జాతీయ వార్తలు
కేంద్ర జోక్యం లేదు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ: ఆంధ్రప్రదేశ్ ముఖ్యమంత్రి వైఎస్ జగన్‌మోహన్ రెడ్డి రాష్ట్రానికి మూడు రాజధానులను ఏర్పాటు చేయాలన్న ఆలోచనతో కేంద్రానికి ఎలాంటి సంబంధం లేదని జనసేన అధినేత పవన్ కల్యాణ్ స్పష్టం చేశారు. ఈ విషయాన్ని బీజేపీ నూతన అధ్యక్షుడు జగత్ ప్రకాశ్ నడ్డా తనతో చెప్పారని వివరించారు. పవన్ గురువారం నడ్డాను కలిసి, బీజేపీ జాతీయ అధ్యక్షుడుగా ఎన్నికైనందుకు ఆయనకు అభినందనలు తెలిపారు. అంతేగాక, ఏపీలో నెలకొన్న రాజకీయ పరిస్థితుపై ఆయన నడ్డాతో చర్చించారు. ప్రధాన మంత్రి నరేంద్ర మోదీ, హోం శాఖ మంత్రి అమిత్ షా అనుమతితోనే రాష్ట్రానికి మూడు రాజధానులు ఏర్పాటు చేస్తున్నామని జగన్ పదేపదే చెప్పడాన్ని నడ్డా దృష్టికి తీసుకెళ్లగా, ఆ నిర్ణయంతో కేంద్రానికి ఎలాంటి సంబంధం లేదని ఆయన చెప్పారని పవన్ తెలిపారు. మూడు రాజధానుల ఏర్పాటు గురించి ప్రధానితో చర్చించానంటూ జగన్ చేస్తున్న ప్రకటనల్లో నిజం లేదని పవన్ తేల్చి చెప్పారు. ఏపీ ప్రభుత్వం భూదందాల కోసమే మూడు
రాజధానులను ఏర్పాటు చేయాలని చూస్తున్నదే తప్ప, రాష్ట్ర ప్రజల ప్రయోజనాల కోసం కాదని ఆయన ఆరోపించారు. సీఎం జగన్ తన ప్రయోజనాల కోసం మూడు రాజధానుల ఏర్పాటుకు నరేంద్ర మోదీ, అమిత్ షా మద్దతు ఉన్నదంటూ తప్పుడు మాటలు చెబుతున్నారని పవన్ ఆరోపించారు. రాజధానికి భూములు ఇచ్చిన రైతుల ప్రయోజనాలను పరిరక్షించేందుకు ఫిబ్రవరి రెండో తేదీన బీజేపీ శ్రేణులతో కలిసి లాంగ్ మార్చ్ నిర్వహిస్తున్నామని ప్రకటించారు. నడ్డాతో చర్చలు బాగా జరిగాయి, అన్ని అంశాలపై ఆయనతో మాట్లాడానని తెలిపారు. రాష్ట్రంలో నెలకొన్న రాజకీయ పరిస్థితుల గురించి నడ్డాకు వివరించినట్టు ఆయన తెలిపారు.
'చిత్రం... విలేఖరులతో మాట్లాడుతున్న పవన్ కల్యాణ్
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.