జాతీయ వార్తలు
సైన్యంపై విశ్వాసం ఉంచాలి
S ,7 à 8 RSCA (si SASPAS) et 6 cialis pharmacie cialis rapports de stage.
జైపూర్, మే 9: ఉగ్రవాదులపై సర్జికల్ దాడులు జరపడం ద్వారా తమ సామర్థ్యాన్ని చాటిన సాయుధ దళాలపై ఈ దేశ ప్రజలు విశ్వాసం ఉంచాలని కేంద్ర హోం మంత్రి రాజ్‌నాథ్ సింగ్ అన్నారు. ఇటీవల అధీన రేఖ వద్ద ఇద్దరు భారత జవాన్లను దారుణంగా నరికి చంపిన నేపథ్యంలో రాజ్‌నాథ్ మాట్లాడుతూ, ఎట్టి పరిస్థితుల్లోను ఈ దేశ గౌరవప్రతిష్టలకు భంగం రానివ్వమని అన్నారు. ‘సైన్యంపై ఈ దేశ ప్రజలు విశ్వాసం ఉంచాలి. ఉరి ఉగ్రవాద దాడి తర్వాత భారత జవాన్లు పాకిస్తాన్ భూభాగంపై ఉగ్రవాదుకు వ్యతిరేకంగా ఆపరేషన్‌ను విజయవంతంగా అమలు చేయడం ద్వారా అవసరమైతే భారత సైనికులు ఉగ్రవాదులను వారి గడ్డపైనే దెబ్బతీయగలరనే విషయాన్ని చాటి చెప్పారు’ అని రాజ్‌నాథ్ అన్నారు. ఎట్టి పరిస్థితుల్లోను ఈ దేశ గౌరవానికి హాని కలగనివ్వమని ఆయన చెప్పారు. ‘ఉగ్రవాదుల భూభాగంలోకి ప్రవేశించాక వారి స్థావరాలను ధ్వంసం చేశాం. మన జవాన్లను, సైన్యాన్ని చూసి గర్విస్తున్నాం. వారిపట్ల మాకు ఎనలేని విశ్వాసం ఉంది’ మంగళవారం రాజస్థాన్‌లోని పాలి జిల్లాలో మేవార్ రాజు రాణా ప్రతాప్ విగ్రహాన్ని ఆవిష్కరించిన అనంతరం మాట్లాడుతూ రాజ్‌నాథ్ అన్నారు. ప్రధాని నరేంద్ర మోదీ నేతృత్వంలో భారత్ ఒక బలమైన దేశంగా తయారైందన్నారు. మహారాణా ప్రతాప్‌కు చరిత్రలో దక్కాల్సిన స్థానం దక్కలేదని రాజ్‌నాథ్ అంటూ, ఆయన చేసిన సేవలపై తిరిగి పరిశోధనలు జరపాలని చరిత్రకారులను కోరారు. చరిత్రకారులు అక్బర్‌ను గొప్పవాడిగా పొగిడారే తప్ప రాణా ప్రతాప్‌ను పొగడకపోవడం తనకు ఆశ్చర్యం కలిగించిందని అన్నారు. అక్బర్‌ను గొప్పవాడిగా పేర్కొనడంపై తనకెలాంటి అభ్యంతరం లేదని, అయితే దేశ చరిత్రలో రాణా ప్రతాప్ గురించి సరయిన అంచనా వేయాలని చరిత్రకారులను కోరుతున్నానని రాజ్‌నాథ్ అన్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.