జాతీయ వార్తలు
తరలివచ్చిన అభిమానం!
S ,7 à 8 RSCA (si SASPAS) et 6 cialis pharmacie cialis rapports de stage.
చెన్నై, డిసెంబర్ 5: తమిళనాడు మాజీ ముఖ్యమంత్రి జయలలిత ప్రథమ వర్థంతి సందర్భంగా ఇక్కడి మెరీనా బీచ్‌లో ఆమె సమాధి వద్దకు మంగళవారం ఉదయం అన్నాడిఎంకె పార్టీ నేతలు, కార్యకర్తలు, అభిమానులు, ప్రజలు భారీ సంఖ్యలో చేరుకుని నివాళులర్పించారు. ముఖ్యమంత్రి కె.పళనిస్వామి, ఉప ముఖ్యమంత్రి ఓ.పన్నీర్ సెల్వమ్ పార్టీ కార్యకర్తలతో వౌన ప్రదర్శనగా ‘అమ్మ’ సమాధి వద్దకు చేరుకున్నారు. వీరంతా నలుపు రంగు చొక్కాలను ధరించారు. అన్నాడిఎంకె బహిష్కృత నేత టిటివి దినకరన్ కూడా తన మద్దతుదారులతో ర్యాలీ నిర్వహించి జయ సమాధి వద్దకు చేరుకున్నారు. తమిళనాడు ప్రజల కోసం పలు సంక్షేమ పథకాలను ప్రారంభించి ‘విప్లవ నాయకి’గా, ‘అమ్మ’గా ఆ రాష్ట్ర ప్రజల మనసులలో చెరగని ముద్ర వేసిన జయలలిత అనారోగ్యంతో బాధపడుతూ గత ఏడాది డిసెంబర్ 5న తుది శ్వాస విడిచిన సంగతి తెలిసిందే. అప్పటి నుంచి మెరీనా బీచ్‌లో జయ సమాధి వద్దకు నిత్యం ఎంతోమంది వస్తూ ‘అమ్మ’ పథకాలను, ఆమెతో తమ జ్ఞాపకాలను గుర్తు చేసుకుంటున్నారు.
జయలలిత మరణించి అప్పుడే ఏడాది గడచిపోయిందంటూ ఆమె ప్రథమ వర్ధంతి సందర్భంగా అన్నాడిఎంకె నేతలు, కార్యకర్తలు తీవ్ర భావోద్వేగాలకు లోనయ్యారు. జయకు నివాళులర్పించిన తర్వాత అక్కడే ఉన్న మాజీ ముఖ్యమంత్రి ఎంజి రామచంద్రన్ విగ్రహం వద్ద కూడా ముఖ్యమంత్రి పళనిస్వామి, ఉప ముఖ్యమంత్రి పన్నీర్ సెల్వమ్ నివాళులర్పించారు. ‘అమ్మ’ ఆకాంక్షలను నెరవేర్చేందుకు అంకిత భావంతో కృషి చేస్తామని పళని, పన్నీర్, మంత్రులు ప్రతిజ్ఞ చేశారు. ప్రతిజ్ఞ సందర్భంగా ముఖ్యమంత్రి పళని స్వామి జయలలితను ఉద్దేశించి ‘అన్నాడిఎంకె శాశ్వత ప్రధాన కార్యదర్శి’ అని పేర్కొనడం గమనార్హం. భవిష్యత్‌లో కూడా తమ పార్టీని పరిరక్షించుకుంటూ ‘అమ్మ’ ఆశయాలను నెరవేరుస్తామని అన్నాడిఎంకె కార్యకర్తలు నినాదాలు చేశారు. అనంతరం జయ సమాధి వద్ద రెండు నిమిషాల సేపు వౌనం పాటించారు. తొలి వర్థంతి కావడంతో జయ సమాధిని సందర్శించేందుకు మెరీనా తీరానికి జనం భారీ సంఖ్యలో చేరుకున్నారు.
చిత్రాలు..జయలలిత స్మారకం వద్ద నివాళులర్పిస్తున్న తమిళనాడు ముఖ్యమంత్రి కె.పళనిస్వామి, ఉప ముఖ్యమంత్రి ఓ.పన్నీర్ సెల్వమ్ తదితరులు
*తమిళనాడు మాజీ ముఖ్యమంత్రి జయలలిత ప్రథమ వర్థంతి సందర్భంగా
మెరీనా బీచ్‌లోని ఆమె స్మారకం వద్దకు ర్యాలీగా తరలివస్తున్న అభిమానులు
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.