జాతీయ వార్తలు
రాష్ట్ర ఎన్నికలపై నేడు ఈసీ నిర్ణయం?
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ: తెలంగాణ శాసనసభ రద్దయిన నేపథ్యంలో శుక్రవారం జరుగుతున్న కేంద్ర ఎన్నికల సంఘం సమావేశానికి ప్రాధాన్యత సంతరించుకుంది. కేంద్ర ఎన్నికల సంఘం ప్రధానాధికారి రావత్ అధ్యక్షతన జరుగుతున్న సమావేశంలో తెలంగాణ శాసనసభ ఎన్నికల గురించి కూడా చర్చించనున్నట్లు తెలిసింది. తెలంగాణ అసెంబ్లీ రద్దుకు సంబంధించిన అధికారిక సమాచారం గురువారం రాత్రి కేంద్ర ఎన్నికల సంఘానికి చేరుతుందని భావిస్తున్నారు. ఈ అధికార సమాచారాన్ని శాసన సభ కార్యదర్శి గురువారం రాత్రికి కేంద్ర ఎన్నికల సంఘానికి అందజేస్తారని చెబుతున్నారు. రాష్ట్ర శాసనసభ కార్యదర్శి పంపించిన సమాచారం ఆధారంగా తెలంగాణ శాసనసభ ఎన్నికల వ్యవహారంపై ఎన్నికల సంఘం దృష్టి కేంద్రీకరించనున్నారు. కేంద్ర ఎన్నికల సంఘం ఇప్పటికే మధ్యప్రదేశ్, రాజస్థాన్, చత్తీస్‌గఢ్, మిజోరం శాసనసభ ఎన్నికల ప్రక్రియను కొనసాగిస్తోంది. తెలంగాణ శాసనసభ ఎన్నికలను ఈ నాలుగు రాష్ట్రాల ఎన్నికలతో జతచేసేందుకు వీలున్నదా లేదా అనేది కూడా ఈ సమావేశంలో పరిశీలిస్తారని చెబుతున్నారు.
తెలంగాణలో ప్రస్తుతం కొనసాగుతున్న ఓటర్ల జాబితా రివిజన్ ఎంతవరకు వచ్చింది? ఈ ప్రక్రియ ఎప్పటిలోగా పూర్తి కావచ్చుననేది కూడా పరిశీలిస్తారని అంటున్నారు. మధ్యప్రదేశ్ తదితర నాలుగు రాష్ట్రాల ఎన్నికలతో తెలంగాణ అసెంబ్లీకి నిర్వహించాల్సివస్తే ఏ తేదీల్లో నిర్వహించవచ్చనేది కూడా పరిశీలించనున్నారు.
తెలంగాణ శాసనసభ రద్దు వ్యవహారం అధికారికంగా తమ ముందుకు వచ్చిన తరువాత ఎన్నికల సంఘం సమావేశమై ఏం చేయాలనేది నిర్ణయిస్తుందని ఎన్నికల సంఘం అధికారులు అంటున్నారు. మధ్యప్రదేశ్, రాజస్థాన్, చత్తీస్‌గఢ్, మిజోరం శాసనసభ ఎన్నికలతోపాటు తెలంగాణ ఎన్నికలు జరుపుతామా లేదా అనేది ఇప్పుడే చెప్పలేమని వారు స్పష్టం చేశారు. పలు అంశాలను లోతుగా పరిశీలించిన తరువాతనే ఒక నిర్ణయానికి రాగలుగుతాం.. తొందరపడి ఒక అభిప్రాయాన్ని వ్యక్తం చేయటం ఎంతమాత్రం సాధ్యం కాదని చెబుతున్నారు. కేంద్ర ఎన్నికల సంఘం ప్రధానాధికారి, ఇతర కమిషనర్లతో తాను స్వయంగా ఫోన్లో మాట్లాడిన తరువాతనే శాసనసభను రద్దు చేయాలనే నిర్ణయం తీసుకున్నాను.. శాసనసభ ఎన్నికలు మిగతా నాలుగు రాష్ట్రాలతోపాటు జరిగిపోతాయి.. అక్టోబర్‌లో ఎన్నికల నోటిఫికేషన్ వస్తుంది.. నవంబర్‌లో ఎన్నికలు జరిగి డిసెంబర్‌లో ఫలితాలు వచ్చే అవకాశం ఉన్నదంటూ ముఖ్యమంత్రి చంద్రశేఖరరావు హైదరాబాదులో చేసిన ప్రకటనపై స్పందించేందుకు ఎన్నికల అధికారులు నిరాకరించారు. శాసనసభ రద్దుకు సంబంధించిన తీర్మానం తమకు చేరగానే ఏం చేయాలనేదానిపై దృష్టి పెడతామని వారు స్పష్టం చేశారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.