జాతీయ వార్తలు
బీజేపీదే విజయం
S ,7 à 8 RSCA (si SASPAS) et 6 cialis pharmacie cialis rapports de stage.
దతియా (మధ్యప్రదేశ్), డిసెంబర్ 8: మధ్యప్రదేశ్ అసెంబ్లీకి జరిగిన ఎన్నికల్లో బీజేపీ స్పష్టమయిన మెజారిటీని సాధించి, వరుసగా నాలుగోసారి ప్రభుత్వాన్ని ఏర్పాటు చేస్తుందని ఆ పార్టీ నేత, రాష్ట్ర ముఖ్యమంత్రి శివరాజ్ సింగ్ చౌహాన్ ధీమా వ్యక్తం చేశారు. రాష్ట్రంలో జరిగిన ఎన్నికల్లో కాంగ్రెస్, బీజేపీల మధ్య పోటీ నువ్వా, నేనా అన్నట్టు ఉందని ఎగ్జిట్ పోల్ సర్వేలు వెల్లడించిన నేపథ్యంలో శివరాజ్ సింగ్ చేసిన వ్యాఖ్యలు ప్రాధాన్యం సంతరించుకున్నాయి. చౌహా న్ శనివారం ఇక్కడి ప్రఖ్యాతి గాంచిన శ్రీ పీతాంబర పీఠ్ ఆలయాన్ని సందర్శించారు. అనంతరం ఆయన విలేఖరులతో మాట్లాడుతూ ‘నేనే అతి పెద్ద ఎన్నికల సర్వేయర్‌ను. ఎందుకంటే నేను రోజంతా ప్రజలలో ఉంటూ వారి ఆలోచనా విధానాన్ని గమనిస్తూ ఉన్నాను. బీజేపీ ఈ ఎన్నికల్లో సులభంగా గెలుస్తుంది’ అని అన్నారు. బీజేపీ, కాంగ్రెస్ మధ్య గట్టి పోటీ ఉన్నట్టు వెలువడిన ఎగ్జిట్ పోల్ సర్వేల గురించి ప్రస్తావించినప్పుడు ఆయన పైవిధంగా స్పందించారు. ‘మాకు ఈ ఎన్నికల్లో సమాజంలోని ప్రతి ఒక్క వర్గం నుంచి ఆశీర్వాదాలు అందాయి. మేము గెలుపు బాటలో ఉన్నాం’ అని ఆయన అన్నారు. 230 స్థానాలు గల మధ్యప్రదేశ్ అసెంబ్లీకి నవంబర్ 28వ తేదీన ఎన్నికలు జరిగాయి. డిసెంబర్ 11వ తేదీన ఎన్నికల ఫలితాలు వెలువడనున్నాయి. ‘అబ్‌కీ బార్, 200 పార్’ (ఈసారి, 200కు పైగా సీట్లు) అని మధ్యప్రదేశ్ అసెంబ్లీ ఎన్నికల్లో బీజేపీ ఇచ్చిన నినాదాన్ని చౌహాన్ పునరుద్ఘాటించారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.