జాతీయ వార్తలు
నేటి తరం యువతకు వెంకయ్య దిక్సూచి
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఆగస్టు 18: ఉపరాష్టప్రతి ఎం.వెంకయ్యనాయుడు వ్యక్తిత్వం, రాజకీయ నేపథ్యం, ప్రసంగాలు నేటి తరం యువతకు దిక్సూచి లాంటివని కేంద్రమంత్రులు రాజీవ్ ప్రతాప్ రూడీ, ముక్తార్ అబ్బాస్ నఖ్వీ అభిప్రాయపడ్డారు. వెంకయ్యనాయుడు ప్రసంగాలపై ‘‘అలుపెరగని గళం....విరామమెరుగని ప్రయాణం’’ పేరుతో వెలువడిన పుస్తకాల సంకలనంపై శుక్రవారం నాడు ఢిల్లీలోని కాన్‌స్టిట్యూషనల్ క్లబ్‌లో చర్చా కార్యక్రమం జరిగింది. ఈ కార్యక్రమానికి కేంద్రమంత్రులు రాజీవ్ ప్రతాప్ రూడీ, ముక్తార్ అబ్బాస్ నఖ్వీ, విశాఖపట్నం ఎంపీ కంభంపాటి హరిబాబు, పుస్తక సహ రచయితలు పాల్కొన్నారు. ఈ సందర్భంగా రాజీవ్ ప్రతాఫ్ రూడీ, ముక్తార్ అబ్బాస్ నఖ్వీ మాట్లాడుతూ వెంకయ్యనాయుడు ప్రతి అంశంపై స్పష్టత, అవగహన, సాధికారతతో పాటు అనర్గళంగా సమయస్ఫూర్తితో మాట్లాడే నైపుణ్యం కలిగిన వారని కొనియాడారు. వెంకయ్య పార్టీ నాయకుడిగా, కేంద్రమంత్రిగా సహచరులపై ఎటువంటి భారం పడకుండా చూసేవారని వెల్లడించారు.
మాజీ ప్రధాని ఇందిరాగాంధీ విధించిన ఎమర్జెన్సీని వ్యతిరేకించి క్రియాశీల రాజకీయాల్లోకి వచ్చిన వెంకయ్య ఉపరాష్టప్రతి అయ్యేంత వరకు ఆయన చేసిన ప్రయాణం దేశ చరిత్రకు సాక్షిగా నిలిచిపోతుందని పేర్కొన్నారు. వెంకయ్యనాయుడు బిజెపి అధ్యక్షుడిగా ఉన్న సమయంలో పార్టీకి అత్యంత తక్కువ ఆదరణ కలిగిన జమ్మూ కాశ్మీర్‌లోనూ ఆయన స్వయంగా పాల్గొని కార్యకర్తల్ని ఉత్తేజపరిచేవారని చెప్పారు. విద్యార్థి దశలో, బిజెపి కార్యకర్తగా పార్టీలో వివిధ పదవుల్లో ఉన్నప్పుడు, ప్రభుత్వంలో వివిధ మంత్రిత్వ శాఖల్లో పనిచేసినప్పుడు వెంకయ్య చేసిన ప్రసంగాల సంకలనం ద్వారా ప్రజలకు చేరువ చేశారని వెల్లడించారు.
చిత్రం..శుక్రవారం ఢిల్లీలో ఉప రాష్టప్రతి వెంకయ్యనాయుడుపై రచించిన పుస్తకాన్ని విడుదల చేస్తున్న విడుదల చేస్తున్న కేంద్రమంత్రులు ముక్తార్ అబ్బాస్ నఖ్వీ, రాజీవ్ ప్రతాప్ రూడీ, విశాఖ ఎంపి కంభంపాటి హరిబాబు
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.