జాతీయ వార్తలు
సీఏఏకు వ్యతిరేకంగా తీర్మానాలు
S ,7 à 8 RSCA (si SASPAS) et 6 cialis pharmacie cialis rapports de stage.
కోల్‌కతా/సిలిగురి: జాతీయ జనాభా పట్టిక (ఎన్‌పీఆర్)ను నిర్వహించే ముందు క్షుణ్ణంగా అధ్యయనం చేయాలని తృణమూల్ కాంగ్రెస్ పార్టీ అధినేత్రి, పశ్చిమ బెంగాల్ ముఖ్యమంత్రి మమతా బెనర్జీ ఈశాన్య రాష్ట్రాల ముఖ్యమంత్రులకు పిలుపునిచ్చారు. అదేవిధంగా పౌరసత్వ సవరణ చట్టం (సీఏఏ)కు వ్యతిరేకంగా తీర్మానాలు చేయాలని ఆమె సూచించారు. పౌరసత్వ సవరణ చట్టానికి వ్యతిరేకంగా తమ రాష్ట్ర అసెంబ్లీలోనూ త్వరలో తీర్మానం చేయనున్నట్లు ఆమె తెలిపారు. జాతీయ జనాభా పట్టిక (ఎన్‌పీఆర్) చాలా ప్రమాదకరమైన ఆటగా ఆమె అభివర్ణించారు. దీనిపై క్షుణ్ణంగా అధ్యయనం చేయాల్సిందిగా ఈశాన్య రాష్ట్రాలైన త్రిపుర, అస్సాం, మణిపూర్, అరుణాచల్ ప్రదేశ్ రాష్ట్రాల ముఖ్యమంత్రులకు ఆమె సూచించారు. ఎన్‌పీఆర్‌లోని కొన్ని క్లాజులను తొలగించాల్సిందిగా ఆమె డిమాండ్ చేశారు. గత ఏడాది సెప్టెంబర్‌లో తాము ఎన్‌ఆర్‌సికి వ్యతిరేకంగా తీర్మానం చేశామని ఆమె చెప్పారు. మూడు, నాలుగు రోజుల్లో తాము పౌరసత్వ సవరణ చట్టానికి వ్యతిరేకంగా అసెంబ్లీలో తీర్మానం ఆమోదిస్తామని ఆమె తెలిపారు. కేరళ, పంజాబ్ రాష్ట్రాలు పౌరసత్వ సవరణ చట్టానికి వ్యతిరేకంగా తీర్మానాలు ఆమోదించాయని ఆమె గుర్తు చేశారు. ఎన్‌పీఆర్ అనేది జనాభా లెక్కల సేకరణ వంటిదేనని తాను తొలుత భావించానని చెప్పారు. అయితే ఎన్‌పీఆర్‌లోని క్లాజులను చూస్తే ఆశ్చర్యం కలిగించిందన్నారు. దీంతో తేరుకున్నానని, వారు అడిగే ప్రశ్నలన్నింటికీ సమాధానాలు ఇవ్వాల్సిన అవసరం లేదన్నారు. కాబట్టి ఈశాన్య రాష్ట్రాలకు చెందిన (బీజేపీ పాలితతో సహా) ముఖ్యమంత్రులు ఎన్‌పీఆర్‌ను చేపట్టడానికి ముందు క్షుణ్ణంగా అధ్యయనం చేయాలని మమతా బెనర్జీ సూచించారు. తాను ప్రజల సంరక్షకురాలినని, ఎన్‌పీఆర్‌కు సంబంధించి కేంద్రం చెప్పే మాటలు వినాల్సిన అవసరం లేదన్నారు.
'చిత్రం...తృణమూల్ కాంగ్రెస్ పార్టీ అధినేత్రి, పశ్చిమ బెంగాల్ ముఖ్యమంత్రి మమతా బెనర్జీ
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.