జాతీయ వార్తలు
ఎస్పీ కార్యవర్గాల రద్దు
S ,7 à 8 RSCA (si SASPAS) et 6 cialis pharmacie cialis rapports de stage.
లక్నో, ఆగస్టు 23: లోక్‌సభ ఎన్నికల్లో ఘోర పరాజయాన్ని చవి చూసిన నేపథ్యంలో సమాజ్‌వాదీ పార్టీని కింది స్థాయి నుంచి బలోపేతం చేయాలని పార్టీ అధ్యక్షుడు అఖిలేష్ యాదవ్ నిర్ణయించారు. ఇందులో భాగంగానే రాష్ట్ర, జిల్లా కార్యవర్గాలను సమూలంగా ప్రక్షాళన చేయాలని భావించారు. 2022లో పార్టీ అధికారంలోకి రావడమే లక్ష్యంగా పార్టీ రాష్ట్ర, జిల్లా కార్యవర్గాలతో పాటు యువజన విభాగాలను సైతం రద్దు చేశారని పేరు చెప్పడానికి అంగీకరించని ఓ సీనియర్ పార్టీ నాయకుడు స్పష్టం చేశారు. త్వరలోనే ఈమేరకు కొత్త కార్యవర్గాలను అధ్యక్షుడు అఖిలేష్ నియమిస్తారని ఆయన వివరించారు. లోక్‌సభ ఎన్నికల్లో ఘోర పరాజయాన్ని చవిచూసి కేవలం ఐదు స్థానాలను మాత్రమే కైవసం చేసుకోవడంపై అఖిలేష్ తీవ్ర అసంతృప్తితో ఉన్నారు. ఆర్‌ఎల్‌డీతో పొత్తుపెట్టుకొన్న బీఎస్పీ సైతం పది స్థానాలను కైవసం చేసుకోవడం విశేషం. అఖిలేష్ యాదవ్ భార్య డింపుల్ యాదవ్ సిట్టింగ్ పార్లమెంట్ స్థానమైన కనౌజ్‌లో సైతం ఓటమి చెందడాన్ని ఆయన జీర్ణించుకోలేకపోయారు. పార్టీ పరిస్థితి ఎందుకిలా అవుతోందన్న అంశంపై దృష్టిసారించారు. ఈమేరకు గ్రామాల నుంచి పట్టణాల వరకు అన్ని వర్గాలను కలుసుకొని వివరాలు సేకరించారు. అంతర్మథనం అనంతరం పార్టీ కార్యవర్గాలను పూర్తిగా ప్రక్షాళన చేస్తే తప్ప 2022లో యూపీలో పూర్వవైభవం సాధ్యం కాదని నిర్ణయించారు. ఇందులో భాగంగానే పార్టీకి సంబంధించిన అన్ని కార్యవర్గాలను రద్దు చేశారని పార్టీ సీనియర్ నాయకుడు తెలిపారు. ఇదిలా ఉంటే.. 2017లో తన తండ్రి, పార్టీ వ్యవస్థాపక అధ్యక్షుడైన ములాయం సింగ్ యాదవ్ మాటలను లెక్క చేయకుండా కాంగ్రెస్‌తో పొత్తు పెట్టుకొని పరాజయాన్ని చవిచూశారు. ఆమేరకు యూపీ ప్రభుత్వ పగ్గాలు యోగి ఆదిత్యనాథ్ చేతిలోకి వెళ్లిపోయాయి. అలాగే, 2019 లోక్‌సభ ఎన్నికల్లో పొత్తు అంశంలో సైతం తండ్రి మాటను వినకుండా ఏకపక్షంగా బరిలో నిలవడంతో మరోసారి అఖిలేష్ కంగు తినకతప్పలేదు. చావుతప్పి కన్ను లొట్టపోయిన చందంగా కేవలం ఐదు సీట్లతో సరిపెట్టుకోవాల్సి రావడాన్ని అఖిలేష్ జీర్ణించుకోలేక పోయారు. ఇక పార్టీని సమూలంగా పక్షాళన చేస్తే తప్ప పూర్వవైభవం సాధ్యం కాదని గ్రహించారు. ఈమేరకు పార్టీకి సంబంధించిన అన్ని కార్యవర్గాలను అఖిలేష్ రద్దు చేసి సంస్కరణలపై దృష్టిసారించారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.