జాతీయ వార్తలు
అది కాంగ్రెస్ కుట్రే
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జనవరి 22: గత లోక్‌సభ ఎన్నికల్లో భారీగా రిగ్గింగ్ జరిగిందంటూ వచ్చిన ఆరోపణలను కేంద్రంలోని అధికార బీజేపీ మంగళవారం తీవ్ర స్వరంతో ఖండించింది. ఇదంతా భారత ప్రజాస్వామ్యాన్ని, ఎన్నికల కమిషన్‌ను భ్రష్టు పట్టించేందుకు కాంగ్రెస్ నేతృత్వంలో సాగిన కుట్రగా అభివర్ణించింది. లండన్‌లో జరిగిన మీడియా సమావేశంలో సయ్యద్ షుజా అనే ఓ సైబర్ నిపుణుడు భారత ఈవీఎంలను ట్యాంపర్ చేయవచ్చునని, 2014లో లోక్‌సభ ఎన్నికల్లో రిగ్గింగ్ జరిగిందంటూ ఆరోపించిన విషయం తెలిసిందే. ఈ నేపథ్యంలో బీజేపీ నాయకత్వం మంగళవారం కాంగ్రెస్‌పై విరుచుకుపడింది. వచ్చే లోక్‌సభ ఎన్నికల్లో కూడా పరాజయం తప్పదన్న భయంతోనే కాంగ్రెస్ పార్టీ నేతలు ఇప్పటినుంచే కుంటిసాకులు వెతుక్కుంటున్నారని కేంద్ర మంత్రి రవిశంకర్ ప్రసాద్ అన్నారు. లండన్ మీడియా సమావేశానికి కాంగ్రెస్ నాయకుడు కపిల్ సిబల్ హాజరుకావడాన్ని రవిశంకర్ ప్రసాద్ ప్రశ్నించారు. అసలు ఆయనకు అక్కడకు వెళ్లాల్సిన అవసరం ఏమిటని ఏ హోదాలో ఆ మీడియా సమావేశంలో పాల్గొన్నారని ప్రశ్నించారు. కాంగ్రెస్‌కు అనుకూలంగా ఈ మీడియా భేటీని మలచే ఉద్దేశంతో సిబల్ అక్కడకు వెళ్లినట్లు స్పష్టమవుతోందని అన్నారు. కచ్చితంగా ఈవీఎంలపై వచ్చిన ఆరోపణలు కాంగ్రెస్ కుట్రేనని, ఇదంతా కాంగ్రెస్ స్క్రిప్టు ప్రకారం సాగిన వ్యవహారమేనన్నారు.
అయితే వ్యక్తిగత హోదాలోనే తాను లండన్ వెళ్లినట్లుగా సిబల్ చేసిన ఆరోపణలను కొట్టివేసిన కేంద్ర మంత్రి ‘తాను ఆ మీడియా భేటీకి హాజరైతే ఎలాంటి పరిణామాలు తలెత్తుతాయో ముందే తెలిసి సిబల్ ఇలా వ్యవహరించారు’ అని రవిశంకర్ ప్రసాద్ వ్యాఖ్యానించారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.