జాతీయ వార్తలు
గెలిస్తే.. నేనే ముఖ్యమంత్రి
S ,7 à 8 RSCA (si SASPAS) et 6 cialis pharmacie cialis rapports de stage.
చెన్నై, మే 10: తమిళనాడు శాసనసభకు ఈ నెల 16వ తేదీన జరిగే ఎన్నికల్లో డిఎంకె విజయం సాధిస్తే ముఖ్యమంత్రిగా బాధ్యతలు చేపట్టి తదుపరి ప్రభుత్వాన్ని ఏర్పాటు చేసేది తానేనని ఆ పార్టీ అధినేత ఎం.కరుణానిధి (93) మంగళవారం వెల్లడించారు. తాను మరణించే వరకు తన కుమారుడు ఎంకె.స్టాలిన్ ముఖ్యమంత్రి పదవికోసం ఎదురు చూడాల్సిందేనని ఆయన స్పష్టం చేశారు. ‘ముఖ్యమంత్రి పీఠాన్ని అధిష్ఠించాలని స్టాలిన్ కూడా కోరుకోవడం లేదు. డిఎంకె అధ్యక్షుడు (కరుణానిధి) ముఖ్యమంత్రి కావాలని ఆయన ఆకాంక్షిస్తున్నాడు. 1957 నుంచి నేను ఏ ఎన్నికల్లోనూ ఓడిపోలేదు. కనుక ప్రస్తుతం జరిగే శాసనసభ ఎన్నికల్లో నేను విజయం సాధిస్తే ముఖ్యమంత్రిగా ఆరోసారి బాధ్యతలు చేపడతా’ అని ఎన్‌డిటీవీతో కరుణానిధి అన్నారు. తమిళనాడు అసెంబ్లీ ఎన్నికల్లో డిఎంకె విజయం సాధిస్తే పార్టీలోని యువతకు మార్గాన్ని సుగమం చేస్తారా? అన్న ప్రశ్నకు కరుణానిధి సమాధానిమిస్తూ, ఈ ఎన్నికల్లో ప్రజలు మళ్లీ తమ పార్టీకి అధికారాన్ని అప్పగిస్తే ప్రభుత్వానికి స్వయంగా తానే సారథ్యం వహిస్తానని చెప్పారు. తాను మరోసారి ముఖ్యమంత్రిగా బాధ్యతలు చేపట్టాలని కోరుకుంటున్న ప్రథముల్లో తన కుమారుడు, డిఎంకె కోశాధికారి స్టాలిన్ కూడా ఒకరని కరుణానిధి తెలిపారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.