జాతీయ వార్తలు
అవన్నీ నా ఆలోచన లే..
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూలై 14: నరేంద్ర మోదీ ఆధ్వర్యంలోని ఎన్డీయే ప్రభుత్వం ప్రతిష్టాత్మకంగా అమలు చేస్తున్న ప్రధాన పథకాలైన నేషనల్ హైవే డెవలప్‌మెంట్ ప్రాజెక్టు (ఎన్‌హెచ్‌డీపీ), ప్రధానమంత్రి గ్రామ్ సడక్ యోజన (పీఎంజీఎస్‌వై) తన ఆలోచనల నుంచి ఉద్భవించినవేనని, అయితే వాటిని కొంతమంది తమ సొంతం చేసుకున్నారని కేంద్ర మాజీ మంత్రి యశ్వంత్ సిన్హా వ్యాఖ్యానించారు. గత ఏడాది బీజేపీ నుంచి బయటకు వచ్చిన యశ్వంత్ సిన్హా తొలుత దౌత్యవేత్త నుంచి రాజకీయ నాయకుడిగా అవతారమెత్తి మాజీ ప్రధానమంత్రి అటల్ బిహారీ వాజపేయి మంత్రివర్గంలో 1998 నుంచి 2004 వరకు కేంద్ర ఆర్థిక, విదేశీ వ్యవహారాల మంత్రిగా పనిచేశారు. 1990-91 సంవత్సరాల్లో పరిమిత కాలంపాటు ప్రధానిగా పనిచేసిన చంద్రశేఖర్ మంత్రివర్గంలోనూ యశ్వంత్ సిన్హా ఆర్థిక మంత్రిగా వ్యవహరించారు. ‘నేషనల్ హైవే ప్రాజెక్టు పూర్తిగా నా ఆలోచన నుంచి వచ్చినదే. నా విషయానికొస్తే ఎన్‌హెచ్‌డీపీ అన్నది కొత్త ఆలోచనేమీ కాదు. 1970లో జర్మనీలో పోస్టింగ్ వచ్చినప్పటి నుంచి దీనిని ఎప్పటికప్పుడు అభివృద్ధి చేసుకుంటూ వచ్చాను. ఫెడరల్ కంట్రోల్ యాక్సెస్ హైవే సిస్టమ్ (ఆటోబహన్స్) జర్మనీలో ఎంతో పేరుంది’ అని సిన్హా ‘కనికరంలేని’ పేరిట ఇటీవల రాసిన తన స్వీయచరిత్రలో పేర్కొన్నారు. అక్కడి నుంచి తిరిగి భారత్‌కు వచ్చిన తర్వాత జర్మనీలో తాను చూసిన ఫెడరల్ కంట్రోల్ యాక్సెస్ హైవే సిస్టమ్ వంటి విధానాలను ఇక్కడ కూడా అమలు చేయాలని యోచించాను’ అని యశ్వంత్ సిన్హా పేర్కొన్నారు. మన దేశంలో 1998 ఎన్‌హెచ్‌డీపీని ప్రారంభించినా దాని పరిధిని విస్తృతం చేసేందుకు, పునరావాసం, ప్రధాన హైవేల విస్తరణ వంటి మరింత పకడ్బందీగా చేపట్టాలని తాను ఆలోచన చేశానని ఆయన అన్నారు. శ్రీనగర్ నుంచి కన్యాకుమారి వరకు గల ఉత్తర-దక్షిణ కారిడార్, పోర్‌బందర్ నుంచి సిల్‌చార్ వరకు తూర్పు-పశ్చిమ కారిడార్‌లను అనుసంధానించేందుకు ఆలోచన చేసిన విషయాన్ని ఆయన ఈ సందర్భంగా గుర్తు చేశారు. గత ఏడాది బీజేపీని వీడిన యశ్వంత్ సిన్హా ప్రధానమంత్రి గ్రామ్ సడక్ యోజన (పీఎంజీఎస్‌వై) పథకం కూడా తన ఆలోచనలో భాగమేనని స్పష్టం చేశారు. గ్రామీణ ప్రాంతాల్లో రోడ్ల నిర్మాణానికి కొత్త పథకాలను ప్రారంభించడంతోపాటు అందుకు అనుగుణంగా ప్రత్యేక నిధులు మంజూరు చేయడం వంటి అంశాలను అప్పటి ప్రధాని వాజపేయికి సలహా ఇచ్చిన విషయాన్ని ఆయన గుర్తు చేశారు. అటల్ బిహారీ వాజపేయి సడక్ యోజనను కూడా తాను సూచించడంతో అందుకు వాజపేయి తన అలోచనలతో ఏకీభవించినా తన తర్వాత తన పేరిట ఆ పథకం ఉండడాన్ని తిరస్కరించారని ఆయన పేర్కొన్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.