జాతీయ వార్తలు
వందేమాతరం నిజమైన జాతీయ గీతం
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, ఏప్రిల్ 2: రాజ్యాంగం జాతీయ గీతంగా గుర్తించిన ‘జనగణ మన’కన్నా కూడా ‘వందేమాతరం’ నిజమైన దేశభక్తి గీతమని రాష్ట్రీయ స్వయం సేవక్ సంఘ్ (ఆర్‌ఎస్‌ఎస్) ప్రధాన కార్యదర్శి భయ్యాజీ జోషీ అన్నారు. కొద్ది రోజుల క్రితం ఆర్‌ఎస్‌ఎస్ చీఫ్ మోహన్ భగవత్ ప్రతి ఒక్కరూ ‘్భరత్ మాతాకీ జై’ అనాలంటూ చేసిన వ్యాఖ్యలు వివాదాస్పదమైన విషయం తెలిసిందే. ఇప్పుడు జోషీ జనగణనకన్నా కూడా వందేమాతరమే నిజమైన జాతీయ గీతమని చేసిన వ్యాఖ్యలు ఎలాంటి వివాదాన్ని సృష్టిస్తాయో వేచి చూడాలి. ‘జనగణ మన ఇప్పుడు మన జాతీయ గీతం, దాన్ని గౌరవించాల్సిందే. అది మరే ఇతర సెంటిమెంట్‌నైనా కల్పిస్తుందనడానికి కారణాలేమీ లేవు. అయితే అది రాజ్యాంగం నిర్ణయించిన జాతీయ గీతం. అయితే నిజమైన అర్థాన్ని బట్టి చూసినట్లయితే వందేమాతరమే నిజమైన జాతీయ గీతం’ అని భయ్యాజీ జోషీ శుక్రవారం ఇక్కడ దీనదయాళ్ ఉపాధ్యాయ్ రిసెర్చ్ ఇన్‌స్టిట్యూట్‌లో మాట్లాడుతూ అన్నారు. ‘రాజ్యాంగం కారణంగా సృష్టించబడిన అంశాలను మేము జాతీయమైనవిగా పరిగణిస్తాం. జనగణమన రాసిందెప్పుడు? కొద్దికాలం క్రితమే దాన్ని రాశారు. అయితే జనగణమనలో వ్యక్తం చేసిన భావాలు దేశాన్ని దృష్టిలో పెట్టుకుని వ్యక్తం చేసినవి’ అని అన్నారు. అయితే వందేమాతరంలో వ్యక్తం చేసిన భావాలు, దేశ స్వరూప స్వభావాలను వ్యక్తం చేస్తాయి. ఈ రెండు గీతాల మధ్య ఉన్న తేడా అదే. అయితే ఈ రెండు గీతాలూ గౌరవించదగినవేనని జోషీ అన్నారు. బంకించంద్ర చటోపాధ్యాయ రాసిన వందేమాతర గీతం స్వాతంత్య్ర పోరాటంలో కీలక పాత్ర పోషించిన విషయం తెలిసిందే.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.