జాతీయ వార్తలు
మోదీని ఓడించేందుకు ఏమైనా చేస్తాం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఏప్రిల్ 14: ప్రధానమంత్రి నరేంద్ర మోదీ, బీజేపీ అధ్యక్షుడు అమిత్ షాల నుంచి దేశాన్ని రక్షించడానికి తన పార్టీ ఏమయినా చేస్తుందని ఢిల్లీ ముఖ్యమంత్రి, ఆమ్ ఆద్మీ పార్టీ (ఆప్) అధినేత అరవింద్ కేజ్రీవాల్ అన్నారు. ప్రస్తుత లోక్‌సభ ఎన్నికల్లో కాంగ్రెస్ పార్టీతో పొత్తుపై అనిశ్చితి నెలకొన్న నేపథ్యంలో ఆయన ఆదివారం ఈ వ్యాఖ్యలు చేశారు. ప్రస్తుతం కొనసాగుతున్న లోక్‌సభ ఎన్నికల్లో ఎలక్ట్రానిక్ ఓటింగ్ మెషిన్ల (ఈవీఎంల) లోపాలపై చర్చించడానికి ఆదివారం ఇక్కడ ఆయన ప్రతిపక్షాలతో సమావేశమయ్యారు. అనంతరం ఆయన విలేఖరుల సమావేశంలో మాట్లాడుతూ ‘దేశం ప్రమాదంలో ఉంది. దేశాన్ని రక్షించడానికి మేము ఏమైనా చేస్తాం. నరేంద్ర మోదీ, అమిత్ షాల నుంచి దేశాన్ని రక్షించడానికి మేము చేస్తున్న కృషి కొనసాగుతుంది’ అని కేజ్రీవాల్ అన్నారు. అయితే, ఆ సమయంలో అక్కడే ఉన్న కాంగ్రెస్ పార్టీ నాయకులు, సీనియర్ అడ్వకేట్ కపిల్ సిబాల్ ఆప్‌తో పొత్తుపై అడిగిన ప్రశ్నలకు సూటిగా సమాధానం ఇవ్వకుండా ‘ఆయనకే బాగా తెలుసు’ అంటూ బంతిని కేజ్రీవాల్ కోర్టులోకి తోసేశారు. ‘పొత్తు గురించి ఆయననే అడగండి. ఆయనకే మాకన్నా బాగా తెలుసు’ అని సిబాల్ అన్నారు. కాగా, ‘మీకు కాంగ్రెస్ విధానం తెలుసు. ఢిల్లీలో పొత్తు దాదాపు పూర్తయింది. అయితే, ఇతర రాష్ట్రాలతో దీనిని ముడిపెట్టడం సరికాదు’ అని కాంగ్రెస్ పార్టీ నాయకుడు, సీనియర్ న్యాయవాది అభిషేక్ మను సింఘ్వీ అన్నారు. ఆప్, కాంగ్రెస్‌ల మధ్య పొత్తుపై గత కొంత కాలంగా అనిశ్చితి కొనసాగుతోంది. ఢిల్లీ, హర్యానాలో సీట్ల పంపకాలపై ఈ రెండు పార్టీలు ఒక అంగీకారానికి రావడంలో విఫలం కావడం వల్ల వాటి మధ్య చర్చల ప్రక్రియ నిలిచిపోయింది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.