జాతీయ వార్తలు
త్వరలో ‘నో ఫ్లయర్స్’ జాబితా
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, మార్చి 28: దురుసుగా, దౌర్జన్యంగా, అనాగరికంగా ప్రవర్తించే విమాన ప్రయాణికుల పేర్లతో ‘‘నో ఫ్లయర్స్’’ జాబితాను రూపొందించాలని కేంద్ర ప్రభుత్వం ఆలోచిస్తోంది. దీంతో పాటు ఇతరత్రా ఇలాంటి వారిపై ఏ రకమైన చర్యలు తీసుకోవాలన్న దానిపై దృష్టి పెట్టింది. ఎయిరిండియా ఉద్యోగిని కొట్టిన శివసేన ఎంపి రవీంద్ర గైక్వాడ్ ఏ విమానంలోనూ ప్రయాణించకుండా విమానయాన సంస్థలు నిర్ణయించిన నేపథ్యంలో ప్రభుత్వం ఈ చర్యలు తలపెట్టింది. అయితే విమాన ప్రయాణానికి సంబంధించి ప్రయాణికుల ప్రవర్తన విషయంలో ఏరకమైన చర్యలు తీసుకోవాలన్న దానిపై తుది నిర్ణయం తీసుకోలేదని సీనియర్ అధికారి ఒకరు తెలిపారు. ముఖ్యంగా నో ఫ్లయర్స్ జాబితాపైనే ప్రత్యేకంగా దృష్టి పెట్టినట్లు పౌర విమానయాన సంస్థకు చెందిన ఈ అధికారి వెల్లడించారు. ఇంతవరకు ఏ నిర్ణయం తీసుకోకపోయినా ఎలాంటి చర్యనైనా తీసుకునే అవకాశం స్పష్టంగా కనిపిస్తుందని వెల్లడించారు. అయితే నోఫ్లయర్స్ జాబితాపై ఇప్పటికిప్పుడు తానెలాంటి వ్యాఖ్య చేయబోనని పౌరవిమానయాన శాఖ కార్యదర్శి ఆర్ ఎన్ చౌబె తెలిపారు. త్వరలోనే ఇందుకు సంబంధించి స్పష్టత తీసుకువస్తామన్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.