జాతీయ వార్తలు
‘అయోధ్య’పై ఆర్డినెన్స్‌కు యత్నం!
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూలై 14: అయోధ్యలోని బాబ్రీ మసీదు వివాదం పరిష్కారానికి కూల్చివేతకు రెండేళ్ల ముందే కాంగ్రెస్ ప్రోత్సాహంతో అప్పటి ప్రధానమంత్రి చంద్రశేఖర్ నాయకత్వంలోని ప్రభుత్వం ఆర్డినెన్స్ తీసుకురావడానికి ప్రయత్నించిందని మాజీ ప్రధానిపై రాజ్యసభ డిప్యూటీ చైర్మన్ హరివంశ్ రాసిన ఒక పుస్తకంలో పేర్కొన్నారు. ‘చంద్రశేఖర్ సైద్ధాంతిక రాజకీయాలకు ఆఖరి చిహ్నం’ పేరిట రాసిన ఆ పుస్తకంలో 1990లో మాజీ ప్రధాని చంద్రశేఖర్‌తోపాటు పలు రాష్ట్రాల ముఖ్యమంత్రులు శరద్ పవార్, ములాయం సింగ్ యాదవ్, బైరాన్ సింగ్ షెకావత్ సమస్యాత్మక బాబ్రీ మసీదు అంశంపై ఇటు విశ్వహిందూ పరిషత్ (వీహెచ్‌పీ), అటు ముస్లిం నాయకుల మధ్య మధ్యవర్తిత్వం నెరిపారని పేర్కొన్నారు.
జయప్రకాష్ నారాయణ్‌కు అత్యంత సన్నిహితుడైన ప్రముఖ జర్నలిస్ట్ రామ్ బహదూర్ రాయ్ గురించి ప్రస్తావిస్తూ చంద్రశేఖర్ ప్రభుత్వం బాబ్రీ మసీదు-రామ జన్మభూమి వివాదాన్ని పరిష్కరించేందుకు ఆర్డినెన్స్ తీసుకురావడానికి ప్రయత్నించారని పేర్కొన్నారు. ‘అయోధ్య వివాదం పరిష్కారానికి ఆర్డినెన్స్ తీసుకువచ్చేందుకు సన్నద్ధతమవుతున్న సమాచారంతో అప్పటి కాంగ్రెస్ అధ్యక్షుడు రాజీవ్ గాంధీ, అతని కోటరీలోని సలహాదారులు భయపడ్డారు. ఎందుకంటే అంతటి సంక్లిష్ట సమస్య ఆర్డినెన్స్‌తోనే చంద్రశేఖర్‌కు దక్కాలని వారు కోరుకోలేదు’ అని ఆ పుస్తకంలో రాజ్యసభ డిప్యూటీ చైర్మన్ హరివంశ్ పేర్కొన్నారు.
అదేవిధంగా అప్పట్లో వీహెచ్‌పీ, ముస్లింల మధ్య నెలకొన్న తలెత్తే సంఘర్షణలను అణచివేసేందుకు సైతం కేంద్రంలోని చంద్రశేఖర్ ప్రభుత్వం వెనుకాడలేదని ఆయన తన పుస్తకంలో తెలిపారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.