జాతీయ వార్తలు
నాకెలాంటి సంబంధం లేదు
S ,7 à 8 RSCA (si SASPAS) et 6 cialis pharmacie cialis rapports de stage.
బెంగళూరు, జూలై 11: కర్నాటక రాజకీయ సంక్షోభానికి తాను ఏ విధంగానూ బాధ్యుడిని కాననీ.. అలాగే, దాని పర్యావసానంతోనూ తనకు ఎలాంటి సంబంధం ఉండదని అసెంబ్లీ స్పీకర్ కేఆర్ రమేష్ ప్రకటించారు. కర్నాటకలోని అధికార సంకీర్ణ ప్రభుత్వానికి చెందిన 16మంది ఎమ్మెల్యేల రాజీనామాలు స్వచ్ఛందంగా చేసినవా? నిజమైనవా? అన్న అంశాలను లోతుగా పరిశీలించిన తరువాతే వాటిపై నిర్ణయం తీసుకొంటానని స్పీకర్ గురువారం నాడిక్కడ స్పష్టం చేశారు. కర్నాటక శాసనసభ నియమ నిబంధనల ప్రకారం రాజీనామాలన్నీ లోపరహితమైన ఫార్మాట్‌లో ఉండి తీరాలని ఆయన తేల్చి చెప్పారు. రాజీనామా చేసిన ఎమ్మెల్యేలతో సమావేశమైన అనంతరం ఆయన మీడియాతో మాట్లాడారు. అయితే, వీటిలో ఎనిమిది రాజీనామాలు సరైన ఫార్మాట్‌లో లేవని అన్నారు. ప్రస్తుతం ఎమ్మెల్యేల రాజీనామాలన్నీ సరైన ఫార్మాట్‌లోనే ఉన్నాయని పేర్కొన్న ఆయన, అవి స్వచ్ఛందమా.. నిజమైనవా? అన్న అంశాన్ని పరిశీలిస్తానని వెల్లడించారు. అసెంబ్లీ సభ్యత్వాలకు రాజీనామా చేయాలని శాసనసభ్యులు నిజంగా భావిస్తే వారి రాజీనామా లేఖలు నిర్ణీత ఫార్మాట్‌లోనే ఉండాలని అన్నారు. ఇదే విషయాన్ని అసమ్మతి ఎమ్మెల్యేలతో జరిపిన సమావేశంలో వారికి స్పష్టం చేశానన్నారు. గురువారం ఉదయం నుంచి చకచకా సాగిన కర్నాటక రాజకీయ పరిణామాల నేపథ్యంలో జోక్యం చేసుకొన్న సుప్రీంకోర్టు.. రాజీనామా చేసిన ఎమ్మెల్యేల విషయంలో తక్షణమే నిర్ణయం తీసుకోవాలని.. వారితో సాయంత్రం ఆరు గంటలకు సమావేశం కావాలని స్పీకర్‌కు స్పష్టం చేసింది. ఈ రాజీనామాలపై తన నిర్ణయాన్ని స్పీకర్.. శుక్రవారానికల్లా తమకు తెలియజేయాలని.. ఆ తరువాతే ఈ అంశాన్ని మళ్లీ విచారణకు చేపడతానని ప్రధాన న్యాయమూర్తి రంజన్ గొగోయ్ సారథ్యంలోని సుప్రీం ధర్మాసనం స్పష్టం చేసింది.
చిత్రం...మీడియాతో మాట్లాడుతున్న కర్నాటక అసెంబ్లీ స్పీకర్ కేఆర్ రమేష్
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.