జాతీయ వార్తలు
విజయ్ మాల్యా దోషి
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, మే 9: కోర్టు ధిక్కార కేసులో వ్యాపారవేత్త విజయ్ మాల్యాను సుప్రీం కోర్టు మంగళవారం దోషిగా ఖరారు చేసింది. కోర్టు ఆర్డర్‌కు వ్యతిరేకంగా 40మిలియన్ డాలర్లను తన పిల్లల ఖాతాల్లోకి బదిలీ చేసినట్లు బ్యాంకుల కన్సార్టియం దాఖలు చేసిన పిటిషన్‌పై విచారణ జరిపిన అత్యున్నత న్యాయస్థానం ఈ తీర్పును వెలువరించింది. బ్రిటిష్ కంపెనీ డియాగియోనుంచి మాల్యాకు డబ్బు ముట్టిందని కన్సార్టియంకు నేతృత్వం వహిస్తున్న స్టేట్‌బ్యాంక్ ఆఫ్ ఇండియా కోర్టుకు విన్నవించింది. జస్టిస్ ఏకె గోయల్, జస్టిస్ యుయు లలిత్‌లతో కూడిన ధర్మాసనం మాల్యాను రెండు అంశాలలో కోర్టు ధిక్కారం కింద దోషిగా నిర్ణయిస్తున్నట్లు పేర్కొంది. కింగ్‌ఫిషర్ టైకూన్ అయిన మాల్యా 17బ్యాంకుల నుంచి రూ9వేల కోట్ల రూపాయల రుణం తీసుకుని వాటిని చెల్లించకుండా 2016మార్చిలో యునైటెడ్ కింగ్‌డమ్‌కు పారిపోయిన సంగతి తెలిసిందే. ఆయనపై సిబి ఐ కోర్టు మనీలాండరింగ్ అభియోగాలు మోపింది. గత జనవరి 31న మాల్యాపై సిబి ఐ కోర్టు నాన్‌బెయిలబుల్ వారంట్ కూడా జారీ చేసింది. మాల్యాను అప్పగించాల్సిందిగా ఫిబ్రవరి 9న విదేశాంగ మంత్రిత్వ శాఖ యుకెను కోరింది. ఏప్రిల్ 18న స్కాట్‌లాండ్ యార్డ్ పోలీసులు మాల్యాను అరెస్ట్ చేసినప్పటికీ కొద్ది గంటల్లోనే ఆయనకు బెయిల్ లభించింది. మాల్యాను భారత్‌కు అప్పగిస్తే ఆయనకు జైలుశిక్ష, జరిమానా పడే అవకాశాలు ఉన్నాయి.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.