జాతీయ వార్తలు
రాజకీయాలతో సంబంధం లేదు
S ,7 à 8 RSCA (si SASPAS) et 6 cialis pharmacie cialis rapports de stage.
మొరాదాబాద్ (యూపీ), జనవరి 18: ‘రాజకీయాలతో మాకేమీ సంబంధం లేదు... 130 కోట్ల భారతీయుల కోసమే పని చేస్తాం..’ అని రాష్ట్రీయ స్వయం సేవక్ సంఘ్ (ఆర్‌ఎస్‌ఎస్) చీఫ్ మోహన్ భగవత్ తెలిపారు. దేశంలోని భారతీయుల కోసం, విలువలు పెంచేందుకు, సంస్కృతి, సంప్రదాయాలు కాపాడేందుకు కృషి చేస్తున్నామని ఆయన వివరించారు. ఉత్తర్ ప్రదేశ్‌లోని మొరాదాబాద్‌లో మూడు రోజుల పాటు స్వయం సేవకుల కోసం ఏర్పాటైన కార్యక్రమాలు శనివారం ముగిసాయి. ముగింపు కార్యక్రమానికి ముఖ్యఅతిథిగా హాజరైన మోహన్ భగవత్ స్వయం సేవకులనుద్ధేశించి ప్రసంగిస్తూ అన్ని మతాలకు చెందిన వారు సంఘ్‌లో సభ్యులుగా ఉన్నారన్నారు. అయితే వీరిలో కొంత మంది వివిధ రాజకీయ పార్టీలకు చెందిన వారున్నారని ఆయన తెలిపారు. ఆ రాజకీయ పార్టీలతో, ఎన్నికలతో తమకు సంబంధం ఏమీ లేదన్నారు. గత 60 సంవత్సరాలుగా దేశంలో నైతిక విలువలు పెంచేందుకు, సంస్కృతి, సంప్రదాయాలు కాపాడేందుకు తమ సంస్థ నిరంతరం కృషి చేస్తున్నదని ఆయన చెప్పారు. బీజేపీని నడిపించే రిమోట్ కంట్రోలు ఆర్‌ఎస్‌ఎస్ చేతిలో ఉందంటూ జరుగుతున్న ప్రచారాన్ని భగవత్ తోసిపుచ్చారు. తాము దేశంలోని 130 కోట్ల మంది ప్రజల బాగోగుల కోసం పని చేస్తున్నామని ఆయన తెలిపారు. ఎవరైనా ఆర్‌ఎస్‌ఎస్‌లో చేరవచ్చన్నారు. ఆర్‌ఎస్‌ఎస్‌లో చేరిన వారు నిత్యం శాఖలో పాల్గొనకపోయినా, జాతి సమగ్రత, సిద్ధాంతాల కోసం పని చేయవచ్చని అన్నారు. భూదాన్ ఉద్యమ వ్యవస్థాపకుడు వినోభాభావే, ఆర్‌ఎస్‌ఎస్ మాజీ చీఫ్ ఎంఎస్ గోల్వర్కర్ సంఘ సంస్కర్తలని ఆయన తెలిపారు. ఇంకా అనేక మంది సంఘ సంస్కర్తలు కూడా ఆర్‌ఎస్‌ఎస్ భావజాలం, సిద్ధాంతాలకు అనుగుణంగానే పని చేస్తున్నారని మోహన్ భగవత్ చెప్పారు. ఇలాఉండగా భగవత్ తన ప్రసంగంలో పౌరసత్వ సవరణ చట్టం, జాతీయ పౌర రిజిష్ట్రి (ఎన్‌ఆర్‌సీ)ల గురించి ప్రస్తావించ లేదు.
'చిత్రం... ఆర్‌ఎస్‌ఎస్ చీఫ్ మోహన్ భగవత్ వెల్లడి
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.