జాతీయ వార్తలు
మందిరంపై జాప్యం వద్దు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, డిసెంబర్ 9: అయోధ్యలో రామాలయం నిర్మాణానికి కేంద్రం వెంటనే చర్యలు తీసుకోవాలని, అవసరమైతే పార్లమెంటులో శాసనం తేవాలని సీనియర్ ఆరెస్సెస్ నేత సురేష్ భయ్యాజీ జోషి అన్నారు. అధికారంలో ఉన్న బీజేపీ ప్రభుత్వం తాము చెప్పిన మాట శ్రద్ధగా ఆలకించాలని ఆయన అన్నారు. ఈ విషయంలో ఇక ఏమాత్రం జాప్యం తగదన్నారు. ఆదివారం ఇక్కడ ఆయన వీహెచ్‌పీ సంస్థ రామ్‌లీలా మైదానంలో నిర్వహించిన ర్యాలీలో ప్రసంగించారు. ఈ సందర్భంగా ఆయన మాట్లాడుతూ, అధికారంలో ఉన్న బీజేపీ రామాలయం నిర్మిస్తామని హామీ ఇచ్చిందన్నారు. ఈ హామీని నిలబెట్టుకోవాలన్నారు. మేమేమీ రామాలయం నిర్మించాలని అడుక్కోవడం లేదు.. భావోద్వేగాలతో చెబుతున్నాం.. దేశంలో
రామరాజ్యం కావాలి.. న్యాయ వ్యవస్థ పట్ల విశ్వాసం పెంపొందించాలి.. అప్పుడే అభివృద్ధి సాధ్యమవుతుంది అని ఆయన అన్నారు. ప్రజల విశ్వాసాన్ని, సెంటిమెంట్‌ను సుప్రీంకోర్టు పరిగణనలోకి తీసుకోవాలి. ఏ మతంతో కూడా సంఘర్షణ ధోరణిలో తాము లేము. రామాలయం నిర్మాణం కోసం కేంద్రం శాసనం తేవాలి. మా లక్ష్యం నెరవేర్చేవరకు ఉద్యమిస్తాం అని ఆయన అన్నారు. స్వామి హన్సదేవాచార్య మాట్లాడుతూ రామాలయం నిర్మాణానికి ప్రధాని నరేంద్ర మోదీ చర్యలు తీసుకోవాల్సిందేనని అన్నారు. ఈ విషయంలో నిర్లిప్తత ధోరణి పనికిరాదని అన్నారు. ఈ ర్యాలీకి వచ్చిన వేలాది మందిని ఉద్దేశించి ఆయన మాట్లాడుతూ రామాలయం నిర్మాణం కోసం కోట్లాది మంది హిందువులు ఎదురుచూస్తున్నారన్నారు. పార్లమెంటు శీతాకాల సమావేశాలు ప్రారంభమవుతున్నాయ.. ఈ సమావేశాల్లోనే ఓ నిర్ణయం తీసుకోవాలని అన్నారు. వీహెచ్‌పీ అధ్యక్షుడు విష్ణు సదాశివ్ కోక్జీ మాట్లాడుతూ, ప్రజాస్వామ్యంలో ప్రజలే సర్వోన్నతులని.. మసీదు స్థలంలో రామాలయం నిర్మించాలని కోరడం లేదని.. రామాలయాన్ని కూలదోసి మసీదును ఇక్కడ నిర్మించారని.. ఆ స్థలంలో నిర్మించాలని కోరుతున్నామని అన్నారు. ఇదేమీ ఎన్నికల నినాదం, రాజకీయం కాదని ఆయన అన్నారు.
చిత్రం..ఢిల్లీలో ఆదివారం వీహెచ్‌పీ నిర్వహించిన ర్యాలీకి భారీగా తరలివచ్చిన హిందువులు
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.