జాతీయ వార్తలు
ఒబిసిల ‘క్రీమీ లేయర్’ను సడలించనున్న సర్కార్
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఆగస్టు 28: ఇతర వెనుకబడిన తరగతుల (ఒబిసి)కు క్రీమిలేయర్ ప్రాతిపదికకు సంవత్సరాదాయాన్ని ప్రస్తుతం ఉన్న రూ. ఆరు లక్షల నుంచి రూ. ఎనిమిది లక్షలకు పెంచాలని కేంద్ర ప్రభుత్వం యోచిస్తోంది. ఒబిసిలకు కేటాయించిన అనేక ప్రభుత్వ ఉద్యోగాలు అభ్యర్థులు దొరకక ఖాళీగా ఉన్న నేపథ్యంలో వాటిని భర్తీ చేయడానికి క్రీమీలేయర్ పరిధిని సడలించాలని ప్రభుత్వం భావిస్తోంది. ప్రస్తుతం సాలీనా రూ. ఆరు లక్షల వరకు ఆదాయమున్న కుటుంబాలకు ప్రభుత్వ ఉద్యోగాలు, విద్యాసంస్థల్లో 27 శాతం రిజర్వేషన్లు అమలులో ఉన్నాయి. రూ. ఆరు లక్షలకు మించి సంవత్సరాదాయం ఉన్న వారిని ‘క్రీమీలేయర్’గా పరిగణించి, వారికి విద్య ఉద్యోగాలలో రిజర్వేషన్లు అమలు చేయడం లేదు. అయితే క్రీమీలేయర్‌కు గరిష్ఠ పరిమితిని రూ. ఎనిమిది లక్షలకు పెంచడం ద్వారా ఒబిసిల నుంచి చాలామంది అభ్యర్థులు విద్య, ఉద్యోగాలకు అర్హులవుతారు. అందువల్ల కేంద్ర సామాజిక న్యాయ మంత్రిత్వ శాఖ ఒబిసిల క్రీమీలేయర్ గరిష్ఠ పరిమితిని రూ. ఎనిమిది లక్షలకు పెంచే ప్రతిపాదనపై కసరత్తు చేస్తున్నట్లు అధికార వర్గాలు తెలిపాయి. దీనికి సంబంధించి ఒక క్యాబినెట్ నోట్‌ను త్వరలోనే ప్రవేశపెట్టే అవకాశం ఉందని ఆ వర్గాలు వెల్లడించాయి.
ఈ విషయమై వెనుకబడిన తరగతుల జాతీయ కమిషన్ (ఎన్‌సిబిసి) సభ్యుడు అశోక్ షైనీని సంప్రదించగా, క్రీమీలేయర్ గరిష్ఠ పరిమితిని రూ. 15 లక్షలకు పెంచాలని కమిషన్ ఇప్పటికే సిఫారసు చేసిందని వివరించారు. ఒబిసిలకు 27 శాతం రిజర్వేషన్లు కల్పించి రెండు దశాబ్దాలు గడుస్తున్నా నేటికీ కేవలం 12-15 శాతం మాత్రమే ఒబిసిలు ఉపయోగించుకోగలుగుతున్నారని ఆయన తెలిపారు. తమ విశే్లషణ ప్రకారం ఆదాయ గరిష్ఠ పరిమితి తక్కువగా ఉండటమే దీనికి ప్రధాన కారణమని తేలిందని ఆయన వివరించారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.