జాతీయ వార్తలు
కాంగ్రెస్‌కు త్వరలో కొత్త అధ్యక్షుడు?
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ: 130 సంవత్సరాల చరిత్ర ఉన్న కాంగ్రెస్ పార్టీకి గాంధీ కుటుంబానికి చెందని వ్యక్తిని అధ్యక్షుడిగా ఎన్నుకునే ప్రక్రియ ప్రారంభమైంది. కాంగ్రెస్ అధ్యక్ష పదవికి రాజీనామా చేసిన రాహుల్ గాంధీ ఈ విషయాన్ని గురువారం ధ్రువీకరించారు. పార్టీ అధ్యక్ష పదవికి చేసిన రాజీనామాకు కట్టుబడి ఉన్నా.. కొత్త అధ్యక్షుడి ఎంపిక ప్రక్రియలో తాను పాల్గొనటం లేదని రాహుల్ పార్లమెంటు ఆవరణలో విలేఖరులకు చెప్పారు. కాంగ్రెస్‌కు కొత్త అధ్యక్షుడిని ఎంపిక చేసే ప్రక్రియ కొనసాగుతున్నట్లు ఆయన పరోక్షంగా వెల్లడించారు. పదిహేడవ లోక్‌సభ ఎన్నికల్లో ఎదురైన ఘోర పరాజయానికి బాధ్యత వహిస్తూ రాహుల్ గాంధీ పార్టీ అధ్యక్ష పదవికి రాజీనామా చేయటం తెలిసిందే. లోక్‌సభ ఎన్నికల్లో పార్టీ ఘోర పరాజయానికి దారితీసిన పరిస్థితులను విశే్లషించేందుకు గత నెల మే 30న జరిగిన కాంగ్రెస్ వర్కింగ్ కమిటీ సమావేశంలో రాహుల్ గాంధీ తన పదవికి రాజీనామా చేశారు. గాంధీ కుటుంబానికి చెందని వ్యక్తిని పార్టీ అధ్యక్షుడిగా ఎన్నుకోవాలని రాహుల్ గాంధీ సూచించారు. తన తల్లి సోనియా గాంధీ, సోదరి ప్రియాంకా గాంధీ పార్టీ అధ్యక్ష పదవి చేపట్టరని ఆయన కాంగ్రెస్ వర్కింగ్ కమిటీకి స్పష్టం చేశారు. పార్టీ అధ్యక్ష పదవికి చేసిన రాజీనామాను ఉపసంహరించుకోవాలంటూ రాహుల్ గాంధీకి నచ్చజెప్పేందుకు కాంగ్రెస్‌కు చెందిన పలువురు సీనియర్ నాయకులు తీవ్రంగా కృషి చేశారు. ఒక కార్యనిర్వాహక అధ్యక్షుడిని నియమించటం ద్వారా సమస్యను పరిష్కరించుకోవచ్చునని వారు రాహుల్ గాంధీకి నచ్చజెప్పేందుకు ప్రయత్నించారు. అయితే రాహుల్ మాత్రం ఇవేవీ పట్టించుకోకుండా అధ్యక్ష పదవికి తాను చేసిన రాజీనామాకు కట్టుబడి ఉన్నానని స్పష్టం చేశారు. కాంగ్రెస్ వర్కింగ్ కమిటీలో సూచించిన విధంగా నెల రోజుల్లోగా కొత్త అధ్యక్షుడిని ఎన్నుకోవాలని ఆయన మరోసారి స్పష్టం చేయటంతో పార్టీ సీనియర్ నాయకులు ఇప్పుడు కొత్త అధ్యక్షుడి వేటలో పడ్డారు. రాజస్థాన్ ముఖ్యమంత్రి అశోక్ గెహ్లోట్‌తోపాటు మరో ఇద్దరి పేర్లను అధ్యక్ష పదవికి పరిశీలిస్తున్నట్లు తెలిసింది. జూన్ 30 తేదీ నాటికి కాంగ్రెస్‌కు కొత్త అధ్యక్షుడిని ఎన్నుకుంటారనే మాట వినిపిస్తోంది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.