జాతీయ వార్తలు
‘పనామా’ నివేదిక అందజేయండి
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, మార్చి 7: దేశవ్యాప్తంగా సంచలనం సృష్టించిన పనామా పేపర్స్ కేసులో కేంద్రానికి సుప్రీం కోర్టు ఆదేశాలు జారీ చేసింది. పనామా పేపర్స్ కేసులో దర్యాప్తునకు నియమించిన మల్టీ ఏజన్సీ గ్రూప్ (ఎంఏజి) ఆరు నివేదికలను సీల్డ్ కవర్లో ఉంచి కోర్టుకు అందజేయాలని జస్టిస్ దీపక్ మిశ్రా నేతృత్వంలోని ధర్మాసనం ఆదేశించింది. ఎంఏజి ఆరు నివేదికలతోపాటు ప్రస్తుతం దర్యాప్తు ఏ దశలో ఉన్నదీ తెలపాలని స్పష్టం చేసింది. ‘ఆరు నివేదికలు సీల్డ్ కవర్లో ఉంచి అందజేయాలని కేంద్ర ప్రభుత్వాన్ని ఆదేశించాం. దీనికి నాలుగు వారాల గడువుఇచ్చాం’ అని ధర్మాసరం పేర్కొంది. బెంచ్‌లో జస్టిస్ ఎఎం ఖాన్వీకర్, జస్టిస్ ఎంఎం శాంతనాగౌడర్ ఉన్నారు. పనామా పేపర్స్ కేసు దర్యాప్తునకు సెంట్రల్ బోర్డ్ ఆఫ్ డైరెక్ట్ టాక్సెస్ (సిబిఐటి), రిజర్వ్ బ్యాంక్ ఆఫ్ ఇండియా, ఎన్‌ఫోర్స్‌మెంట్ డైరెక్టరేట్, ఫైనాన్షియల్ ఇంటిలిజెన్స్ యూనిట్ అధికారులతో ఓ మల్టీ ఏజెన్సీ గ్రూపును కేంద్ర ప్రభుత్వం నియమించింది. ప్రభుత్వం తరపున సొలిసిటర్ జనరల్ రంజిత్ కుమార్ కోర్టుకు హాజరై దర్యాప్తు వివరాలు అందజేశారు. ఎంఏజి నివేదిక కాపీ తమకు అందజేస్తే కేసుపై వాదించడానికి వీలవుతుందని పిటిషన్ అడ్వొకేట్ ఎంఎల్ శర్మ అన్నారు. ప్రభుత్వం నియమించిన ఎంఏజి సరైన పద్ధతిలో దర్యాప్తు జరపలేదని ఆరోపించారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.