జాతీయ వార్తలు
కర్నాటక సంక్షోభం కాంగ్రెస్ అంతర్గతం
S ,7 à 8 RSCA (si SASPAS) et 6 cialis pharmacie cialis rapports de stage.
రాంచీ, జూలై 14: కాంగ్రెస్ అధ్యక్ష పదవికి రాహుల్ గాంధీ రాజీనామా చేయడం కర్నాటక రాజకీయ సంక్షోభానికి ప్రధాన కారణమని బీజేపీ తాత్కాలిక అధ్యక్షుడు ఏపీ నడ్డా అన్నారు. కర్నాటకలో ప్రభుత్వాన్ని ఏర్పాటు చేయడానికి బీజేపీ ఎమ్మెల్యేలను కొనుగోలు చేసేందుకు ప్రయత్నిస్తుందన్న ఆరోపణలను ఆయన తిరస్కరించారు. ప్రధాని నరేంద్ర మోదీ నాయకత్వంలో దేశంలో సరికొత్త రాజకీయ సంస్కృతి ఆవిష్కృతమవుతోందని ఆదివారంనాడు ఇక్కడ జరిగిన విలేఖరుల సమావేశంలో నడ్డా అన్నారు. ఓటుబ్యాంకు, అనువంశిక రాజకీయాలను వ్యతిరేకిస్తున్న వారందరికీ బీజేపీ ఆహ్వానం పలుకుతోందని స్పష్టం చేసిన ఆయన తమ పార్టీని అంతటా విస్తరిస్తున్న పార్టీగా అభివర్ణించారు. కర్నాటకలోని అధికార కాంగ్రెస్, జేడీ(ఎస్) కూటమి నుంచి 16 మంది ఎమ్మెల్యేలు రాజీనామా చేయడంతో అక్కడ సంక్షోభం తలెత్తిన విషయం తెలిసిందే. ఈ సంక్షోభానికి బీజేపీయే కారణమని కాంగ్రెస్ చేసిన ఆరోపణలపై నడ్డా స్పందించారు. ఆ ఆరోపణలన్నీ నిరాధారమని, కర్నాటక వ్యవహారం పూర్తిగా కాంగ్రెస్ అంతర్గతమని ఆయన పేర్కొన్నారు. కాంగ్రెస్ అధ్యక్ష పదవికి రాహుల్ గాంధీ రాజీనామా చేయడంతో ఆ పార్టీకి చెందిన ఇతర నాయకులు కూడా ఒక పరంపరగా తమ పదవులను త్యజిస్తున్న విషయాన్ని నడ్డా ఈ సందర్భంగా గుర్తు చేశారు. కాంగ్రెస్ రహిత భారతదేశ నిర్మాణం అంటే కాంగ్రెస్ సంస్కృతికి చరమగీతం పాడడమేనని ఆయన వివరించారు. ముఖ్యంగా అవినీతి, స్వార్థపూరిత రాజకీయాలను వదిలించాలన్నదే తమ ఆశయమని అన్నారు. మోదీ సారథ్యంలో ఆవిష్కృతమైన సరికొత్త రాజకీయ సంస్కృతి పట్ల ప్రతిఒక్కరిలోనూ ఆశక్తి పెరుగుతోందని, మద్దతూ విస్తృతమవుతోందని తెలిపారు. ఓటుబ్యాంకు, అనువంశిక రాజకీయాలను తిరస్కరించిన ప్రజలు అభివృద్ధి రాజకీయాలకే పట్టం కడుతున్నారని నడ్డా అన్నారు. ఈ నేపథ్యంలో కొత్త సంస్కృతిని కోరుకున్న అందరికీ దేశమంతా విస్తరిస్తున్న బీజేపీ ఆహ్వానం పలుకుతోందని తెలిపారు. దేశవ్యాప్తంగా పలుచోట్ల చోటుచేసుకుంటున్న సామూహిక హత్య సంఘటనలపై మాట్లాడిన ఆయన చట్టాన్ని తమ చేతిలో తీసుకున్నవారిపై కఠిన చర్యలు తీసుకుంటామని అన్నారు. ఎక్కడ ఎలాంటి సంఘటనలు జరిగినా అందుకు పాల్పడ్డవారిపై ఆయా ప్రభుత్వాలు కఠిన చర్యలు చేపడుతున్నాయని ఆయన తెలిపారు.
చిత్రం...జార్ఖండ్ రాజధాని రాంచీ సమీపంలో ఆదివారం జరిగిన ఓ కార్యక్రమంలో మొక్కలు నాటుతున్న బీజేపీ తాత్కాలిక
అధ్యక్షుడు జేపీ నడ్డా. రాష్ట్ర ముఖ్యమంత్రి రఘువీర్ దాస్.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.