జాతీయ వార్తలు
గోవాలో బలపరీక్ష పెట్టండి
S ,7 à 8 RSCA (si SASPAS) et 6 cialis pharmacie cialis rapports de stage.
పనాజీ/న్యూఢిల్లీ, సెప్టెంబర్ 18: బీజేపీ సారథ్యంలోని గోవా ప్రభుత్వం అసెంబ్లీలో బలపరీక్షను ఎదుర్కోవాలని కాంగ్రెస్ పార్టీ డిమాండ్ చేసింది. ముఖ్యమంత్రి పారికర్ అస్వస్తత కారణంగా రాష్ట్రంలో పాలనాపరమైన సంక్షోభం ఏర్పడిన నేపథ్యంలో ప్రత్యామ్నాయ ప్రభుత్వాన్ని ఏర్పాటు చేయడానికి ఇప్పటికే ముందుకొచ్చిన ప్రతిపక్ష కాంగ్రెస్ పార్టీ నేతలు మంగళవారం గవర్నర్ మృదుల సిన్హాను కలుసుకుని తమ వాదన వినిపించారు. ప్రభుత్వ బలపరీక్షకు వీలుగా అసెంబ్లీ ప్రత్యేక సమావేశాన్ని ఏర్పాటు చేయాలని డిమాండ్ చేశారు. మూడు నాలుగు రోజుల్లో ఈ అంశాన్ని పరిశీలిస్తానని గవర్నర్ తమకు హామీ ఇచ్చారని కాంగ్రెస్ నాయకుడు చంద్రకాంత్ కవ్లేకర్ మీడియాకు తెలిపారు. 40మంది సభ్యులు కలిగిన గోవా అసెంబ్లీలో పారికర్ ప్రభుత్వానికి మెజార్టీ లేదని..కొత్త ప్రభుత్వాన్ని ఏర్పాటు చేయడానికి అవసరమైన మెజార్టీ తమకు ఉందని గవర్నర్‌కు నివేదించామని ఆయన చెప్పారు. ఎట్టి పరిస్థితుల్లోనూ అసెంబ్లీని రద్దు చేయడానికి వీల్లేదని తాము గవర్నర్‌కు స్పష్టం చేశామన్నారు. ‘ప్రభుత్వం తన మెజార్టీని నిరూపించుకోలేక పోతే అందుకు మేము సిద్ధంగా ఉన్నాం. అందుకోసం అసెంబ్లీని ప్రత్యేకంగా సమావేశ పరిచి బలపరీక్ష నిర్వహించాలి’ అని కాంగ్రెస్ నేత ఉద్ఘాటించారు. గోవా ఫార్వార్డ్ పార్టీ. మహారాష్టవ్రాది గోమంతక్ పార్టీ,ఎన్‌సిపి, పలువురు ఇండిపెండెంట్‌ల మద్దతుతో రాష్ట్రంలో బీజీపీ అధికారంలో ఉ న్న విషయం తెలిసిందే. కాగా, గోవాలో ఎలాగైనా అధికారంలోకి రావాలన్న కాంగ్రెస్‌లో కనిపిస్తోందని, అందుకు ఆ పార్టీ నేతలు ప్రభుత్వ ఏర్పాటుకు సంసిద్ధత వ్యక్తం చేయడమే నిదర్శనమని రక్షణ మంత్రి నిర్మలా సీతారామన్ ఢిల్లీలో వ్యాఖ్యానించిన విషయం తెలిసిందే.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.