జాతీయ వార్తలు
భయపెడుతున్న ఢిల్లీ!
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఫిబ్రవరి 7: ఒకవైపు అంతులేని కాలుష్యం... మరోవైపు ఒక్కసారిగా మారిపోయే వాతావరణం... ఇలా ఎన్నో రకాల సమస్యలతో అల్లాడుతున్న దేశ రాజధాని అందరినీ భయపెడుతున్నది. తమ పరిస్థితి కూడా ఢిల్లీ మాదిరే మారుతుందేమోనన్న భయం దేశంలోని ప్రధాన నగరాలను వేధిస్తున్నది. ఢిల్లీలో వాయు, జల కాలుష్యాలు ఇప్పటికే ప్రమాదకర స్థాయిని దాటిపోయాయి. దీపావళి రోజున బాణా సంచాను కూడా కాల్చరాదని సుప్రీం కోర్టు ఆదేశాలు జారీ చేయాల్సి వచ్చిందంటే, పరిస్థితి తీవ్రతను ఊహించడం కష్టం కాదు. కాలుష్యానికి వాతావరణ పరిస్థితి కూడా తోడై ఢిల్లీ అంటేనే అనారోగ్యానికి కేంద్రమనే అభిప్రాయం బలపడుతున్నది. ఉదయం దట్టమైన మంచు, చలి.. మధ్యాహ్నం భరించలేంత ఎండ.. రాత్రి మళ్లీ చలి.. ఇలా వాతావరణం తరచు మారుతుండడంతో, రోగాలు కూడా అదే స్థాయిలో విజృంభిస్తున్నాయి. స్వైన్ ఫ్లూ కేసులు పెరుగుతుండగా, ఇటీవల ఒకరు ఈ కారణంగానే మృతి చెందడం ఆందోళన కలిగిస్తున్నది. తాజాగా 124 స్వైన్ ఫ్లూ కేసులు బయటపడ్డాయి. అంటే ఈ ఏడాది ఇప్పటి వరకూ ఈ వ్యాధికి గురైన వారి సంఖ్య 1,019కి చేరింది. గంటగంటకూ సంఖ్య పెరుగుతునే ఉందనేది వాస్తవం. 183 మంది చిన్నారులుసహా మొత్తం 895 మంది బాధితులకు చికిత్సను అందిస్తున్నారు. కాగా, స్వైన్ ఫ్లూతో ఒకరు మాత్రమే మృతి చెందారని అధికార వర్గాలు అంటుంటే, ఈ ఏడాది మొత్తం 13 మంది చనిపోయారని ఒక నివేదిక స్పష్టం చేస్తున్నది. సఫ్దర్‌జంగ్ హాస్పిటల్‌లో పది మంది మృతి చెందగా, మరో మూడు కేసులు ఆర్‌ఎంఎల్ హాస్పిటల్‌లో నమోదైనట్టు ఈ నివేదిక పేర్కొంది. కాలుష్యం, రోగకారకాలైన వైరస్ వ్యాపిస్తున్నప్పటికీ, విద్యార్థుల నుంచి ఉద్యోగుల వరకూ ప్రతి ఒక్కరూ ఉరుకులు, పరుగుల జీవితాన్ని గడుపుతున్నారు. గత్యంతరం లేని పరిస్థితుల్లో తమతమ పనుల మీద వెళుతున్నారు. ఇలావుంటే, స్వైన్ ఫ్లూ దేశంలోని పలు నగరాలను సైతం వేధిస్తున్నది. ఈ సమస్య రాజస్థాన్‌లో మరింత తీవ్రంగా ఉంది.
పరీక్ష ఫీజు తగ్గింపు
స్వైన్ ఫ్లూ బారిన పడిన రాజస్థాన్‌లో ప్రైవేటు ఆసుపత్రులు, డయాగ్నస్టిక్ లేబొరేటరీలు చౌక ధరలకు స్వైన్ ఫ్లూ పరీక్షలను నిర్వహిస్తాయని రాష్ట్ర ప్రభుత్వం బుధవారం ఒక ప్రకటనలో తెలిపింది. రాష్ట్రంలో స్వైన్ ఫ్లూ కారణంగా ఇప్పటికే 80 మందికి పైగా మృతి చెందారు. రాష్ట్ర ఆరోగ్య, కుటుంబ సంక్షేమ శాఖ ప్రత్యేక కార్యదర్శి సమిత్ శర్మ అధ్యక్షతన జరిగిన సమావేశంలో ఆసుపత్రులు, డయాగ్నస్టిక్ కేంద్రాలు ఫ్లూ పరీక్ష రుసుమును రూ. 3,500 నుంచి రూ. 2,500కు తగ్గించడానికి అంగీకరించాయని ఆ ప్రకటన వివరించింది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.