జాతీయ వార్తలు
పెరియార్ విగ్రహం ధ్వసం కేసు సీఆర్‌పీఎఫ్ కానిస్టేబుల్ అరెస్టు
S ,7 à 8 RSCA (si SASPAS) et 6 cialis pharmacie cialis rapports de stage.
చెన్నై/న్యూఢిల్లీ, మార్చి 21: తమిళనాడులోని పుదకొట్టాయ్ జిల్లాలో ద్రవిడ ఉద్యమ నేత పెరియార్ రామసామి విగ్రహాన్ని ధ్వంసం చేసిన సీఆర్‌పీఎఫ్ కానిస్టేబుల్‌ను బుధవారం పోలీసులు అరెస్టు చేశారు. ఎస్ సెంథిల్‌కుమార్ (35) అనే సీఆర్‌పీఎఫ్ హెడ్ కానిస్టేబుల్‌ను విధుర్తి గ్రామంలోని అతడి ఇంట్లో పోలీసులు అదుపులోకి తీసుకున్నారు. తప్పతాగిన మైకంలో సంఘ సంస్కర్త పెరియార్ విగ్రహాన్ని ధ్వంసం చేసినట్టు సీసీటీవీ కెమెరాల్లో రికార్డయింది. ఫుటేజ్‌ను పరిశీలించిన తరవాత హెడ్‌కానిస్టేబుల్ సెంథిల్ కుమార్‌ను అరెస్టు చేసినట్టు పుదుకొట్టాయ్ పోలీసులు తెలిపారు. ఇలా ఉండగా సెంథిల్ నెల రోజులు సెలవుపెట్టి స్వగ్రామం వెళ్లాడని ఢిల్లీలోని సీఆర్‌పీఎఫ్ వర్గాలు చెప్పాయి. పెరియార్ విగ్రహం ధ్వంసం ఘటన వెలుగుచూడడంతో అతడిని విధుల నుంచి సస్పెండ్ చేసినట్టు వారు పేర్కొన్నారు. పెరియర్ విగ్రహం ధ్వంసం అంశం తమిళనాడు అసెంబ్లీని కుదిపేసింది. ముఖ్యమంత్రి పళనిస్వామి దీనిపై ఓ ప్రకటన చేస్తూ చత్తీస్‌గఢ్‌లో ఉద్యోగం చేస్తున్న సెంథిల్‌కుమార్ మానసిక స్థితి సరిగ్గాలేనందున హైదరాబాద్‌లోని ఓ ఆసుపత్రిలో చికిత్స తీసుకున్నాడని చెప్పారు. ఇటీవల సొంతూరు వచ్చాడన్నారు. అయితే తమ ఇంటి సమీపంలోనే పెరియార్ విగ్రహం ఏర్పాటు చేయవద్దని 2013లోనే అతడు అభ్యంతరం తెలిపాడని సీఎం స్పష్టం చేశారు. హెడ్‌కానిస్టేబుల్‌ను పోలీసులు విచారించగా రామసామి విగ్రహాన్ని తానే ధ్వంసం చేసినట్టు అంగీకరించాడని పళని వెల్లడించారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.