జాతీయ వార్తలు
మరింత అభివృద్ధికి మోదీతో కలసి పనిచేస్తాం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, మే 24: ఢిల్లీ మరింత అభివృద్ధి సాధించేందుకు కేంద్రంలో ఏర్పడబోయే నరేంద్ర మోదీ ప్రభుత్వంతో కలసి పనిచేస్తామని ఆమ్ ఆద్మీ పార్టీ (ఆప్) అధినేత, ఢిల్లీ ముఖ్యమంత్రి అరవింద్ కేజ్రీవాల్ అన్నారు. దేశవ్యాప్తంగా జరిగిన సార్వత్రిక ఎన్నికల్లో భాగంగా ఢిల్లీలోని ఏడు పార్లమెంటు స్థానాలకు జరిగిన ఎన్నికల తమ పార్టీ పరాజయం పాలైన విషయమై ఆయన మాట్లాడుతూ ఈ విషయంలో ప్రజల తీర్పును తామెప్పుడూ గౌరవిస్తామని అన్నారు. సార్వత్రిక ఎన్నికల్లో ప్రధాని నరేంద్ర మోదీ నాయకత్వంలోని ఎన్డీయే అఖండ విజయంతో చరిత్ర సృష్టించడాన్ని ఈ సందర్భంగా ఆయన అభినందనలు తెలిపారు. ఢిల్లీ నార్త్ వెస్ట్, సౌత్ వెస్ట్‌లో మాత్రమే ఆప్ పార్టీ లోక్‌సభ ఎన్నికల్లో రెండో స్థానంలో నిలిచింది. మిగిలిన ఐదు నియోజకవర్గాల్లోనూ ఈ పార్టీ మూడో స్థానంతో సరిపెట్టుకోవాల్సి వచ్చింది. లోక్‌సభ ఎన్నికల్లో పార్టీకి చెందిన మంచి అభ్యర్థులనే ఎంపిక చేశామని, అందుకు తగ్గట్టే ప్రచారం నిర్వహించామని, కానీ ఫలితాలు తమకు అనుకూలంగా రాలేదని ఆయన ఒక ట్వీట్ ద్వారా పేర్కొన్నారు. అయితే, ఈ విషయంలో ప్రజలదే అంతిమ నిర్ణయమని, దానికి తాము పూర్తిగా కట్టుబడి ఉంటామని ఆయన స్పష్టం చేశారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.