జాతీయ వార్తలు
మోదీ వైఫల్యాలను ఎండగడతాం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ: తెలంగాణ శాసనసభ ఎన్నికల్లో పరాజయాన్ని మూటగట్టుకున్న కాంగ్రెస్ పార్టీ ఇప్పుడు లోక్‌సభ ఎన్నికల్లో గెలుపుపై దృష్టి సారించింది. ఎన్నికల్లో అనుసరించాల్సిన వ్యూహాలపై ఢిల్లీలోని వార్‌రూమ్‌లో కాంగ్రెస్ పార్టీ సీనియర్ నాయకుడు ఆనంద్ శర్మ నేతృత్వంలో మంగళవారం జరిగిన సమావేశానికి తెలంగాణ కాంగ్రెస్ నాయకులు హాజరయ్యారు. టీపీసీసీ క్యాంపెయిన్ కమిటీ చైర్‌పర్సన్ విజయశాంతి, పబ్లిసిటీ కమిటీ చైర్మన్ కోమటిరెడ్డి రాజగోపాల్‌రెడ్డి, టీపీసీసీ అధ్యక్షుడు ఉత్తమ్‌కుమార్ రెడ్డి ఈ సమావేశంలో పాల్గొన్నారు. అనంతరం విజయశాంతి, రాజగోపాల్‌రెడ్డి, ఉత్తమ్‌కుమార్ విలేఖరులతో మాట్లాడుతూ లోక్‌సభ ఎన్నికల్లో తెలంగాణ రాష్ట్రంలో అనుసరించాల్సిన వ్యూహాలపై ప్రధానంగా చర్చించినట్టు తెలిపారు. గత ఐదేళ్ల కాలంలో ప్రధాని మోదీ ప్రభుత్వం వైఫల్యాలను ప్రజాక్షేత్రంలో ఎండగడతామని చెప్పారు. శాసనసభ ఎన్నికలకు, లోక్‌సభ ఎన్నికలకు చాలా వ్యత్యాసం ఉంటుందని, దేశవ్యాప్తంగా ప్రధాని మోదీ వర్సెస్ రాహుల్ గాంధీ విధానంలోనే లోక్‌సభ ఎన్నికల వెళ్తామని చెప్పారు. అలాగే తెలంగాణలో ముఖ్యమంత్రి కేసీఆర్ వర్సెస్ కాంగ్రెస్ పార్టీగా లోక్‌సభ ఎన్నికలకు వెళ్తామని వారు స్పష్టం చేశారు. ఎన్నికల ప్రచారం విషయంలో అనుసరించాల్సిన వ్యూహాలపై చర్చలు జరిపినట్టు చెప్పారు. లోక్‌సభ ఎన్నికల ప్రచారంకోసం ఎప్పుడు ఎలా పర్యటించాలన్న దానిపై కూడా చర్చించామని తెలిపారు. కాంగ్రెస్ మాజీ అధ్యక్షురాలు సోనియా గాంధీ తెలంగాణ రాష్ట్రాన్ని ఇచ్చినందున సోనియా పర్యాటనలు ఉండేలా చూడాలని ఈ సమావేశంలో ఆనంద్ శర్మను కోరినట్టు చెప్పారు. లోక్‌సభ ఎన్నికల కోసం ఏఐసీసీ ప్రచార కమిటీతో సమన్వయం చేసుకుంటూ, అందరినీ కలుపుకుని ముందుకు వెళ్తామని వారు తెలిపారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.