్రమోదీ అన్నారు. మెదక్ జిల్లా గజ్వేల్ మండలం కోమటిబండలో మిషన్ భగీరథ పథకం తొలి దశను ప్రారంభించిన అనంతరం జరిగిన సభలో ఆయన మాట్లాడారు. మొదట తెలుగులో ప్రసంగాన్ని ప్రారంభించిన ఆయన ఇక్కడకు రావడం సంతోషకరమని అన్నారు. ఆ తరువాత ప్రసంగాన్ని హిందీలో కొనసాగించారు. తెలంగాణలో మంచి పథకాలు ప్రారంభించారని అభినందించారు. రాష్ట్ర, కేంద్రం సమాఖ్య ప్రాతిపదికన కలసి పనిచేస్తాయని, సంపూర్ణ సహకారం అందిస్తామని హామీ ఇచ్చారు.