జాతీయ వార్తలు
సీబీఐ ముగ్గురు సీనియర్ ఐపీఎస్‌లపై వేటు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ: సీబీఐలో సీనియర్ అధికారులను బదిలీ చేస్తూ కేంద్రం ఆదేశాలు జారీ చేసింది. వివాదాస్పద అధికారిగా పేరుతెచ్చుకున్న స్పెషల్ డైరెక్టర్ రాకేష్ ఆస్థానా, జాయింట్ డైరెక్టర్ అరుణ్ కుమార్ శర్మ, డిప్యూటీ ఇన్‌స్పెక్టర్ జనరల్ మనీషా కుమార్ సిన్హాలను సీబీఐ నుంచి బదిలీ చేశారు. సీబీఐలో వీరి నిర్ణీత పదవీ కాలం పూర్తి కాకుండానే బదిలీ వేటు వేశారు. స్పెషల్ డైరెక్టర్ రాకేష్ ఆస్థానాను సివిల్ ఏవియేషన్ సెక్యూరిటీ విభాగానికి బదిలీ చేశారు. పదవి నుంచి తొలగించిన మాజీ డైరెక్టర్ అలోక్‌వర్మ, రాకేష్ ఆస్థానా మధ్య తలెత్తిన విభేదాలు తారాస్థాయికి చేరుకోవడంతో, గత ఏడాది అక్టోబర్ 23వ తేదీన ఈ ఇద్దరు ఉన్నతాధికారులను బలవంతంగా సెలవుపై వెళ్లాలని కేంద్రం ఆదేశించిన విషయం విదితమే. బదిలీ వేటుపడిన మరో అధికారి సిన్హా కూడా వివాదాస్పద అధికారిగా ముద్ర ఉంది. ఆస్థానాపై చేపట్టిన దర్యాప్తులో జాతీయ భద్రతా సలహాదారు అజిత్ డోవల్, కేంద్ర మంత్రి హరీభాయ్ పత్రీభాయ్ చౌదరి, కేంద్ర విజిలెన్స్ కమిషనర్ కేవీచౌదరి జోక్యం చేసుకుంటున్నారంటూ సుప్రీంకోర్టులో సిన్హా పిటిషన్ దాఖలుచేసిన విషయం విదితమే. బదిలీ అయిన మరో జేడీ ఏకే శర్మ సీబీఐ మాజీ డైరెక్టర్ అలోక్‌వర్మ సన్నిహితుడనే ప్రచారం ఉంది. ఆస్థానా, శర్మ ఇద్దరూ కూడా గుజరాత్ కేడర్ ఐపీఎస్ అధికారులు కావడం గమనార్హం. సిన్హా 2000 సంవత్సరం ఏపీ కేడర్‌కు చెందిన ఐపీఎస్ అదికారి.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.