జాతీయ వార్తలు
ప్రఖ్యాత సంగీత దర్శకుడు ఖయ్యాం కన్నుమూత
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, ఆగస్టు 19: కభీ కభీ, ఉమ్రావ్‌జాన్ సహా వందలాది హిందీ చిత్రాల్లో తన అద్భుత స్వర రచనతో అజరామరగీతాలు అందించిన అలనాటి ప్రఖ్యాత సంగీత దర్శకుడు ఖయ్యాం సోమవారం రాత్రి మరణించారు. 92 సంవత్సరాల ఖయ్యాం దీర్ఘకాలంగా ఇక్కడ సుజాయ్ ఆసుపత్రిలో చికిత్స పొందుతున్నారు. 10 రోజుల క్రితం ఆసుపత్రిలో చేరిన ఖయ్యాం గుండెపోటు కారణంగా మరణించినట్లు వైద్యులు తెలిపారు. అనారోగ్యానికి గురికావడంతో ఆయన్ను ఈ ఆసుపత్రిలో చేర్పించామని కుటుంబ సన్నిహితుడు ఒకరు తెలిపారు. రాత్రి 9.30 గంటల ప్రాంతంలో ఆయన తుది శ్వాస విడిచినట్లు ఆసుపత్రి వర్గాలు వెల్లడించాయి. పద్మభూషణ్, సంగీత నాటక అకాడమీ అవార్డుతో పాటు ఎన్నో పురస్కారాలను ఆయన అందుకున్నారు. ఖయ్యాం భౌతికకాయానికి అంతిమ సంస్కారం మంగళవారం జరుగుతుంది. హిందీ చలన చిత్ర రంగంలో తనదైన శైలిలో ఎన్నో అద్భుత గీతాలను అందించిన ఘనత ఖయ్యాంకు దక్కుతుంది. కాలం మారినా మాధుర్యం తగ్గని పాటలతో ఆయన మనకు అందించారు. త్రిశూల్, నూరీ, షోలా ఔర్ షబ్నం, ఫరఖ్ వంటి చిత్రాల్లోని పాటలు ఖయ్యాంకు ఎనలేని ఖ్యాతిని ఆర్జించి పెట్టాయి.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.