రాష్ట్రీయం
నక్సల్స్ దంపతుల ఎన్‌కౌంటర్
S ,7 à 8 RSCA (si SASPAS) et 6 cialis pharmacie cialis rapports de stage.
భద్రాచలం, జనవరి 25: మావోయిస్టు పార్టీకి ఒడిశా రాష్ట్రంలో గట్టి ఎదురుదెబ్బ తగిలింది. దియోఘర్ జిల్లా అడవుల్లో సోమవారం జరిగిన ఎన్‌కౌంటర్‌లో రాష్ట్ర పార్టీ కమిటీ సభ్యుడు, కళింగ డివిజన్ కార్యదర్శి పుట్టపాక కుమారస్వామి అలియాస్ సుశీల్ అలియాస్ బసంత్ అలియాస్ రంజిత్ అలియాస్ వీరన్న, అతని భార్య సింద్రీ లింగో అలియాస్ సోనీ అలియాస్ రోమా హతమయ్యారు. పుట్టపాక కుమారస్వామిది తెలంగాణ రాష్ట్రం వరంగల్ జిల్లా కాగా, అతని భార్య సింద్రీ లింగోది ఆంధ్రప్రదేశ్‌లోని విశాఖ జిల్లా. భద్రతా దళాలతో జరిగిన ఎదురుకాల్పుల్లో వీరు మరణించినట్టు ఒడిశా పోలీసులు ప్రకటించారు. ఎన్‌కౌంటర్ జరిగిన దియోఘర్ జిల్లా ఒడిశాలోని తూర్పు ప్రాంతంలో ఉంది. ఇదిలావుంటే, భద్రాచలం మన్యంలో ఆరుగురు మావోయిస్టు మిలీషియా సభ్యులను అరెస్ట్ చేసినట్టు ఏఎస్పీ భాస్కరన్ తెలిపారు. తన కార్యాలయంలో సోమవారం విలేఖరులతో మాట్లాడుతూ చర్ల మండలం చింతగుప్ప అటవీ ప్రాంతంలో జిల్లా స్పెషల్ పార్టీ, 141 సిఆర్‌పిఎఫ్ జవాన్లు, వెంకటాపురం సర్కిల్ పోలీసులు సంయుక్తంగా కూంబింగ్ ఆపరేషన్ నిర్వహిస్తున్న సందర్భంగా అనుమానాస్పదంగా సంచరిస్తున్న ఆరుగురిని అదుపులోకి తీసుకున్నామన్నారు. వీరిని ప్రశ్నించగా మిలీషియా సభ్యులుగా వెల్లడించారని, దీంతో వీరిపై కేసు నమోదు చేసి దర్యాప్తు చేపట్టినట్టు ఎఎస్పీ వివరించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.