జాతీయ వార్తలు
రిలయన్స్‌కు ఉప్పందించింది మోదీనే
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఆగస్టు 23: ప్రధాని నరేంద్రమోదీ ప్రమాణ స్వీకారం సందర్భంగా రహస్యాలను పరిరక్షిస్తామని ఇచ్చిన వాగ్దానాన్ని ఉల్లంఘించారని కాంగ్రెస్ పార్టీ తీవ్రంగా ధ్వజమెత్తింది. రాఫెల్ ఫైటర్ జెట్స్ కొనుగోళ్లకు సంబంధించి 36 ఫ్లైట్లను కొనుగోలు చేస్తున్నట్లు రిలయన్స్ డిఫెన్స్‌కు సమాచారం అందించారని కాంగ్రెస్ పార్టీ సీనియర్ నేత ఆనంద శర్మ ఆరోపించారు. ఈ ఆరోపణలపై ప్రధాని మోదీ బదులివ్వాలని ఆయన కోరారు. ఈ ఆరోపణలపై మంత్రులు బదులిచ్చే బాధ్యతలను అప్పగించరాదన్నారు. ప్రధాని మోదీ ఈ విషయంలో రహస్యాలను పరిరక్షిస్తానని చేసిన ప్రమాణానికి తూట్లు పొడిచారన్నారు. హిందూస్తాన్ ఏరోనాటిక్స్ లిమిటెడ్‌ను ఒప్పందంలో భాగస్వామిని చేయమని రిలయన్స్‌కు సమాచారం అందించారని ఆయన అన్నారు. దాసల్ట్ సంస్థతో వెళ్లి మాట్లాడుకుని ఒప్పందాన్ని ఖరారు చేసుకోవాలని మోదీనే రిలయన్స్ సంస్థకు సూచించారన్నారు. ఆదివారం ఇక్కడ ఆయన విలేఖర్లతో మాట్లాడుతూ ఫ్రాన్స్ మాజీ అధ్యక్షుడు హేలాండ్ బహిరంగంగా ప్రధాని మోదీ తప్పిదాన్ని వెల్లడిస్తే ఇంకా ఈ విషయమై దాగుడుమూతలు ఎందుకని ఆయన నిలదీశారు. మన రక్షణ శాఖ మంత్రి, ఆర్థిక శాఖ మంత్రి చెప్పే అంశాల్లో నిజాలు లేవన్నారు. ఈ విషయమై ప్రధానమంత్రి మాట్లాడాలని ఆయన కోరారు. రిలయన్స్ సంస్థ ఈ అభియోగాలను తిరస్కరించిందని చెప్పగా, ముందు ప్రధాని ఈ విషయమై స్పష్టత ఇవ్వాలన్నారు. భారత్ ప్రతిష్టను మంటగలిపే విధంగా ప్రధాని మోదీ వ్యవహారశైలి ఉందన్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.